Jirimiạ 50:2 - সান্তালী বাইবেল

² “Ape do jạt jạtrenko ṭhen porcarpe ar lại jạhirpe, nisạn teṅgoepe ar lại jạhirpe. Danaṅ do cetʼge alope dohoya, bickom menpe, ‘eṭakʼko do Babelko ạidạrijoṅa; Bakʼal deboda doe lajao ocokʼa, Merodok debota doe chaka chun ocokʼa. Babelren boṅga murhutʼko doko lajao ocokʼa ar uniren boṅga muṭhạnko hõko chaka chunokʼa.’

Jirimiạ 50:2 Iomraidhean Croise

Sereńko 64:9

Unre sanamkoakʼ monre botor caṛhao akoa; ar Isor okaṭakʼe ceka akatʼ onko do onako lại sodora ar ona kathageko moneyakʼa.

Sereńko 96:3

Eṭakʼ jạtrenko ṭhen uniyakʼ ṭhonok lạipe; ar sanam hoṛko talare uniyakʼ sanam hahaṛa kạmiko reakʼ katha porcarpe.

Sereńko 97:7

Okoe murhutʼko sewawako kan ar Deb debota iạteko bạḍạiyokʼ kan onko sanamkoge lajaoreko paṛaokʼma; Probhu Isor samaṅre debotako do bohokʼko kuḍbur takoma.

Jesaea 12:4

Ape do enhilokʼpe mena, “Probhu Isor sarhaoepe, ar uniyakʼ gun reakʼ katha lại pasnaope; uni okae ceka akatʼ ona do sanam jạtrenko baḍae ocokope ar lại pasnaope, uni doe maraṅ utạricʼ kana.

Jesaea 13:2

Probhui Isore meneda, “Ape do poṭor buru cetanre mitʼṭecʼ jhạnḍi rakabtape; ar ãṭ aṛaṅte lạṛhại birko hohoakope ar asol asol hoṛko phaṭok duạrte bolokʼ lạgitʼ tite gạwicʼakope.

Jesaea 21:9

Hanko ńelkom, joṛa joṛa aswarikoko darae kana.” Ona tayom uni doe mena, “Babel do lạnduṛena, lạnduṛena. Onaren sanam boṅga muṭhạnko do otreko tawakʼ posakʼ ocoakana.”

Jesaea 39:1

Un jokhecʼ Babel raj Baladanren hopon Merodak Baladan do Hiskiạwakʼ ruạ ar ruạ khon bogekʼ reakʼ khobor ańjomkate uni ṭhen ciṭhi ar sandeskoe kolkeda.

Jesaea 46:1

Probhu Isore meneda, “Bel debota doe ombagokʼa ar Nebo debota hõe sombodokʼa; unkinren goṛhon muṭhạnkoakʼ bojha do janwarkore lade idikʼa. Babelrenko okoe do boṅga murhutʼko sewawako kan tahẽkan onko do bojha lekako hoyokʼtakoa, ar laṅga janwarko lạgitʼ hõ bojhako hoyokʼa.

Jesaea 48:20

Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”

Jesaea 48:6

Ape do niạkope ańjomakada; ar noa sanamakʼ secʼpe koyokʼ horakada. Ape do cetʼ ona bape aṅgoca? Ńitokʼ khon iń do nãwã nãwãnakʼkoń ańjom ocopea oka do danaṅ reakʼakʼko kan.

Jirimiạ 10:11

Hoṛko metakope, noko debota do ot ar serma bako sirjạuakada; onko do pirthimi khon ar serma latar khonko marao utạrokʼa.

Jirimiạ 10:15

Onako do ạuṛiyakʼgea, lajao ocokʼakʼ jiniskangea; bicạr hilokʼ onako do marao utạrokʼa.

Jirimiạ 31:10

“E Jạt jạtrenko, ińakʼ katha ańjompe; ar sạṅgiń disạmkore niạ katha lại jạhirpe, ‘okoe do Israelkoe chirchạturletʼko uni do onkoe jarwakoa ar gukʼpiko leka acʼakʼ palkoe rukhiyạitaea.’

Jirimiạ 4:16

Jạt jạtrenko ṭhen ar Jerusalemrenko ṭhen niạ katha jạhirpe, “Gherao ekʼsetʼ lạgitʼ lạṛhại phạdko do sạṅgiń disạm khonko hijukʼkana; onko do Jihudạ reakʼ nagrahako upạrte lạṛhại lạgitʼko hohoyetʼkana.

Jirimiạ 4:6

Sion secʼ mitʼṭecʼ nisạn tul rakabtape. Ar bin bilomte ńir bańcaokʼpe, ente iń do utạr secʼ khon maraṅ jarkharokʼgeń ạgu lạgidokʼ kana.

Jirimiạ 46:14

Uniye metade tahẽkana, “Ape do Misorre porcarpe, Migdolre lại jạhirpe, Naph ar Tophnhesre lại sodorpe, ‘ar ṭhạ̃ire teṅgokʼpe ar sapṛaokʼpe, ente tarwaṛe do ape beṛhaeteye jojomkana.’

Jirimiạ 50:46

“Babel do dokhol akana.” Noa reakʼ saḍete dhạrti do dal dalaokʼa; ar jạt jạtrenko talare uniyakʼ rakʼ reakʼ aṛaṅ ańjomokʼa.

Jirimiạ 51:12

Babelre jhãp em lạgitʼ mitʼṭecʼ nisạn rakabtape. Rurukhiyạ dolko do arhõ daṛeanko hoyocokope, pahrako dohokope, danaṅ ṭhạ̃ire lạṛhại phạdko sapṛao dohokope. Probhu Isor do Babelren hoṛko upạrte acʼakʼ monsubạ ar hukum lekageye kạmiya.

Jirimiạ 51:27

“Ape do disạmre nisạn rakabtape. Ar jạt jạtrenko upạrte siṅgạ oroṅpe. Uni upạrte lạṛhại lạgitʼ jạtrenko sapṛao dohokope; uni upạrte Ararot, Mini ar Askenasren rajko hohoakope. Uni upạrte mitʼṭen subedar bahalepe; ar sobotʼ sobotʼ pohoko leka ạḍi utạr sadom kolkope.

Jirimiạ 51:31

Khoboricʼ do eṭakʼ khoboricʼ daram, goḍet do eṭakʼ goḍet dakʼrame calakʼ kana, Babelren raj ṭhen lại saḍe lạgitʼ, baṅma uniyakʼ goṭa nagraha do hatena,

Jirimiạ 51:44

Iń do Babelren Bel debotań sạjạiyea ar uni okae utʼ akatʼ ona doń becʼ oḍok ocoyea. Jạt jạtrenko do uni ṭhen ạtukʼ dakʼ leka ar bako calakʼa. Ar Babel reakʼ pạcri bhit hõ dạsuṛokʼa.

Jirimiạ 51:47

Nonkan okteko khạṭige hijukʼ kana iń do Babelren boṅga murhutʼkoń sạjạikoa; uniyakʼ goṭa disạmge lajaoakʼ hoyokʼa ar uniren gocʼ ocokʼ hoṛ do ona talareko gurokʼa.

Jirimiạ 51:52

Menkhan ińiń meneda, dinko hijukʼ kana iń do Babelren boṅga muṭhạnkoń sạjạikoa ar Babel reakʼ sanam ṭhạ̃ire ghạl akan hoṛ doko hae haeyokʼa.

Jirimiạ 51:8

Babel do ackageye ńũrena are rạputʼ dhaṅdhaserena. Uni lạgitʼ homor halaṅpe. Uniyakʼ haso lạgitʼ ran ạguiype; pasere pase uni doe boge ruạṛokʼa.

Jirimiạ 52:31

Jihudạren raj Jehoyakine bondi idi ocokʼre pe gel eae bochorre Ewil Merodak do Babelren raje hoyena. Uni do inạ bochor reakʼ gelbar cando reakʼ bargel mõṛẽakʼ dinre Jehoyakin do hajot khone aṛakʼkedea.

Jirimiạ 6:18

Onate E jạt jạtrenko, ańjompe; ińren hoṛkoakʼ oka hoyokʼ ona ạribạndhipe.

Daniel 1:2

Probhu Isor do uniyakʼ tire Jihudạren raj Jehoyakime soprotkedea ar uni sãote Isorakʼ oṛakʼ reakʼ adomakʼ bhajanko hõe emadea. Ar ona bhajanko uni do Babelte acʼren debotawakʼ mundilre idikate onḍenakʼ khajańci oṛakʼreye dohokada.

Daniel 3:14

Nebukadnesar do onkoe metatʼkoa, “E Sedrok, Mesak ar Abed-nego, noa do cetʼ sạrikana, ińren debota bape sapʼsorae kana, ar iń okoeṭakʼ sonaren murhutʼ iń benao akade uni hõ bape sewawae kana?

Sephaniạ 2:11

Probhu Isor do unkin ṭhen maraṅ botoranicʼgeye hoyokʼa; uni do dhạrtiren sanam debotakoe nijor ocokoa. Unre sạṅgiń disạmren sanam jạtren hoṛ do apan ạpin disạm khon uniko sewawaea.

Johan sodor 18:2

Uni do ãṭ aṛaṅte hohowateye menkeda, “Lạnduṛena, ona maraṅ nagraha Babel do lạnduṛena, ona do ńitokʼ bạṛicʼ jiukoakʼ tahen reakʼ jaega hoyakana ar mitʼke mitʼ bạṛicʼ jiuakʼ dander ar besapha ar hirkhạwan cẽṛẽkoakʼ khańca hoyakana,