Jirimiạ 5:9 - সান্তালী বাইবেল

⁹ Iń Probhu Isorgeń kulikana, niạ iạte onko do cetʼ bạń sạjạikoa? Nonkan jạtrenko upạrte iń do cetʼ bạń hala hạliya?

Jirimiạ 5:9 Iomraidhean Croise

Kạhtukko 6:29

Okoe hoṛ eṭakʼ maejiu ṭhene bolokʼ uniyakʼ dosa do onkage hoyokʼtaea; ar uni do jãhãe maejiugeye joṭede enḍekhan sạjại doe ńamtegea.

Jesaea 1:24

Ona iạte phạdkoren Probhu, Israelkoren daṛeanicʼ Isore meneda, “Aha, iń secʼren okoeko baṅkan onko khon iń do rukhiyạń ńama ar ińren bạiriko cetanreń hala hạliya.

Jesaea 57:6

“E Israel, am do buru nala reakʼ cĩkạ̃ṛ dhirikom sewawakʼ kana; ar onakoge, hẽ onakoge amakʼ sompottikana. Am do onako ṭhengem coḍoreda ar anajkom samaṅeda. Iń do cetʼ niạko ńelte hape akangeń tahena?

Jirimiạ 23:2

Ona iạte okoe do ińren hoṛko gupiyetʼko onko gukʼpiko upạrte Israelren Probhu Isor doe meneda, “Ape do ińakʼ palren bhiḍikope chirchạtur akatʼkoa arpe laga ńir akatʼkoa, onko do bape joton akatʼkoa; onate iń do apeakʼ behok iạteń sạjạipea.

Jirimiạ 32:31

Oka hilokʼ noa nagraha benaolen enhilokʼ khon teheń hạbicʼ onage ińakʼ khĩs ar edre do nonkae rakapʼ ocoakada je, ińakʼ mẽtʼãhã samaṅ khon ona doń ocokʼ giḍikakʼa,

Jirimiạ 44:22

Apeakʼ bạṛicʼ ar hirkhạwakʼ kạmiko Probhu Isor do tinre bae sahao daṛeada unre apeakʼ disạm do ujạṛakʼ, maraoakʼ ar hirkhạwakʼ ṭhạ̃ige hoyena ar ona disạm reakʼ ńutum do hoṛkoko sarapakʼa. Ar teheń hạbicʼ hõ ona do onkage menakʼa.

Jirimiạ 5:10

“Ape do Jerusalem reakʼ darkha bagwan talate sen paromokʼpe ar onako maraope menkhan purạte do alope nosṭo caba utạra. Ona reakʼ dạṛko hese giḍikakʼpe, ente noko do Probhu Isorren doko baṅkana.

Jirimiạ 5:29

Onate cetʼ onko do bạń sạjạikoa? Iń do cetʼ nonkan jạtrenko cetanre bạń halaea? Iń Probhu Isorge noa katha doń meneda.

Jirimiạ 6:11

Menkhan iń do Probhu Isorakʼ raṅgaoteń perecʼ akana; iń do ar bạń sambṛao daṛeakʼ kana. Probhu Isore meneda, “Am do kulhiren gidrạko cetanre ar mitʼ ṭhenko jarwa akan juạnko cetanre dulme. Onate bạhu ar jãwãe hõ onarekin sabokʼa, ar haṛamko ar ḍher haṛam hoṛ hõ rukhiyạ do ohoko ńamlea.

Jirimiạ 6:6

Phạdkoren Probhu Isor do noa kathae meneda, “Dareko makʼ bhindạṛpe ar Jerusalem upạrte ghekʼrao pinḍhạ benaope. Niạ nagraha do sạjạite hõ sạjạiyokʼgea; ona do jor-julumte perecʼ akana.

Jirimiạ 9:8

Onkoakʼ alaṅ do gogocʼakʼ sar leka; ona do phạsiạra kathageko roṛa. Onko do mocate aḍepaserenko tulucʼ sebel sebel kathako galmaraoa menkhan ontorre do uni upạrte jhãmpako oḍaoeda.

Jirimiạ 9:9

Iń do cetʼ ona iạte bạń sạjạikoa? Nonkan jạtrenko cetanre ińge cetʼ bạń hala hạliya?”

Rak̕joṅ 3:42

“Ale dole kại akada, arle hul akada; ar am do bam ikạ akatʼlea.

Rak̕joṅ 4:22

E Sion hoponera, amakʼ sạjại do cabakʼa; bondi dosare do ar bam tahena; menkhan E Edom hoponera, uni do behokakʼ reakʼ sạjạiyiń emama ar amakʼ kạiye sodortama.

Jeheskel 7:9

Iń do mãyãte bạń beṅgetʼapea ar aṛakʼ hõ bạń aṛakʼpea; apeakʼ colon ar ape tala reakʼ hirkhạwakʼ kạmiko reakʼ kuṛạiyiń emapea. Ar unrepe baḍae daṛeakʼa, iń Probhu Isorgeń hạhạna mente.

Hosea 2:13

Tinạkʼ din Bakʼal debota ńutumte dhupkoe jered ar mundạm ar abhrankote sajkate acʼren dulạṛiạkoe pańjako ar ińe hiṛińiń unạkʼ dinge uniń sạjạiyea. Iń Probhu Isorge noa katha doń meneda.

Hosea 8:13

Iń ńutumte janwar samaṅkate onko do ona reakʼ jelko jojomkana menkhan iń Probhu Isor do onkore kusi bạnuńa. Ńitokʼ iń do onkoakʼ dusṭạmi reakʼ kathań disạite kại reakʼ sạjạiyiń emakoa; ar onko do Misorteko ruạṛ calakʼa.

Levitikus 18:25

“Nonkate onkoakʼ disạm hõ disạm besapha akantakoa. Onate bedhoromakʼ iạte disạm hõń sạjạyeda ar disạm hõ acʼren hoṛkoe ulạ giḍikako kana.

Levitikus 26:25

Ińakʼ bondobospe rạputʼ akatʼte ape cetanre lạṛhạikoń ạguiya. Unre bạiriko ńelte nagrahatepe bolokʼre iń do mahamạriń kola, ar onate bạirikoakʼ tirepe paṛaokʼa.

Nạhum 1:2

Probhu Isor do nonkan Isor kanae uni do acʼakʼ kuṛạiye khojkana ar joe emokʼkana; Probhu Isor doe hala hạliya ar acʼren bạiriko lạgitʼ edreye dohokakʼa.

Dosar Biboron 32:35

Behok reakʼ sạjại emokʼ reakʼ ạidạri do ińakʼge; okoeyakʼ oka kuṛại onage uniń emaea. Okte purạulen khan bạirikoakʼ jaṅga do leńjedokʼtakoa; onkoakʼ maraokʼ reakʼ din do sor hecʼakana. Onko lạgitʼ oka ṭhik dohoakan, ona do usạrage onkore paṛaokʼa.”

Dosar Biboron 32:43

E sanam jạtren hoṛko, Probhu Isorren hoṛko sãote uni baṛe sarhaoepe, ente acʼren gutikoakʼ mãyãm reakʼe hala hạliya, uni do acʼren bạirikoe sạjạikoa ar acʼakʼ disạm ar acʼren hoṛkoakʼ kại ikại reakʼe bondobosa.