Jirimiạ 5:7 - সান্তালী বাইবেল

⁷ Probhu Isore meneda, “E Jerusalem, am do cedakʼ iń ikạmea? Amren hoponko doko bạgi giḍiakadińạ ar okoe do Isorko baṅkan onkoakʼ ńutumteko kiriạkʼ kana. Iń do onkoakʼ jạruṛokʼakʼ jotowakʼ iń purun akatʼtakore hõ, enhõ onko doko laṭghaṭ akada ar kusumbikoakʼ oṛakʼte gad gadko calaoena.

Jirimiạ 5:7 Iomraidhean Croise

2 Bõsbudạ 13:9

Ape do Probhu Isorren naekeko, metakʼme Aronren hoponko ar Liwikope laga ńir akatʼkoa ar eṭakʼ eṭakʼ disạmren hoṛko leka apnar lạgitʼ naekepe bahal akatʼkoa. Naeke lekate apnartetʼ begarokʼ lạgitʼ jãhãege mitʼṭen damkom ar eae goṭen bheḍae ạguko unige onko debotakoren naekeye hoedaṛeakʼa.

Jobakʼ 31:12

Ona kại do nonkan seṅgel kana oka do Sheol hạbicʼ jolokʼkan, ona do ińakʼ jotowakʼe ḍahao maraoetʼkana.

Sereńko 50:18

Kombṛom ńellere uni dom sãhãkʼae kana, ar loṭghuṭiko tulucʼ dom gatekʼkana.

Jirimiạ 12:16

Mitʼdin onko do ińren hoṛko Bakʼal debota ńutumteko kiriạ ocoletʼkore hõ enhõ jodi ińren hoṛkoakʼ horteko taṛam ar ‘Jiwetʼ Probhu Isor ńutumteko kiriạkʼ, enḍekhan onko do ińren hoṛko talareko benao rakapʼa.

Jirimiạ 13:27

Iń do amakʼ laṭghaṭ, hinhạukʼ ar nilạjiạ loṭghuṭgeń ńelakada; ṭạnḍi ar buru boṭkocʼre amakʼ hirkhạwakʼ kạmiko hõń ńelakada. Amre do hae hae E Jerusalem! Ar tinạkʼ din besapha akan dom tahena?”

Jirimiạ 16:11

Unre am do onkom metakoa, Probhu Isore meneda, ‘noa reakʼ karon do hoyokʼ kana aperen hapṛamko do ińko bạgi giḍi akadińa ar debotako pańja akatʼkote onkoko sewa akatʼkoa. Onko doko bạgi giḍi akadińa ar ińakʼ ạn-ạriko bebatao akada.

Jirimiạ 16:20

Hoṛko do cetʼ apnar lạgitʼ debotako benao daṛeakoa? Arko benaolekore hõ onko do isor doko baṅkana.”

Jirimiạ 2:11

Jạtkoren debota do Isorko baṅkanre hõ enhõ jãhãe jạtrenkoge akoren debota do bako bodol akatʼkoa; menkhan ińren hoṛ do akoren ṭhonokren Isor bodolte ạuṛiyakʼren debotako aṅgocetʼkoa.

Jirimiạ 2:31

“Niạ piṛhiren hoṛko, ińakʼ katha ańjompe. Israelko ṭhen iń do cetʼ hahaṅkar iń hoyakana? Iń do cetʼ kaṛaṅ ńut reakʼ disạmiń hoyakana? Ińren hoṛ do cedakʼko mena, ‘ale do sạdhintegele dãṛãbaṛa daṛeakʼa; ar am ṭhen do bale hijukʼa?’

Jirimiạ 23:10

Laṭghaṭkote disạm do perecʼ akana; sarap iạte disạm doe hińjrạukʼkana ar hahaṅkar reakʼ ạtiń ṭạnḍiko do rohoṛ akana. Hoṛko do bạṛicʼ horteko sen akana ar onkoakʼ ektiạri do behokakʼteko boeharetʼa.

Jirimiạ 3:19

“Ińgeń menleda, ‘ińge hoponko menkateń ataṅpea ar mitʼṭecʼ hạ̃sanakʼ disạmre, jạt jạtrenko talare mońj utạr ạidạriankoń hoyocopea.’ Iń doń hudisleda baba mentepe hohowạńạ ar iń tayom khon do bape ruạṛa.

Jirimiạ 3:8

Bạṛicʼ horte senakan Israel do bapag doleliń emade tahẽkana ar sanam lekan laṭghaṭ iạte uniń sạṅgiń giḍiledea. Menkhan iń doń ńelkeda uniren bepạtiạricʼ boeha kuṛi Jihudạ hõ jãhãn botorge bạnukʼtaea; uni hõ senkateye loṭghoṭikeda.

Jirimiạ 7:9

Ape do kombṛoko, gogocʼko, laṭghaṭko ar eṛe eṛe kiriạkʼko kanape ar Bakʼ-al debota ńutumte dhupkope jeretʼetʼ kana. Ona chaḍa okoe debotako bape orom akatʼko onkope pańjayetʼkoa.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Jirimiạ 9:2

Hae, hahaṅkar ṭhạ̃ire horten calakʼkoakʼ mitʼṭecʼ ḍerań hoylen khan! Enḍekhan ińren hoṛko bạgikate onḍegeń sen pharakkokʼa, ente onko jotoge laṭghaṭ ar ekʼṛekoren dol kanako.

Rak̕joṅ 3:42

“Ale dole kại akada, arle hul akada; ar am do bam ikạ akatʼlea.

Jeheskel 22:11

aḍepaseren hoṛren bạhutetʼ sãote, kimintetʼ sãote ar kạki gogoren hoponera sãoteko laṭghaṭetʼ kan.

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Hosea 13:6

Ar amren hoṛiń jom ocoletʼko tayom onko doko tirpitlena; ar tirpitente onko do bạḍạiteko perecʼena, ar ona tayom do ińko hiṛińkedińa.

Hosea 4:2

eken eṛe kiriạ, eṛe katha, khũn, kombṛo ar laṭghaṭ menakʼtakoa. Onko do ạn bako manaoeda ar mãyãm cetan mãyãmko joro ocoyetʼkana.

Hosea 7:4

Onko jotoge laṭghaṭko kanako, onko do piṭhạ rapakʼicʼakʼ jolokʼkan culhạ leka; holoṅ sipi khon ehopʼkate ona phulạu rakabokʼ hạbicʼ one ona reakʼ seṅgel do uskurakʼ baṅ jạruṛ.

Levitikus 20:10

“Jãhãege acʼ aḍepaseren maejiu sãote, metakʼme eṭakʼ jãhãe hoṛren bạhu sãote aloe laṭghaṭ ma, ar baṅ khan laṭghaṭicʼ ar loṭghuṭiyicʼ unkin bana hoṛgekin gocʼ ocokʼa.

Amos 8:14

Onko okoe Samariạren boṅga ńutumte kiriạkateko men, ‘E Dan, amren jiwetʼicʼ debota ńutumtele kiriạkʼkana se, ‘Ber-sebaren jiwetʼicʼ debota ńutumtele kiriạkʼkana,’ onko doko bhindạṛokʼa, ar tishõ bako beretʼa.”

Sephaniạ 1:5

Sermaren sanam ipilko sewawako lạgitʼ okoe do chat cetanre decʼkateko ḍobokʼetʼkan ar okoe do Probhu Isor ńutume kiriạ tayom hõ Milkom debota ńutumteko kiriạkʼ kan onko hõń marao utạrkoa.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

1 Korinthiko 6:9

Ape do cetʼ bape baḍaea, bedhoromko do Isorakʼ raj bako ạidạrijoṅa mente? Alope bulạukʼa; baṅ do loṭghuṭiko, baṅ do boṅga sewako, baṅ do laṭghaṭko, baṅ do laṅcạṅgiạko, baṅ do jojognako;

1 Korinthiko 8:4

Ńitokʼ do boṅga ṭhen samaṅakʼ jomakʼ reaṅ iń roṛeda. Baḍaegea bon dhạrtire cele boṅgage bạnukʼkoa, ar mitʼ goṭen chaḍa ar cele Isor hõ bạnukʼkoa.

Galathiko lạgitʼ Pạul Apostolakʼ ciṭhi 4:8

Pạhilre Isor bape baḍae akade tahẽkanre okoepe sewawako kan tahẽkan onko do cele debgeko baṅkana.

Dosar Biboron 32:15

“Menkhan Jisurun doe moṭayena are phandakeda. E Jisurun, am do ḍher jomte ạḍim moṭayena. Ona tayom uni do acʼren sisirjạuicʼ Isore bạgi giḍiadea, ar acʼakʼ asrayokʼ buru hõe nihạ̃t giḍikada.

Dosar Biboron 32:21

Isore baṅkan nonkanicʼko sewawaekante ar bako botorạńkante onko do ińko ãṭ ocoakadińa; ar onkoren boṅga murhutʼko iạte ińko khĩs ocoakadińa. Okoe do jạtrenko baṅkan onkoakʼ tire soprotkate onkoń jaljalao ocokoa; ar mitʼṭen bebuj jạtrenkoakʼ tire soprotkate onkoń khĩs ocokoa.

Ibriko 13:4

Sanamkoge bapla do manot salakʼko beṅgetʼakʼma. Jãwãe ar bạhu talare bapla tonol do sonot dohoy lek kana, ente jãhãlekanakʼ laṭghaṭkange, ar jãhãe ona dusireko dusige khan Isor do onkoe sạjạikogea.

Jakob 4:4

E baṅ pạtiạukʼko, ape do cetʼ bape baḍaea, dhạrti tulucʼpe gatekʼ do Isorren bạiripe hoyokʼa mente? Onate jãhãe dhạrtiren gate hoyokʼe menjoṅkan khan uni do apnarte Isorren bạiriye hoyokʼ kana.

Josuạ 23:7

Okoe jạtrenko ape talare menakʼko onko tulucʼ do alope sulukokʼa; onkoren debotakoakʼ ńutum hõ alope ńuma se onko ńutumte hõ alope kiriạkʼa. Onko alope ḍobokʼakoa se onko samaṅre bohokʼ alope kuḍburtapea.