Jirimiạ 5:6 - সান্তালী বাইবেল

⁶ Ona iạte bir khon mitʼṭen dhạcri kul do oḍok hecʼkate onkoe gocʼkoa. Ar hahaṅkarren mitʼṭen hunḍạr doe maraokoa ar onkoakʼ nagraha ṭhen mitʼṭen tạrupʼ do tãṛãkʼ akane tahena. Ar jãhãege onḍe khonko oḍokokʼ onko doe or cirạkoa, ente onkoakʼ ghạṭ do ḍhergea ar bạṛicʼ horte calakʼ reakʼ ghoṭna hõ maraṅgetakoa.

Jirimiạ 5:6 Iomraidhean Croise

2 Bõsbudạ 36:14

Ona chaḍa naekekoren sanam mukhiyạko ar disạm hoṛko do eṭakʼ jạtrenko leka hirkhạwakʼ kạmikateko kạikeda ar Probhu Isor Jerusalemre okaṭakʼ oṛakʼ do acʼ ńutumteye begar doholetʼ ona hõe bhonḍ ocokeda.

Esra 10:10

Unre naeke Esra do teṅgoyente onkoe metatʼkoa, “Ape do bepạtiạrkope hoyakana, ar judạ judạ jạtren kuṛikope bapla akatʼkote Israelkoakʼ kại tulucʼ arhõ kạipe juṭucʼ akada.

Esra 9:6

“E ińren Isor, am secʼ beṅgetʼ hõ lajaogeń ạikạueda, ente aleakʼ kại do aleakʼ bohokʼ cetan hara rakapʼ akantalea ar aleakʼ ghạṭ do sermae tiyạkʼ akada.

Jobakʼ 10:16

Dhạcri kul leka bohokʼ iń rakapʼle khan iń iạte am do tãṛãkʼ akanem tahena ar amakʼ botoranakʼ daṛe do arhõm udukʼạńạ.

Sereńko 104:20

Ńutem ạgu lekhan do ńindạ hoyokʼkana, ar unre bir janwarko doko jạpitʼjoṅ kana.

Sereńko 80:13

Birren sukri do hecʼkate onae togocʼ topakʼeda; ar ṭạnḍiren janwarko hõ onako jomeda.

Jesaea 1:23

Amren disạm cakʼlaoko do huhulko ar kombṛokoren gateko hoyakana; sanamkoge ghusko kusiyakʼa ar sandesko khoja. Onko do reṅgecʼ hoṛko secʼ bako teṅgon kana ar rạnḍi maejiukoakʼ mambla hõ onko ṭhen do baṅ seṭerokʼ kana.

Jesaea 59:12

E Probhu Isor, amakʼ mẽtʼre alaeakʼ behokakʼ do ḍhergetalea; aleakʼ kại do ale upạrte gohae emetʼkana. Aleakʼ bedhoromtetʼ do ale sãorege menakʼa ar aleakʼ ghạṭko reaṅ dole baḍaekangea.

Jirimiạ 14:7

E Probhu Isor, aleakʼ kại do ale upạrteye gohayetʼre hõ enhõ amakʼ ńutum iạte jãhãnakʼ baṛe cekawaleme. Ale do ḍher dhao bạṛicʼ hortele sen akana; ar am upạrtele kại akada.

Jirimiạ 2:15

Dhạcri kul doko hạnḍrạukʼ kana: uni upạrteko hạnḍrạukʼ kana. Onko do uniyakʼ disạmko ujạṛakada; ar uniyakʼ nagrahako doko ḍahao marao akada, onate onare do celege bạnukʼkoa.

Jirimiạ 2:17

Amren Probhu Isor do ṭhik horteye idiyetʼme tahẽkanre unim bạgiyadete amtege cetʼ noako do bam ạgu akawana?

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 2:31

“Niạ piṛhiren hoṛko, ińakʼ katha ańjompe. Israelko ṭhen iń do cetʼ hahaṅkar iń hoyakana? Iń do cetʼ kaṛaṅ ńut reakʼ disạmiń hoyakana? Ińren hoṛ do cedakʼko mena, ‘ale do sạdhintegele dãṛãbaṛa daṛeakʼa; ar am ṭhen do bale hijukʼa?’

Jirimiạ 25:38

Uni do dhạcri kul leka acʼakʼ ṭhạ̃i bạgikateye oḍok hijukʼa; onate sasantaokoakʼ raṅgao iạte ar Probhu Isorakʼ jolokʼkan edre iạte onkoakʼ disạm do jarkhar cabakʼa.

Jirimiạ 30:14

Amren sanam dulạṛiạko do amko hiṛiń akatʼmea; onko do am reaṅ bako ganḍonokʼ kana. Bạiri hạnko lekage amiń hạn akatʼmea ar kurmutạha lekageń sạjại akatʼmea, ente amakʼ bedhorom do ḍhergetama ar kạiko hõ ḍhergea.

Jirimiạ 30:15

Baḍaegeam ghao do baṅ besokʼtama menkhan hasote cedakʼem kikiạueda? Amakʼ aema bedhorom ar kại iạte iń do amre noań nonka akada.

Jirimiạ 30:24

Probhu Isorakʼ sana purạpuri kạmire ạuri lagaokʼ hạbicʼ uniyakʼ botoranakʼ edre do baṅ ruạṛtaea. Tayom daram dinkore hõ noa dope bujhạu daṛeakʼa.

Jirimiạ 4:7

Mitʼṭen dhạcri kul do gajaṛ bạgikateye oḍok hecʼakana; ar jạtrenko maraoko lạgitʼ hõ mitʼ hoṛe mohnḍa akana. Amakʼ disạm ujạṛ lạgitʼ uni do acʼakʼ ṭhạ̃i khone oḍok akana. Amakʼ nagrahako do jarkharokʼa, onḍe do celege bako tahena.

Jirimiạ 49:19

“Jordan reakʼ bir khon cetʼleka dhạcri kul do sikạr lạgitʼe oḍokʼ hijukʼ onkage mitʼ ripitʼre Edom do acʼakʼ disạm khoniń laga ńirea. Onḍe do ińren bachao akan hoṛkoń bahalkoa. Iń lekanicʼ do okoe menaea? Ar iń upạrte do okoeye teṅgo daṛekokʼa? Jãhãe gukʼpiyicʼ do cetʼ iń samaṅreye teṅgo daṛekokʼa?”

Jirimiạ 8:5

Menkhan Jerusalemren hoṛ do bạṛicʼ horte senkate cedakʼ bako ruạṛ hijukʼkana? Onko do eṛeyakʼko sapʼ kajak akawana; ar ruạṛ hijukʼ do bako rebenkana.

Jirimiạ 8:7

Kisni hõ acʼakʼ niṭakatʼ okteye baḍaekana, mala potam, bhạluạ ar kõkʼ hõ akoakʼ ruạṛ hijukʼ reakʼ okteko baḍaekana, menkhan ińren hoṛko do ińakʼ ạn-ạri secʼ bako moneyakʼ kana.

Rak̕joṅ 1:5

Uni upạrtenko do uniren kisạ̃ṛko hoyakana; Uniren bạiriko do khạtirjomako tahenkana. Uniyakʼ ḍher ghạṭ iạte Probhu do dukreye paṛao ocoakadea. Uniren kạṭicʼ gidrạko do bondikate bạiriko laha lahateko senakana.

Jeheskel 16:25

Dobạṭiạkore hõ boṅga muṭhạnko benaokate amakʼ mońjtetʼ do hirkhawakʼgem hoyoco akada. Ar jãhãege am aṛeteye parom senakan unige amakʼ hoṛmom danaekan tahẽkante amakʼ loṭghuṭi reakʼ kạmim ḍher akatʼtama.

Jeheskel 22:27

Hunḍạr cetʼleka sikạrko sapʼko onkage onḍenko rajkạmiyạko do mãyãmko joro ocoyeda ar behok lekate lab iạte manwako khũnetʼkoa.

Jeheskel 23:19

Juạn oktere tinre uni do Misorreye loṭghuṭiyetʼ tahẽkana unreakʼ dinko disạkate uni do arhõ bạ̃ṛti loṭghuṭi kạmiye ehopʼena.

Daniel 7:4

Pạhilicʼ doe tahẽkana dhạcri kul leka ar uniyakʼ do cẽṛẽ leka phạ̃kṛạ̃kʼ tahẽkantaea. Ar ńel ńeltege uniyakʼ phạ̃kṛạ̃kʼkin do or chaḍaoena ar uni do ot khon cetanteye rakapʼ ocoyena. Unre uni do manwa leka banar jaṅgateye teṅgoyena ar manwawakʼ ontore emocoyena.

Daniel 7:6

“Ona tayom iń do ar mitʼṭecʼ janwariń ńelkedea. Uni do ńelokʼte hunḍạr lekae tahẽkana. Uniyakʼ deare do cẽṛẽkoakʼ phạ̃kṛạ̃kʼ leka ponea phạ̃kṛạ̃kʼ tahẽkana. Nui janwarakʼ do ponea bohokʼ tahẽkantaea ar uni do raj ektiạriye emocoyena.

Hosea 5:14

Ephrayim ṭhen ar Jihudạ ṭhen do dhạcri kul lekageń hoyokʼa. Unkin doń or cirạkinạ ar kaṭra kuṭrạkateń bạgi oṭoạkinạ. Iń do unkiniń idikinạ ar unkin bańcaokin lạgitʼ do celege bako tahena.

Habakkuk 1:8

Onkoren sadomko do hunḍạr khon hõ usạrateko calakʼa, ar ạyupʼ jokhecʼ do hunḍạr khon hõko botorangea. Onkoren aswariko do sạṅgiń khon tạpisteko hijukʼa; ar onko do jojom lạgitʼ pajhạṛ lekako ạphir hijukʼkana.

Sephaniạ 3:3

Uniren rajren kạmiyạko do hạnḍrạukʼkan dhạcri kul leka ar disạm cakʼlaoko do ńindạren hunḍạr leka kanako; one setakʼ lạgitʼ cetʼge bako sarecʼ dohokakʼ kan.

Numeri 32:14

“Ape kạiyanko do, aperen baba hapṛamko bodoltepe upel akana ar Probhu Isorakʼ edre seṅgel do Israelko cetanre arhõpe sarsao ocoakatʼtaea.

Johan sodor 13:2

Uni janwar do ńelokʼte citạ tạrupʼ lekae tahẽkana ar jaṅgako do banawakʼ leka ar moca do dhạcri kulakʼ moca leka tahẽkantaea. Ar biń do acʼakʼ daṛe, siṅghạson ar maraṅ ektiạri uni janware emadea.