Jirimiạ 5:31 - সান্তালী বাইবেল

³¹ Nạbiko do eṛeyakʼko nạbiyeda, naekeko do akoakʼ tirege ạidạri dohokateko ḍanṭao kana, ar ińren hoṛko do nonkageko dulạṛkana. Menkhan E ińren hoṛko, ona reakʼ mucạtʼ hecʼlenre cetʼpe cekaea?”

Jirimiạ 5:31 Iomraidhean Croise

1 Rapajko 22:6

Onate Israelren raj do nạbikoe hoho jarwaketʼkoa. Onkoakʼ lekha do ponsae tahẽkana. Uni do onkoe kuliketʼkoa, “Ramot-Gilead upạrte lạṛhại lạgitʼ iń oḍok calakʼa seyiń ikạkakʼa?” Onkoko menkeda, “Do calakʼme, ente Probhu Isor do rajakʼ tire onae jimạ akada.”

Kạhtukko 17:4

Bạṛicʼ hoṛ do dusṭạmi kathae ańjoma; ar eṛeyicʼ do kharap alaṅ reakʼe luturakʼa.

Jesaea 10:3

Sạjạiyokʼ dinre tinre sạṅgiń khon jarkharakʼ hijukʼa unre ape do cetʼpe cekaea? Goṛo ńam lạgitʼ okoe ṭhenpe ńir calakʼa? Apeakʼ dhon durib do okoe ṭhenpe doho oṭokakʼa?

Jesaea 20:6

Enhilokʼ doreão aṛe aṛete tahenkan hoṛ doko mena, ‘ńelpe, nõkʼõe nonkayenako onko do one okoe cetanre goṛo ńam lạgitʼ bon bhorsakʼkan tahẽkan ar Ạsur rajakʼ ti khon rukhiyạ ńam lạgitʼ okoe ṭhen bon senokʼkan tahẽkan. Enḍekhan cekate abo do bon paskao daṛekokʼa?’ ”

Jesaea 33:14

Sionren kạkạiko do ạḍiko botor akana; Isor baṅ botorae hoṛ doko dhak dhakaokʼ kana. Onkoko meneda, “Abo modren okoeṭakʼ hoṛ do jojomkan seṅgel ṭhene tahẽdaṛekokʼa? Ar okoe do jaejug jolokʼkan seṅgel sãoteye tahẽdaṛeakʼa?”

Jesaea 43:27

Amren pạhil ạpum doe kạikeda; amren mańjha mańjhi hoṛ do iń reaṅko ghạṭkeda.

Jesaea 47:7

Amem menleda, ‘iń do jaejug hạbicʼ rạniń tahena.’ Menkhan niạko reaṅ am do hudis hõ bam hudisleda, se mucạtʼ jo cetʼ hoyokʼtama mente ona hõ bam hudisleda.

Jirimiạ 12:4

Disạm do tinạkʼ dine homor halaṅa ar ṭạnḍi reakʼ ghãs hõ tinạkʼ din tolmocʼ akae tahena? Okoe onḍeko girobasokʼ kan onkoko bạṛicʼgete janwar ar cẽṛẽko hõko marao akana. Onko hoṛko meneda, “Abo cetʼ bon cekayetʼ do bae ńeńelkana.”

Jirimiạ 14:14

Unre Probhu Isor do ińe metadińạ, “Nạbiko do iń ńutumte eṛe kathako roṛakada. Onko do bạń kol akatʼkoa, ar bạń hukum akatʼkoa se onko ṭhen jãhãn kathage bạń roṛakada. Ape ṭhen onko do eṛe dorson, okaj sạgun ar akoakʼ monre benaoakʼ eṛe kathako roṛetʼkana.

Jirimiạ 26:7

Probhu Isorakʼ oṛakʼre Jirimiạ do tinre noako kathae galmaraoako kan tahẽkana unre naekeko, nạbiko ar sanam hoṛko do onako ańjomkeda.

Rak̕joṅ 1:9

Uniyakʼ mạilạ do uniyakʼ kicricʼrege laṭkao akantaea; darakan din reakʼ do bae dạndilena. Uni doe sombotʼ bhindạṛ akana; jiwi raṛecʼtae lạgitʼ do celege bạnukʼkotaea. Uniye meneda, “E Probhu Isor, ińakʼ duk baṛe ńeltińme, ente bạiriko doko jitạu akana. ”

Rak̕joṅ 2:14

Amren nạbikoakʼ dorson do ạuṛiyakʼgea ar eṛeyakʼkana; amakʼ bondi dosa jemon sạṅgińokʼtam onate onko do amakʼ ghạṭko bako udukʼ akawatʼmea. Nạbi lekate okako lạiyakatʼ ona do eṛegea; ona do bhul horteye idiakatʼpea.

Rak̕joṅ 4:13

Noa do uniren nạbikoakʼ ghạṭ iạte, ar uniren naekekoakʼ bedhorom iạte hoylena, ente onḍege onko do dhorom hoṛkoakʼ mãyãmko joroyetʼtako tahẽkana.

Rak̕joṅ 4:18

Hoṛko do abo lạgitʼ tãṛãkʼ akaeko tahenkan tahẽkana, onate abo do phaelao ṭhạ̃ikore babon taṛam daṛeakʼkan tahẽkana. Aboakʼ ses dinko do sorakan tahẽkana, ar aboakʼ dinko hõ caba akan tahẽkana, ente aboakʼ ses okte do seṭer akan tahẽkana.

Jeheskel 13:10

“ ‘Tinre jãhãn suluk baṅ tahena unre nạbikoko mena, suluk menakʼgea, ar nonkate onko do ińren hoṛko bạṛicʼ horteko idikoa. Onko do hoṛko gathao rakapʼ akatʼ nonkan pạcri bhit cetanre cunteko potao akada one oka do kajakakʼ baṅkan.

Jeheskel 13:6

Onkoakʼ dorson do eṛegea ar onkoakʼ gona-poṛa hõ sạriyakʼ do baṅkana. Onkoko meneda, iń do noa kathań meneda, onko do bạń kol akatʼkoa; enhõ onko doko asokʼkana onkoakʼ katha do purạukʼtakoa.

Jeheskel 22:14

Ar oka hilokʼ am ṭhen khon hisạbiń hataoa enhilokʼ do cetʼ dil tahentamgea? Amakʼ ti do cetʼ keṭecʼge tahentama? Iń Probhu Isorge noa katha doń meneda ar onage iń doń onkaea.

Hosea 4:9

Hoṛko cetʼlekań sạjạiko onkage naekeko hõko sạjại ocokʼa; onkoakʼ colon iạte onko jotogeń sạjạikoa ar onkoakʼ kạmi lekate kuṛạiyiń emakoa.

Hosea 6:10

Israelko talare mitʼṭecʼ bạṛicʼakʼ iń ńel akada. Ephrayim do onḍeye laṭghaṭ akada ar Israel doe bhonḍ akana.

Hosea 9:5

Onko do cetʼko cekaea ńiṭ akan porob dinre ar Probhu Isorakʼ porob dinre hõ onko do cetʼko cekaea?

Mikạ 2:11

Ar jãhãe ekʼṛeyicʼ ar ṭhok hoṛ hecʼkateye men, ‘ińiń meneda je, apeakʼ bạ̃ṛti bubulakʼ ar darkha rasa hoyokʼtapea,’ enḍekhan unige noko jạtrenko lạgitʼ lek lekanicʼ nạbiye hoyokʼa!”

Mikạ 2:6

Aperen nạbiko do aleko metalekana, “Noako katha do alope mena, ar niạko reaṅ jãhãn katha hõ alope roṛa, ente ale cetanre opoman do baṅ hijukʼa.”

Mikạ 3:11

Onḍenko mukhiyạ do ghus jomkateko bicạra, ar naekeko do ṭakate cecetʼakʼko emokʼa ar nạbiko hõ ṭaka hataokateko nạbiya. Ar Probhu Isorakʼ gokʼṛo reakʼ as dohokateko mena, “Probhu Isor do cetʼ abo talare bạnuiya? Abo cetanre jãhãn muhin do baṅ hijukʼa.”

Sephaniạ 3:4

Uniren nạbiko do ṭhok arko bepạtiạrgea. Uniren naekeko do sonotakʼko besonot ocoakada ar ạn-ạri upạrteko kạmikana.

Dosar Biboron 32:20

Uni doe menkeda, “Iń do onko khon ińakʼ mẽtʼãhãń danaṅtińạ, ar sesre cetʼ hoyokʼtako onań ńela; ente onko do peṛta pirthimi ar bin pạtiạran hoponko kanako.

Dosar Biboron 32:29

Ạklinanko tahẽlen khan honaṅ ona kathako bhujhạukea ses dosa cetʼ hoyokʼtakoa mente.