Jirimiạ 5:3 - সান্তালী বাইবেল

³ E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Jirimiạ 5:3 Iomraidhean Croise

Genesis 19:34

Dosar hilokʼ maraṅicʼ do huḍińicʼ kuṛiye metadea, “Ńelme, hola ńindạ do baba tulucʼ iń giticʼmitʼena. Dela, teheń ńindạ hõ onka gelaṅ bul ocoyea, ar ona tayom do uni tulucʼ am giticʼmidokʼme. Enḍekhan baba hotete alaṅ do alaṅakʼ bõs laṅ rukhiyạ daṛeakʼa.”

1 Rapajko 13:33

Niạ tayom hõ Jerobiam do acʼakʼ bạṛicʼ hor khon bae ruạṛlena bickom than boṭkocʼko lạgitʼ sanam hoṛko mod khon naekeye bahalketʼkoa. Okoe naeke hoyokʼe khojketʼ unige usul than boṭkocʼren naeke lekateye bahalede kan tahẽkana.

2 Rapajko 1:13

Inạ tayom raj do armitʼṭen subedar ar uniren mõṛẽgel lạṛhại phạdkoe kolketʼkoa. Ar nui tesaricʼ subedar do cetante rakapʼkate Eliạ samaṅre ikhṛumente nehõrkateye menkeda, “E Isorren hoṛ, dayakate iń ar amren mõṛẽgel gutikoakʼ jiwi baṛe rukhiyại taleme.

2 Bõsbudạ 16:9

Okoe do Probhu Isorko botorae onko rukhiyạko lạgitʼ uniyakʼ mẽtʼ do dhạrti reakʼ sanam jaegakore tahena. Am do lelhawakʼem kạmi akada. Ńit khon am do ghane ghạṛicʼ lạṛhạirem paṛaokʼa.”

2 Bõsbudạ 28:22

Ahas raj do niạ kosṭo oktere Probhu Isor cetanre artetʼgeye bepạtiạrena.

Sereńko 51:6

Am do ontorre sạriyakʼ ńeljoṅem khojkana; ar amge ińakʼ ontor reakʼ khạndritetʼre ạkilem cetʼạń kana.

Sereńko 51:8

Iń do kusi ar hulạs reakʼ aṛaṅ ańjom ocoyińme; ar amem gejer akatʼ ińakʼ jaṅko hõ rạskạ ocowakʼme.

Sereńko 55:20

Ińren uni gate sãote okoe do sulukteko tahẽkan onko cetanrehõ uni gate do tiye rakapʼeda ar acʼakʼ bondobos doe rạputʼkeda.

Kạhtukko 21:29

Bedhorom hoṛkoakʼ mẽtʼãhãre jãhãn lajao do baṅ ńelokʼa, menkhan dhorom hoṛ do acʼakʼ jion horre taṛam lạgitʼe khạṭigea.

Kạhtukko 22:12

Probhu Isor do ạkile rukhiyạya, menkhan bepạtiạukoakʼ katha doe ạuṛiyakʼ ocoytakoa.

Kạhtukko 23:35

Amem mena, “Onko do ińko ghạl akadińạ menkhan baṅ haso ledeńạ, onko do ińko dalkedińạ menkhan bạń bujhạuleda. Ar tinre baṅiń ebhenokʼ arhõ thoṛań ńũkea.

Kạhtukko 27:22

Bebuj hoṛ do anaj sãote ukhuṛre toktem huṛuṅ gunḍạlere hõ, enhõ uniyakʼ lelhatetʼ do bae aṛagea.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jesaea 42:25

Onate uni do acʼakʼ jolokʼkan edre ar lạṛhại reakʼ botor do Israel cetanreye dulkeda. Onate seṅgel do beṛhaete jol rakapʼena, enhõ uni do bae bujhạuleda; seṅgel do uniyakʼ hoṛmore lagaoena, enhõ uni do bae moneyada.

Jesaea 48:4

Entepe keṭecʼ hoṭokʼan hoṛkan ona doń baḍaekan tahẽkana; apeakʼ taren reakʼ jel do mẽṛhẽtʼ leka ar cạndi do pitạl leka hoyakantapea.

Jesaea 9:13

Menkhan okoe onkoe hạn akatʼko uni ṭhen hoṛko do bako ruạṛ hecʼlena, ar phạdren Probhu Isorakʼ sana leka hõ bako calaolena.

Jirimiạ 15:7

Disạm reakʼ phaṭok duạrkore amren hoṛ do haṭakʼteń gumkoa. Ińren hoṛko cetanre hoponkoakʼ gujukʼ reakʼ homor halaṅ iń paṛao ocoya ar onko doń marao utạrkoa, ente onko do akoakʼ hor khon bako ruạṛ akana.

Jirimiạ 17:23

Aperen hapṛamko ona kathako ańjomletʼre hõ, bako moneyada. Onko do hoṭokʼko keṭecʼketʼ takoa; onko do ińakʼ katha bako ańjomleda ar ińakʼ ḍanṭao hõ bako manaoleda.

Jirimiạ 19:15

“Israelren Isor phạdkoren Probhu Isore meneda, ‘ańjompe, iń do niạ nagraha ar ona aḍepase reakʼ atoko cetanre oka ghoṭna paṛao ocoe reakʼ kathań menakatʼ ona do onko cetanreń paṛao ocoya, ente onko do hoṭokʼko keṭecʼ akatʼtakoa ar ińakʼ katha hõ bako ańjomleda.’ ”

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Jirimiạ 3:3

Ona iạte achaṛ dakʼko akoṭokʼ kana ar niron din reakʼ dakʼ hõ baṅ hijukʼkana. Am do kusumbi ạimại lekagem ńelokʼkana; ar lajao hõ bam lajaokʼ kana.

Jirimiạ 32:19

amakʼ hudisko do sorosgea ar amakʼ sanam kạmiko do daṛete perecʼgea. Manwakoakʼ sanam cạl colon secʼ amakʼ mẽtʼkin do beṅgetʼ akaege menakʼa; am do mimitʼko akoakʼ cạl colon ar kạmi reakʼ kuṛạiyem emakokana.

Jirimiạ 44:10

Teheń hạbicʼ hõ apeakʼ ontor do dukte bape rạputʼletʼtapea se ińhõ bape botoradińa; ar aperen hapṛamko ṭhen okaṭakʼ niạmkoń ematʼko tahẽkan ona hõ bape manaoakada.

Jirimiạ 7:26

Menkhan ińakʼ katha do bape ańjomleda se mone hõ bape moneyada. Ape do hoṭokʼpe keṭecʼketʼtapete aperen hapṛamko khon hõ ḍher bạṛicʼakʼpe kạmi akada.

Jirimiạ 7:28

Onate onkom metakoa, ‘ape do onko jạtrenko kanape, okoe do Probhu Isorakʼ sana leka bako senlen ar uniye sudhrạuletʼkore hõ bako hetaoatʼtaea. Sạriyakʼ do cabayena; ar ona do onkoakʼ moca khon getʼ gidiyena.’ ”

Jirimiạ 8:5

Menkhan Jerusalemren hoṛ do bạṛicʼ horte senkate cedakʼ bako ruạṛ hijukʼkana? Onko do eṛeyakʼko sapʼ kajak akawana; ar ruạṛ hijukʼ do bako rebenkana.

Jeheskel 2:4

Okoe ṭheniń koletʼme onko hoṛ do ṭheṭamu ar keṭecʼ monan hoṛkanako. Ar am do Probhu Isorakʼ katham galmarao akoa.

Jeheskel 24:13

“ ‘E Jerusalem, amakʼ bạṛicʼakʼ kạmige hoyokʼ kana ona bhonḍtetʼ do. Iń do saphaeme reakʼ iń kurumuṭukeda menkhan amakʼ bhõnḍtetʼ khon bam saphalena. Am upạrte ińakʼ edre purạte ạuriń dultiń hạbicʼ am do bam saphakʼa.

Daniel 9:13

Moseyakʼ ạn-ạrire cetʼleka olakan onkage niạko muhin do ale cetanre hecʼ paṛao akana, enhõ ale do aleakʼ kại khon ruạṛkate aleren Probhu Isorakʼ daya ńam lạgitʼ bale kurumuṭu akada; amakʼ sạriyakʼre hõ bale moneyakʼkan tahẽkana.

Levitikus 26:23

“Niạko ghoṭna tayom hõ ińakʼ ḍanṭao bape manao ar iń birudrepe taṛam,

Amos 4:10

Misorre cetʼlekań kolletʼ onkage ape talare iń do mahamạriń kolkeda. Ar lạṛhại hotete aperen juạnkoń gocʼketʼkoa ar aperen sadomkoń idiketʼkoa. Apeakʼ chạuni reakʼ bạṛicʼ so do mũreyiń jiyatʼpea; enhõ ape do iń ṭhen bape ruạṛ hecʼlena.

Amos 4:11

Ińge aperen Isor do cetʼleka Sodom ar Gomorań maraoletʼ onkage aperen ḍherkogeń maraoketʼkoa. Ape do seṅgel khon halaṅ rakapʼ akatʼ jolokʼkan ṭhuṭkutʼ leka kanape, enhõ ape do iń ṭhen bape ruạṛ hecʼlena.

Amos 4:6

“Iń do arhõń menetʼkana, mimitʼ nagrahare reṅgecʼteń dohoketʼpea ar mimitʼ atorenko do piṭhạ reakʼ ṭonṭateń dohoketʼkoa; enhõ ape do iń ṭhen bape ruạṛlena.

Amos 4:8

Dakʼ lạgitʼ ape do ḍhoya ḍhape mitʼ ato khon eṭakʼ atope senlena menkhan tirpitokʼ leka dakʼ do bape ńamleda; enhõ ape do iń ṭhen bape ruạṛ hecʼlena.

Amos 4:9

Ạḍi dhao apeakʼ bagwan ar darkha bagwanko jhãoraokʼteń ńẽtʼketʼa ariń ujạṛketʼtapea. Apeakʼ loa dare ar jạitun dareko do pohoko jomkeda; enhõ ape do iń ṭhen bape ruạṛ hecʼlena.

Sephaniạ 3:7

Iń ar do Jerusalemiń metatʼa, ‘ńitokʼ do khạṭigem botorạńạ ar ińakʼ ḍanṭaoem bataotińạ.’ Enḍekhan uniyakʼ tahen ṭhạ̃i do baṅ nosṭo ocokʼtaea, ińakʼ sanam sạjại hõ uni cetanre baṅ hijukʼa. Menkhan uniren hoṛko do gagoj salakʼ kharapakʼ kạmiko kạmiyeda.

Romiko lạgitʼ Pạul Apostolakʼ ciṭhi 2:2

Baḍaegea bon okoe nonkanakʼko kạmikan Isor do onko hok reakʼgeye bicạrkoa.

Ibriko 12:9

Ona chaḍa bon ńelakada, dhạrtiren babako do aboko ḍanṭaoetʼbon tahẽkana ar abo do onko bon manotetʼko tahẽkana. Enḍekhan okoe do sanam jiukoren Baba kane unire gobol tahen do cetʼ artetʼge lek baṅkan tabona, jemon jion bon ńam?