Jirimiạ 5:24 - সান্তালী বাইবেল

²⁴ Onko do mone monete hõ bako mena, ‘dela, aboren Probhu Isor bon botorae ma, ente uni do jao okte lolo ar rabaṅ dinreye dakʼ abon kana, ar phosol irokʼ jokhecʼ hõ jaogeye rukhiyạyetʼ bona.’

Jirimiạ 5:24 Iomraidhean Croise

Genesis 8:22

Tinạkʼ din noa dhạrti tahen unạkʼ din niạm lekate itạ do er ar irokʼa, rabaṅ din ar lolo din, siń ar ńindạ hoyokʼtege tahena.”

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

Jobakʼ 29:23

Jạṛi dakʼ leka cetʼ lekako ńel hor onkage onko do ińakʼ katha lạgitʼko tạṅgiyetʼ tahẽkana; niron din reakʼ jạṛi dakʼ leka onko do ińakʼ kathako ataṅetʼ tahẽkana.

Jobakʼ 38:37

Budte okoe rimil doe lekha daṛeakʼa? Ar serma reakʼ kanḍa do okoeye dũṛũcʼ daṛekea,

Jobakʼ 5:10

Uni do dhạrtire jạṛi dakʼe emokʼ kana ar jumire dakʼe koleda.

Sereńko 147:8

Uni do rimilte sermae esetʼeda; ar dhạrti lạgitʼ dakʼe koleda ar burure ghãse janam ocoyeda.

Sereńko 65:9

Amge dhạrti reakʼ otem hiriakada ar onare dakʼem jạṛiyakʼ kana; amge ona reakʼ sarsao ḍher ocoyme; am ṭhen khonge jạṛi dakʼ do pheḍ hijukʼkana; ar manwako phosolem emako kana. Ar nonkage am do hasam teareda.

Jesaea 64:7

Am do okoe hõ bako hohowam kana se nehõram lạgitʼ am ṭhen do okoe hõ bako hijukʼkana, ente ale dom dea giḍiakatʼlea ar aleakʼ ghạṭko iạte jarkharokʼ lạgitʼem aṛakʼ akatʼlea.

Jirimiạ 10:13

Uniyakʼ hukumte serma reakʼ dakʼ do chilkibilkikʼ kana; uni do dhạrti reakʼ ses simạna khon rimile rakapʼ ạguyetʼkana. Uni do dakʼ lạgitʼe bijli ocoyeda ar acʼakʼ murại khon hoe koe oḍok ạguiyeda.

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 3:3

Ona iạte achaṛ dakʼko akoṭokʼ kana ar niron din reakʼ dakʼ hõ baṅ hijukʼkana. Am do kusumbi ạimại lekagem ńelokʼkana; ar lajao hõ bam lajaokʼ kana.

Jirimiạ 5:22

Iń do cetʼ bape botorạń kana? Iń samaṅre cetʼ bape thar tharaokʼ kana? Ińge jaejug reakʼ mitʼṭecʼ bondobos lekate gitilte doreão reakʼ simạnań ṭhik dohoakada, jemon jalapuri do ona bae parom daṛeakʼ. Ona reakʼ ḍheoko hecʼlenre hõ ona do bae leṭecʼ daṛeakʼa; ar ona do hud hudạukʼre hõ bae parom daṛeakʼa.

Jirimiạ 50:5

Onko do Sionte calakʼ reakʼ horko kukʼliya ar ona secʼ akoakʼ mẽtʼãhãko samaṅtakoa. Onko do hecʼkate Probhu Isor sãote nonkan mitʼṭecʼ bondobosko bandhaoa one ona do tishõ baṅ hiṛińokʼ.

Hosea 3:5

Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.

Hosea 6:1

Dela, abo do Probhu Isor ṭhen bon ruạṛ calakʼa. Unigeye or cirạ akatʼbona, ar unigeye boge bona; unige abo doe ghạl akatʼbona, ar unige aboakʼ ghaokoe bedhaokata bona.

Joel 2:23

E Sionren hoṛko, ma kusikokʼpe, aperen Probhu Isor iạte rạskạkʼpe, ente uniyakʼ dhorom iạte uni do laha dakʼe emapekana. Uni do ape lạgitʼ asecʼ tasecʼ dakʼe emokʼkana, pạhil lekage uni do laha ar tayom dakʼe emapekana.

Amos 4:7

Irokʼ din pe cando ạuri tiyogokʼrege iń do ape cetanre jạṛi dakʼ iń akoṭkeda. Mitʼṭecʼ atore jạṛi dakʼ kolkate eṭakʼ atore do bạń dakʼ ocowada. Mitʼṭecʼ khet do dakʼte lohotʼena, ar eṭakʼ khet do dakʼ begorte khaṅgoṭena.

Sakariạ 10:1

Niron din reakʼ dakʼ lạgitʼ Probhu Isor metaepe; unige dakʼ reakʼ rimilkoe benaoeda. Uni do hoṛe dakʼako kana ar sanamkoakʼ khetre phosole omon ocoyeda.

Mathae 5:45

Jemon hoṛko ńelpe ape do sạrige serma Babaren hoponko kanape mente. Uni do jotoko cetanre acʼren siń candoe rakapʼ ocoyedea ar dhoromko ar bedhoromkoe dakʼako kana.

Aposkạmi 14:17

menkhan enhõ uni do jao okte acʼ reaṅ gohae emakada. Ente uni do serma khon dakʼe emokʼkana ar okte nạpitre phosole dan abonkante dayae udukʼape kana. Uni do asambheṛ jomakʼe dan apekante apeakʼ mon do rạskạteye perecʼetʼtapea.”

Dosar Biboron 28:12

“Apeakʼ disạmre okte nạpitre dakʼkoe kolte apeakʼ sanamakʼ kạmiko lạgitʼ Probhu Isor do acʼakʼ murại khon, metakʼme sermae jhicʼapea. Onate aema jạtrenko rinpe emakoa, menkhan ape do okoe ṭhen khon hõ rin bape hataoa.

Jakob 5:7

Onate E boehako, tin hạbicʼ Probhu Isor bae hijukʼ unhạbicʼ jiwi hataṛkate jotowakʼ sahaope. Cetʼleka casa do khet reakʼ damanakʼ phosol lạgitʼe ńel horetʼkan ar pạhil ar mucạtʼ dakʼ lạgitʼe sombhuriyetʼ, ona mape ńeletʼkange?

Johan sodor 11:6

Nukin hoṛ tinạkʼ din kin nạbiya unạkʼ din jemon aloe dag onate serma siń lạgitʼ ektiạri tahen tạkina. Ar dakʼ mãyãm ocoy ar tinạkʼ dhao sanakin unạkʼ dhao jãhãn dukte dhạrti hạ̃n reakʼ ektiạri hõ tahen tạkina.