Jirimiạ 5:22 - সান্তালী বাইবেল

²² Iń do cetʼ bape botorạń kana? Iń samaṅre cetʼ bape thar tharaokʼ kana? Ińge jaejug reakʼ mitʼṭecʼ bondobos lekate gitilte doreão reakʼ simạnań ṭhik dohoakada, jemon jalapuri do ona bae parom daṛeakʼ. Ona reakʼ ḍheoko hecʼlenre hõ ona do bae leṭecʼ daṛeakʼa; ar ona do hud hudạukʼre hõ bae parom daṛeakʼa.

Jirimiạ 5:22 Iomraidhean Croise

Genesis 1:9

Noa tayom Isore menkeda, “Serma latar reakʼ sanam dakʼko mitʼ jaegare jarwakʼma ar rohoṛ jaega ńelokʼma.” Ar onkage hoyena.

1 Rapajko 13:28

Ona tayom uni do senkateye ńelkeda horre mạ̃ṛĩ do giḍi akana ar ona sorre gadha ar mitʼṭen dhạcri kul do teṅgo akan menakʼkinạ. Dhạcri kul do ona mạ̃ṛĩ bae jom akada ar gadha hõ bae ghạl akadea.

Jobakʼ 26:10

Marsal ar ńut tala reakʼ simạnare uni do rimil ar doreão talare beṛhaete simạnae dohoakada

Jobakʼ 37:24

Ona iạte manwa do uniko botorae kana; ar okoe apnarte ạkilanko hudisotʼkan onko do bae beṅgetʼ ako kana.”

Jobakʼ 38:8

“Jalapuri do tinre dhạrti reakʼ kukhi khon oḍok hecʼlena unre duạr reakʼ kapaṭ do okoeye siń esetʼleda?

Sereńko 104:9

Nonkage am do dakʼ reakʼ simạkom ṭhik dohokada, jemon dakʼ do artis hõ simạko paromkate dhạrtire aloe chạplạu daṛeakʼ

Sereńko 119:120

Am botorte hoṛmo do caṭokʼkantińạ; ar amakʼ ạn ạriko iạte iń doń botorokʼ kana.

Sereńko 33:7

Uni do jalapuri reakʼ dakʼkoe jarwa ocoyetʼa, ar judạ judạ murạikore onako dakʼe dohoyeda.

Sereńko 99:1

Probhu Isor doe raj kana; sanam jạtrenko thar tharaokʼma. Uni do Kerubkin cetan siṅghạsonreye duṛupʼ akana; ar dhạrti do dalmalaokʼma.

Kạhtukko 8:29

ar tinre jalapuri reakʼ simạkoe benaoetʼ tahẽkana jemon dakʼ do uniyakʼ niạm bahrete bae sen daṛeakʼ, ar tinre uni do dhạrti reakʼ rehetʼe ṭhiketʼ tahẽkana,

Jesaea 50:2

Ińiń hecʼlenre onḍe do cedakʼ okoege bako tahẽkana? Ińiń hoholetʼre goṅeń lạgitʼ do cedakʼ bako tahẽkana. Ape chaḍaope lạgitʼ ińakʼ ti do cetʼ ḍher khaṭogetińa? Ape bańcaope lạgitʼ cetʼ daṛe hõ komaogetińa? Ńelpe dhomoktege jalapuriń ańjetʼ ocoyeda ar gaḍakoń khaṅkhor ocoyeda; onaren hakoko do dakʼ begorteko seakʼ kana ar tetaṅteko gujukʼ kana.

Jesaea 64:2

Seṅgel cetʼleka jhurikoe jol ocoyte dakʼe heḍecʼ ocoy onkage am hõ pheḍ hijukʼte amren bạiriko ṭhen sodorokʼme, jemon jạt jạtrenko am samaṅre botorteko thar tharaokʼ.

Jesaea 66:5

Ape okoe Probhu Isorakʼ kathatepe luk lukạukʼ kan ape do uniyakʼ katha ańjomtaepe. Uniye meneda, “Aperen boeha do apeko kurudapea ar iń iạte apeko ḍheka oḍokpea. Onko doko mena, ‘Probhu Isorakʼ ṭhonok hoyokʼma, ale do jemon apeakʼ rạskạle ńelńam,’ Menkhan onko do apnartege lajaoreko paṛaokʼa.

Jirimiạ 10:7

E jạtkoren raj, okoe baṅ am do bae botoram? Noa do amakʼ kuṛại kana. Jạt jạtkoren sanam ạkilan hoṛko talare ar onkoakʼ sanam rajosṭiko talare am leka do celehõ bạnukʼkoa.

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 31:35

Okoe do sińre siń cando, ńindạ do ńindạ cando ar ipilko marsal emokʼ lạgitʼe hukumako, ar okoe do jalapuriye lebḍayetʼkan jemon onako reakʼ ḍheoko hud hudạukʼ, ar okoeyakʼ ńutum do phạdkoren Probhu Isorkan,

Daniel 6:26

Ińiń hukumetʼ kana, ińakʼ rajosṭiren sanam hoṛ do jemon Danielren Isorko botorae arko ḍobokʼaema, ente uni kangeae jiwetʼ ar jaejugicʼ Isor do. Uniyakʼ rajosṭi do tishõ baṅ maraokʼtaea, ar uniyakʼ ạidạri do tishõ baṅ mucạdokʼtaea.

Amos 4:12

Onatege E Israel, iń do khạṭige am sãote nonkań beohara. Ona iạte E Israel, amren Isor samaṅre teṅgokʼ lạgitʼ ma sapṛaokʼme.”

Amos 9:6

Uni do sermare acʼakʼ usul oṛakʼe benao akada ar dhạrti cetanre chamḍa leka sermae aṭetʼ akada; uni do jalapuri reakʼ dakʼe hoho ạguiyetʼa ar otreye dul bubhạu ocoyeda. Ar okoe noakoe kạmikan uniyakʼ ńutum do Probhu Isorge.

Jona 1:16

Ona iạte hoṛko do Probhu Isor ạḍiko botoradea. Onko do Probhu Isor ńutumte janwar dãṛẽko samaṅketʼkoa ar manotakʼko dohokeda.

Nạhum 1:4

Uni do jalapuriye dhomkaoetʼte onae ańjetʼ ocoyeda; ar gaḍako doe rohoṛ ocoyeda. Bason ar Karmel do gosokʼkana ar Lebanon reakʼ bahako do tolmojokʼkana.

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Mark 4:39

Jisu doe beretʼena ar birbãoe dhomkaoketʼte doreãoe metatʼa, “Thirokʼme ar hapekʼme,” Onate hoe do thirgotʼena ar jotowakʼ ḍel ḍel nijhumena.

Luk 12:5

Menkhan ińiń udukʼapea okoeṭakʼpe botoraea mente. Ape gocʼpe tayom okoe do norokre khadlepe reakʼ ektiạri menakʼtae unige botoraepe. Hẽ ińiń metapekana, ape do unige botoraepe.

Dosar Biboron 28:58

“Noa puthire olakan ạn-ạriko joton salakʼpe senakʼte ona lekape colon, metakʼme ‘aperen Probhu Isorakʼ ṭhonokte perecʼ ar botoranakʼ ńutum bape manot,

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”