Biblia Todo Logo
Bìoball air-loidhne

- Sanasan -




Jirimiạ 5:21 - সান্তালী বাইবেল

21 “E lelha ar bebuj hoṛko, okoe do mẽtʼ tahen tulucʼ bape ńeńelkan, lutur tahen tulucʼ bape ańjomkan, ape do luturakʼtińpe.

Faic an caibideil Dèan lethbhreac




Jirimiạ 5:21
26 Iomraidhean Croise  

Orlo hoṛko, ape do luturakʼpe; E bebujko, ape do tispe ạkilokʼa?


Ạkil hameṭ lạgitʼ khaṭo bujan lelha hoṛakʼ tire ṭaka tahẽlen khan cetʼ lab? Ente uniyakʼ ma bujge bạnukʼtae.


Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.


Okoe do mẽtʼ menakʼ tulucʼ hõko kãṛãge ar lutur menakʼ tulucʼ hõ bako ańjom onko doko oḍokʼ hijukʼma.


Onko hoṛko do cetʼge bako baḍaea, ar bujhạu hõ bako bujhạua. Arko kãṛãgete bako ńeńela ar monhõ bondgetakote bujhạu hõ bako bujhạu daṛeakʼa.


Onko jotoge lelha ar bebujan kanako. Onkoren boṅga do kaṭteko benao akana, onko do cetʼ jãhãn sikhnạtko em daṛeakʼa?


Probhu Isore meneda, ‘Ińren hoṛko doko lelhagea; onko do bako baḍae akadińạ. Onko do bebuj hopon ar hoponera kanako; onko do bujhạu reakʼ daṛege bạnukʼtakoa. Bạṛicʼakʼ kạmiren guruko kanako, menkhan bogeakʼ kạmi do bako baḍaea.”


Probhu Isor do Jakob bõsrenko niạ katha lạiyako ar Jihudạ ṭhen niạ katha jạhirako lạgitʼe meneda,


Iń doń hudisleda, “Onko do nacar arko lelhagea, ente onko do Probhu Isorakʼ hor ar akoren Isorakʼ ạn-ạri bako baḍaea.


Okoeyiń galmaraoakoa ar okoeyiń sontorkoa jemon ińakʼ kathako ańjomtiń? Onkoakʼ lutur do tepetʼgete bako ańjom ńameda. Probhu Isorakʼ katha onko lạgitʼ do mitʼṭecʼ henostage hoyakana; onare jãhãn rạskạge bako ńameda.


Ape do noakope kại akada, metakʼme bar bar metatʼpere hõ ape ańjomletʼtińạ ar hohoatʼpere hõ bape goṅledińa.


Kisni hõ acʼakʼ niṭakatʼ okteye baḍaekana, mala potam, bhạluạ ar kõkʼ hõ akoakʼ ruạṛ hijukʼ reakʼ okteko baḍaekana, menkhan ińren hoṛko do ińakʼ ạn-ạri secʼ bako moneyakʼ kana.


“E Manwa hopon, am do mitʼṭen huhulkan jạtrenko talarem girobasokʼ kana. Onko do mẽtʼ menakʼgetakoa menkhan bako ńeńel kana, lutur menakʼgetakoa menkhan bako ańjomeda, ente onko do mitʼṭen huhulkan jạtren kanako.


“Ephrayim do mitʼṭen bebuj parwa leka kanae; uni doe lelhagea. Uni do ghane Misore hohoaekana ar ghane do Ạsur ṭhene calakʼkana.


“Menkhan onko do ona ańjom bako rebenlena; onko do hoṭokʼko keṭecʼketʼtakoa ar ruạṛ senkate luturko esetʼketʼtakoa.


sonot sostor reakʼ katha leka, ‘ńeńel doko ńeńelgea menkhan bako oroma, ańjom doko ańjomgea, menkhan bako bujhạua. Jemon aloko ạcurokʼ ar alo ikạkʼtako.’”


Mẽtʼ menakʼ tulucʼ cetʼ bape ńeńelkana? Lutur tahen tulucʼ cetʼ bape ańjomeda? Disạ hõ cetʼ bape disạyeda,


“Isor do onkoakʼ mẽtʼe kãṛã akatʼtakoa ar ontor doe goṛdho akatʼtakoa, jemon onko do mẽtʼte aloko ńeńel ar ontorte aloko bujhạu, ar bogekʼ lạgitʼ uni ṭhen aloko ruạṛ hijukʼ.”


Noko hoṛ do senkate metakom, ańjom dope ańjomgea, menkhan bape bujhạua, ńeńel dope ńeńelgea menkhan bape oroma.


Isorakʼ oka gun mẽtʼte baṅ ńelokʼkan, metakʼme uniyakʼ jaejug reakʼ daṛe ar uniyakʼ Isortetʼ do sirjon reakʼ etohopʼ khonge pusṭạute sodorgea. Uniyakʼ sirjon khonge manwa do bes okocʼte onako ńel oromeda arko bujhạu daṛeakʼkana. Niạ tayom manwakoakʼ ar jãhãn ạnḍuṅteakʼ do oho tahẽlena.


Sonot sostorre olakana, “Isor do onkoakʼ ontor nonkae goṛdhoketʼ takoa, teheń hạbicʼ onko do ńeńel tulucʼ bako ńeńel kana ar luturte ańjom tulucʼ bako ańjomeda.”


Onkoakʼ ona maraṅ biḍạu ar Probhu Isore udukʼletʼ cinhạko ar maraṅ maraṅ hahaṛa kạmiko hõpe ńelleda.


Menkhan Probhu Isor ṭhen khon teheń hạbicʼ hõ onako bujhạu reakʼ mon, ńeńel reakʼ mẽtʼ ar ańjom lạgitʼ lutur hõ bape ńamana.


E bebuj, ar bin ạkilan jạtrenko! Probhu Isor do cetʼ nonkagepe halawaea? Uni do cetʼ aperen baba ar sisirjạuicʼ doe baṅkana? Unige coṅ ape mae sirjạu akatʼpe; ar jạtrenko lekate unige ape doe kajak akatʼpea.


Lean sinn:

Sanasan


Sanasan