Jirimiạ 5:19 - সান্তালী বাইবেল

¹⁹ Tinre hoṛko kulimea, ‘aboren Probhu Isor do abore cedakʼ nonkae kạmikeda?’ Unre onkom metakoa, ‘cetʼleka iń bạgikate apeakʼ disạmre debotakope sewawako kan onkage okaṭakʼ disạm apeakʼ baṅkan ona disạmre senkate ńit ape do bidisiạkope sapʼsorakoa.’ ”

Jirimiạ 5:19 Iomraidhean Croise

Jirimiạ 13:22

Am apnartetʼem kulilen khan, ‘ińre noa do cedakʼ hoyena?’ Enḍekhan ona reakʼ roṛ ruạṛ do hoyokʼkana, ạḍi utạr kạiko iạte amakʼ kicricʼko do oṛecʼ akantama arem jorbojor ocoakana.

Jirimiạ 16:13

Ona iạte ape do nonkan mitʼṭecʼ disạmteń lebda giḍikapea one ona disạm reakʼ katha bape baḍaekan, ar aperen hapṛamko hõ bako baḍaekan tahẽkana. Onḍe ape do siń ńindạ debotakope sewawakoa, ente iń do ar baṅgeń dayawapea.’ ”

Jirimiạ 17:4

Okaṭakʼ ạidạriyiń ematʼme tahẽkan, ona do amakʼ dostegem ada. Ar okaṭakʼ disạm reakʼ katha bam baḍaeakatʼ ona disạmre amren bạirikoren golamiń hoyocomea, ente am do ińakʼ edre seṅgelem salgao akatʼtińạ ona do jaejug hạbicʼ jolokʼa.”

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jirimiạ 2:14

Israel do cetʼ golam kanae? Uni do cetʼ janam khongeye guti kana? Cedakʼ uni do luṭ ocokʼicʼe hoyakana?

Jirimiạ 5:18

Probhu Isore meneda, “Enhõ onako dinre purạte do bạń dhaṅdhasera.

Jirimiạ 5:20

Probhu Isor do Jakob bõsrenko niạ katha lạiyako ar Jihudạ ṭhen niạ katha jạhirako lạgitʼe meneda,

Jirimiạ 9:12

Jãhãe nonkan ạkilanicʼ menaea, okoe do onae bujhạu daṛeakʼ? Probhu Isor ṭhen khon ańjomkate okoe ona do eṭakʼkoe baḍae ocodaṛekekoa? Okaṭakʼ disạm do jarkhar iạte hahaṅkar leka roṅgo akan, ar onkate do celege bako paromokʼ kana?

Jirimiạ 9:13

Probhu Isore meneda, “Ona reakʼ karon do hoyokʼkana, iń okaṭakʼ ạn-ạriń emakatʼko ona doko bạgi akawada; onko do ińakʼ aṛaṅ bako ańjomleda ar ona leka bako taṛamleda.

Rak̕joṅ 5:8

Golamkoge ale cetanre mạlikiko calaoeda; onkoakʼ ti khon bańcaole lạgitʼ celege bạnukʼkoa.