Jirimiạ 5:13 - সান্তালী বাইবেল

¹³ Nạbiko do hoe lekako hoyakana; onkore Isorakʼ katha do bạnukʼa. Onate onko okako men ona do onkorege hoyokʼa.

Jirimiạ 5:13 Iomraidhean Croise

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

Jobakʼ 6:26

Ińakʼ kathare jãhãnakʼ dos sapʼ reakʼpe meneda? Ar as chuṭạu akan hoṛakʼ katha do hoe lekape hudiseda.

Jobakʼ 8:2

“Am do ar tin hạbicʼ niạko katham roṛa? Amakʼ kathako do hoe bharḍo leka kana.

Kạhtukko 25:14

Okoe hoṛ dan reakʼ maraṅ maraṅ kathae roṛ menkhan acʼ do ona bae onkae, uni do nonkan kuṛhạ ar hoe leka kanae one onare jãhãn dakʼge bạnukʼ.

Jesaea 41:29

Ńelpe, onko jotogeko ạuṛiyakʼgea, onkoakʼ kạmi do cetʼhõ baṅkana. Onkoren dul muṭhạnko do eken hoe baragge.”

Jirimiạ 14:13

Onate iń doń menkeda, “Hae, Probhu Isor! Nạbiko doko meneda, ‘ape do lạṛhại bape ńela ar akaltehõ bape kosṭokʼa. Probhu Isor do sạrige niạ ṭhạ̃ire jaejug suluke danapea.’ ”

Jirimiạ 14:15

Okoeko nạbi do iń ńutumteko nạbiyetʼkan onko reaṅge iń Probhu Isor do noa kathageń menetʼkana, onko do bạń kol akatʼkoa, enhõko meneda, ‘niạ disạmre jãhãn lạṛhại se akal do baṅ hoyokʼa.’ Menkhan onko nạbi do jotoge lạṛhại ar akalteko marao utạrokʼa.

Jirimiạ 18:18

Hoṛko menkeda, “Dela, abo do Jirimiạ upạrte phundi bon aṭaoa; ente naeke ṭhen ạn-ạri reakʼ cecetʼakʼ, ạkilanko ṭhen sopolha ar nạbiko ṭhen Isorakʼ katha ma menakʼge. Onate dela, aboakʼ moca kathate uni bon dusiyea ar uniyakʼ katha do babo moneyakʼa.

Jirimiạ 22:22

Hoe do amren sanam gukʼpikoe oṭaṅ idikoa ar amren dulạṛiạko do bondikate sạṅgińteko idi ocokʼa. Unre amakʼ sanam dusṭạmi iạte lajao arem opoman ocokʼa.

Jirimiạ 28:3

Babel raj Nebukadnesar do Probhu Isorakʼ oṛakʼ reakʼ okako jinis nonḍe khon Babelteye idiyakatʼ onako iń do bar bochor bhitrite nonḍeń ạgu ruạṛa.

Hosea 9:7

Israel do jemone baḍae ńam, sạjại reakʼ din do seṭer akana ar hisạb hatao reakʼ din hõ hecʼakana. Onkoakʼ kại do lekhare ḍhergea Isorko hirkhạwaekante, nạbiko do lelha ar jiuan hoṛ do khepako hudisetʼkoa.