Jirimiạ 49:8 - সান্তালী বাইবেল

⁸ E Dedanren hoṛko, ape do ńir ruạṛokʼpe ar dạṛjoṅpe, danaṅ ṭhạ̃ite senkate okokʼpe, ente Esao cetanre muhiniń paṛao ocoya ar uniń sạjạiyea.

Jirimiạ 49:8 Iomraidhean Croise

Jesaea 2:21

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ malkaokʼ khon bańcaokʼ lạgitʼ maraṅ maraṅ dhiri ciritʼre ar buru reakʼ paṛakʼreko bolokʼa.

Jesaea 21:13

Arob upạrte nạbi katha do nonka: E Dedanren hortenko, ape do Arob reakʼ birrepe aṅga hạṭińokʼa,

Jesaea 34:5

Ińakʼ tarwaṛe do sermare ńu rosao akana, ńelpe, bikʼcạr lạgitʼ ona do Edom cetanre, metakʼme okoeko hoṛ do jarkharokʼ lạgitʼ iń dohoakatʼko onko cetanre pheḍ hijukʼa.

Jirimiạ 25:23

Dedan, Tema, Bus disạmren hoṛko; bohokʼ upʼ gegetʼ hoṛko;

Jirimiạ 46:21

Misorren din mạjuri lạṛhại phạdko do lodgopʼ mĩhũ leka kanako. Onko hõ ruạṛkate mitʼ domteko dạṛ pharakokʼa; ar bako teṅgo ṭarhaokʼa, ente onko cetanre maraokʼ reakʼ dinge hijukʼkana, onkoakʼ sạjại ńam reakʼ okte do sor hecʼ akana.

Jirimiạ 48:28

E Moabren hoṛko, nagraha bạgikate huṭupʼ dhirikore berelokʼpe. Ar onkan potamko leka baṛe hoyokʼpe, okoe do khandṛaṅ moca ṭhen tukạko benaojoṅ kan.

Jirimiạ 48:44

Okoe toras khone dạṛjoṅ uni do ghaḍlakʼreye ńurokʼa, ar okoe ghaḍlakʼ khone rakapʼ hijukʼ uni do jhãmpareye sabokʼa; ente iń do Moab reakʼ sạjạiyiń ṭhik dohoakada. Iń Probhu Isorge noa katha doń meneda.

Jirimiạ 48:6

Dạṛjoṅpe, apan ạpin jiwi rukhiyạitape; hahaṅkarren mitʼṭen arna gadha leka hoyokʼpe.

Jirimiạ 49:30

Probhu Isore meneda, “E Hasorren hoṛko, usạrate dạṛpe. Ar danaṅ ṭhạ̃ire senkate tahenpe. Babelren raj Nebukadnesar do ape upạrteye soṛojontro kana, ape upạrte mitʼṭecʼe goṭa ṭhik akada.

Jirimiạ 49:32

Onkoren ũṭko do luluṭren malko hoyokʼa ar onkoren ạsul janwarko do luṭren jinisgeko hoyokʼa. Okoe do bohokʼ upʼko kaṭopʼetʼkan onko do beṛhaeteń chirchạturkoa ar onko cetanre joto secʼ khon muhiniń ạguiya.

Jirimiạ 50:27

Uniren sanam ḍaṅgrako gocʼkope; onko do gocʼko lạgitʼko idi ocokʼma. Hae, onko do sạjạiyokʼ reakʼ dinge paṛao akatʼkoa.”

Jirimiạ 6:1

Probhu Isore meneda, “E Benjạminren hoṛko, rukhiyạ ńam lạgitʼ ńir joṅpe. Jerusalem khon ńirjoṅpe. Tekoa nagrahare sakwa oroṅpe. Beth-hakeremre cinhạ tul rakabtape, ente utạr secʼ khon jarkhar ar muhin dokin samaṅ ṭhikakada.

Jeheskel 25:13

Ona iạte iń Probhu Isorgeń menetʼkana, Edom upạrte iń do tiyiń tiyạrtińạ ar onḍenko sanam hoṛ ar janwarkoń gocʼ cabakoa. Ona do dhaṅ dhaserakʼgeń hoeocoya ar Teman khon Dedan hạbicʼ hoṛko do tarwaṛeteko gujukʼa.

Malaki 1:4

Edom doe men boteja, “Alele chakachun akanre hõ jarkharakʼko do arhõle benao rakaba.” Menkhan phạdkoren Probhu Isore meneda, “Onkoko beretʼ daṛeakʼa menkhan iń do onań rạputʼ giḍikatakoa. Onko do ‘bedhorom’ reakʼ disạmko menocokʼa one onko jạtrenko do jao okte Probhu Isorakʼ edre latarre menakʼko.

Johan sodor 6:15

Dhạrtiren sanam rapajko, napṛakʼko, maraṅ subedarko, kisạ̃ṛko ar daṛean hoṛko, mitʼke mitʼ golam ar sạdhin hoṛko do danderkore ar buru reakʼ huṭupʼ dhirikoreko okoeyena.

Bikʼcạrko 6:2

Israelko cetanre Midiạnrenkoakʼ santao do nunạkʼ ḍher idiyena je, Israelko do buru reakʼ paṛakʼre, danderre ar buru cetan reakʼ gaṛkore asrayokʼko ehopʼena.

1 Samuel 13:6

Israelren lạṛhại phạdko do ạḍi muhinreko paṛao akana menteko ńelketʼ khan onko do danderkore, jhupuṭoṛokore, buru khorloṅkore, cạṭạni lopakʼkore, ḍonḍhorkore ar khạ̃yukʼkoreko okoyena.