Jirimiạ 49:3 - সান্তালী বাইবেল

³ “E Hesbon, homor halaṅme, ente Ai nagraha do jarkhar akana. E Raba nagraharen hoṛko, rakʼjoṅpe; gõṛẽ kicricʼ horokʼkate homor halaṅpe. Pạcriko talare ńir baṛaepe, ente aperen debota Milkom do sạṅgiń disạmteye bondi idiocokʼa, ar uni sãote uniren naekeko ar cetan hudạren kạmiyạko hõko idiocokʼa.

Jirimiạ 49:3 Iomraidhean Croise

2 Samuel 11:1

Bochor reakʼ etohopʼ kana, ar rapajko do lạṛhại lạgitʼko oḍok calakʼa. Un jokhecʼ Dạud hõ lạṛhại lạgitʼ Joab ar uniren eṭakʼ subedarko ar Israelren lạṛhại phạdkoe kolketʼkoa. Onko do Amonrenkoko jarkharketʼkote Raba nagrahako gheraokeda. Menkhan Dạud do Jerusalemregeye tahẽyena.

1 Rapajko 11:33

Iń doń onkaea, ente onko gel gusṭirenko do ińko bạgi giḍi akadińạ ar Sidonren debi Astarot, ar Moabren debota Kemos ar Amonikoren debota Milkomko sewawae kana. Solomonren apattetʼ Dạud okae cekayetʼ tahẽkan onko do bako onkayeda. Onko do ińakʼ mẽtʼre oka ṭhikakʼ baṅkan onako kạmikana, ar ińakʼ niạm ar hukumko hõ bako bataoeda.

1 Rapajko 11:5

Uni do Sidonikoren debota Astoret ar Amonikoren debota Milkom sewawạkine ehopʼena.

2 Rapajko 23:13

Jerusalem purub secʼ dhaṅ dhaserakʼ buru reakʼ dạkhin secʼre okako than boṭkocʼ tahẽkan onako hõ uni doe bhõnḍ ocokeda. Israelren raj Solomon do Sedonikoren Astoret debota lạgitʼ, Moabikoren Kemos debota lạgitʼ ar Amonren Melok debota lạgitʼ niạko than boṭkocʼ doe benaoleda.

Esra 2:28

Bethel ar Airen do barsae bargel pe hoṛ;

Jesaea 13:6

Ape do ãṭ aṛaṅte ragpe, ente Probhu Isorakʼ din do sorakana; enhilokʼ phạdkoren ṭhen khon do ḍahao maraoakʼ hijukʼa.

Jesaea 14:31

E phaṭok duạr, homor halaṅ joṅme. E nagraha, rakʼ joṅme. E Philisṭiko, ape do sanamakʼpe juriyeda. Utạr secʼ khon dhũạ reakʼ rimil do hijukʼ kana, ar uniren lạṛhại phạdko khon celehõ bako pạcokʼ kana.

Jesaea 15:2

Moabren hoṛko do rakʼjoṅ lạgitʼ Dibonakʼ mundilre ar than boṭkocʼkoreko rakapʼ akana. Onko do Nebo ar Medeba ńutumteko homor halaṅeda. Onko do jotoge bohokʼko hoyo munḍrạ akana ar goco hõko kaṭopʼ akatʼtakoa.

Jesaea 16:7

Onatege Moabrenko do akoakʼ disạm lạgitʼ mitʼ domte ãṭ aṛaṅteko rakʼjoṅa, ar Kir-hareseth reakʼ kismis piṭhạ lạgitʼ ape do ãṭ aṛaṅtepe raga arpe dukokʼa.

Jesaea 23:1

Tur babotre Probhu Isorakʼ katha do nonka: E maraṅ maraṅ tạrsis jahajko, hae haeyokʼpe, ente Tur do jarkhar akana; onḍe do oṛakʼ hõ bạnukʼa, bondor hõ bạnukʼa. Ape do Kuprus disạm khon niạ sombatpe ańjomakada.

Jesaea 23:6

E jalapuri aṛe aṛete girobasokʼ kan hoṛko, ape do hae haeyokʼpe; ar Tạrsiste parom senokʼpe.

Jirimiạ 4:8

Onate gõṛẽ kicricʼ horokʼkate homor halaṅpe ar jare jarekʼpe, ente Probhu Isorakʼ jolokʼkan edre do abo ṭhen khon baṅ ruạṛ sen akana.”

Jirimiạ 46:25

Israelren phạdkoren Probhu Isore meneda, “Ńelpe iń do Thebesren boṅga Amon, ar Pharao ar Misor, ar onaren boṅgako ar onaren rapajko sudhạ Pharao ar unire bhorsakʼ kanko upạrte sạjạiyiń ạguiyeda.

Jirimiạ 48:2

Moab do ar bae sarhao ocokʼa; uniyakʼ ńurokʼ lạgitʼ hoṛko do Hesbonre soṛojontro tulucʼko mena, ‘dela, abo do onko jạtren bon marao utạrkoa.’ E Madmen, am hõm marao ocokʼa; tarwaṛe do ame khudạumea.

Jirimiạ 48:20

Moab doe lajao ocoakana, ente uni doe talga tạuạkʼ ocoakana. Ape do rakʼjoṅpe ar homor halaṅpe. Ar Arnon gaḍa aṛere noa porcarpe, Moab do jarkhar akana.

Jirimiạ 48:37

Onko do duk sodor lạgitʼ mitʼke mitʼ bohokʼko ceḍe akatʼtakoa ar gocoko hoyo giḍi akatʼtakoa; tiko getʼ sirạsoro akana ar ḍanḍare gõṛẽ kicricʼko horokʼ akawana.

Jirimiạ 48:7

Am do amakʼ kạmi ar dhon cetanrem bhorsa akanre hõ am dom bondi idi ocokʼa, ar Kemos do acʼren naeke ar rajkạmiyạko sãote bondikate saṅgińteye idi ocokʼa.

Jirimiạ 49:1

Amonrenko reaṅ Probhu Isor do noa kathae meneda, “Israelren do cetʼ cele hoponge bạnukʼkotaea? Uniyakʼ gujukʼ tayom uniyakʼ sompottiren ạkʼạidạriko do cetʼ celege bạnukʼkoa? Enḍekhan Milkom do Gad gusṭirenkoakʼ ṭhạ̃i do cedakʼe ạidạri akawana? Cedakʼ Milkom sekʼwako do onḍenakʼ nagrahareko berel akana?

Jirimiạ 51:8

Babel do ackageye ńũrena are rạputʼ dhaṅdhaserena. Uni lạgitʼ homor halaṅpe. Uniyakʼ haso lạgitʼ ran ạguiype; pasere pase uni doe boge ruạṛokʼa.

Jirimiạ 6:26

E ińren hoṛko, gõṛẽ kicricʼ horogpe ar torocʼre kunḍlạṅ baṛaepe. Sadher hoponakʼ gujukʼre cetʼleka hoṛko homor halaṅ onkage homor halaṅpe, ente jarkharicʼ do acʼkage abo cetanreye hijukʼa.

Amos 1:15

Uniren raj ar uniren disạm cakʼlaoko do mitʼ sãote bondikateko idi ocokʼa.”

Sephaniạ 1:5

Sermaren sanam ipilko sewawako lạgitʼ okoe do chat cetanre decʼkateko ḍobokʼetʼkan ar okoe do Probhu Isor ńutume kiriạ tayom hõ Milkom debota ńutumteko kiriạkʼ kan onko hõń marao utạrkoa.

Jakob 5:1

E kisạ̃ṛko ańjompe. Apere okaṭakʼ kosṭo hijukʼkan ona lạgitʼ rakʼ homorpe ar hae haeyokʼpe.

Josuạ 7:2

Josuạ do Jerikho nagraha khon Ae nagrahate hoṛe kolketʼko. Ona nagraha do Bethel nagraha purub Beth-awer nagraha sorre tahẽkana. Hoṛko kolko jokhecʼ uni do onkoe metatʼkoa, “Senkate disạm do mońjte ńel ạguiype.” Ar onate hoṛko do Ae nagrahate senkate hape hapete khoborko ạgukeda.

Josuạ 8:1

Probhu Isor do Josuại metadea, “Alom botorokʼa ar alom hadosokʼa. Amren sanam lạṛhại phạdante am do Ae nagraha cetanre arhõ jhãp emme. Iń do Ae nagraharen raj, uniyakʼ nagraha ar disạm hõ amakʼ tireń jimạ akada.

Josuạ 8:28

Ar Josuạ do Ae nagrahae jeretʼatʼte jaejug lạgitʼ mitʼṭecʼ ḍahao maraoakʼ ḍhipi lekae hoyocokeda; ona do teheń hõ mitʼṭecʼ jarkharakʼ ṭhạ̃ige menakʼa.