Jirimiạ 49:2 - সান্তালী বাইবেল

² Ńelme, okteko hijukʼkana tinre iń do Amonrenkoakʼ Raba nagraha upạrte lạṛhại reakʼ andoṛiń ańjom ocoya; unre ona do dhaṅdhaser akatʼ ḍạṅge hoyokʼa, ar ona beṛhaeteakʼ atoko do seṅgelko junḍiyakʼa. Unre Israelko do okoe ṭhenko dokhol ocolen onkogeko dokholkoa. Iń Probhu Isorge noa katha doń meneda.

Jirimiạ 49:2 Iomraidhean Croise

2 Samuel 11:1

Bochor reakʼ etohopʼ kana, ar rapajko do lạṛhại lạgitʼko oḍok calakʼa. Un jokhecʼ Dạud hõ lạṛhại lạgitʼ Joab ar uniren eṭakʼ subedarko ar Israelren lạṛhại phạdkoe kolketʼkoa. Onko do Amonrenkoko jarkharketʼkote Raba nagrahako gheraokeda. Menkhan Dạud do Jerusalemregeye tahẽyena.

Sereńko 48:11

Amakʼ dhorom bicạr iạte Sion buru doe kusikʼma ar Jihudạ reakʼ atoko do rạskạte perejokʼma.

Sereńko 97:8

E Probhu Isor, amakʼ dhorom bicạr reakʼ katha ańjomte Sion doe rạskạkʼ kana, ar Jihudạ reakʼ nagrahako hõ kusikʼkana.

Jesaea 11:14

Unkin do pạchim secʼ khon Philisṭikoakʼ disạm reakʼ daṛaṅ jaegare hatkin lagaoa, ar mitʼ sãote purub secʼakʼ disạmkin luṭa. Unkin do Edom ar Moabkin dokhol joṅa ar Amonrenko do unkin gobolrenko hoyokʼa.

Jesaea 17:1

Damesek reakʼ nạbi katha do nonka leka: Probhu Isore meneda, “Ńelpe, Damesek nagraha do ar baṅ tahena, ona do mitʼṭecʼ dhaṅdhaserakʼ ḍạṅge hoyokʼa.

Jirimiạ 4:19

Hae, ińakʼ mon do, ińakʼ ontor do! Iń doń khadbadaokʼ kana. Hae, ińakʼ ontor, iń doń dhak dhakaokʼ kana. Iń do hape akan bạń tahẽdaṛeakʼ kana, ente sakwa reakʼ saḍe ar lạṛhại reakʼ sabadiń ańjomakada.

Jirimiạ 49:1

Amonrenko reaṅ Probhu Isor do noa kathae meneda, “Israelren do cetʼ cele hoponge bạnukʼkotaea? Uniyakʼ gujukʼ tayom uniyakʼ sompottiren ạkʼạidạriko do cetʼ celege bạnukʼkoa? Enḍekhan Milkom do Gad gusṭirenkoakʼ ṭhạ̃i do cedakʼe ạidạri akawana? Cedakʼ Milkom sekʼwako do onḍenakʼ nagrahareko berel akana?

Jeheskel 21:20

Tarwaṛe lạgitʼ Amonrenko do Raba nagraha upạrte calakʼ reakʼ mitʼṭen hor ar Jihudạ ar pạcrite esetʼ nagraha upạrte calakʼ lạgitʼ horre mitʼṭecʼ cinhạ dohoyme,

Jeheskel 21:25

“E besonot ar Israelren dusṭạmi raj, amakʼ din do seṭer akana, amakʼ sạjại reakʼ okte do seṭer akana.

Amos 1:14

Ona lạṛhại dinre botoranakʼ birbão hoe leka lạṛhại talare iń do Rahab reakʼ bhit upạrte seṅgeliń kola; ar ona do uniyakʼ gaṛkoe joma.

Obodiạ 1:19

Negebre tahenkan Israelrenko do Esaoakʼ buruko dokhol joṅa ar latar buru ṭoṭharen hoṛ do Philisṭikoakʼ disạmko ạidạri joṅa. Onko do Ephrayim ar Samariạ reakʼ ṭhạ̃iko dokhol joṅa ar Benjạmin Gilead ṭoṭhako ạidạri joṅa.

Numeri 10:9

Apnarakʼ disạmre tahen jokhecʼ aperen bạiriko sãotepe lạṛhạire banar pepṛẽtʼ mitʼ dhaotepe oroṅa. Unre aperen Probhu Isor do ape lạgitʼe dạndikʼte bạirikoakʼ ti khone rukhiyạpea.

Numeri 21:25

Israelko do Hesbon ar ona aḍepase reakʼ atoko sudhạ Amorikoakʼ sanam nagrahako dokholana ar onḍe girạbasokʼko ehopʼena.

Dosar Biboron 13:16

Ar onḍenakʼ luṭ ạguwakʼ joto jinisko do nagraha reakʼ tala kulhirepe dohoya ar sanamakʼ jinisko, ona ato ar nagraha hõ aperen Probhu Isor ńutumte jeredokʼ samaṅokʼakʼ leka purạtepe jeretʼ giḍikakʼa. Ona jaega do jaejug hạbicʼ ḍhipi leka tahena; ar ona do tishõ baṅ benao hoyokʼ.

Dosar Biboron 3:11

Rephiyikoren sarecʼ hoṛko modre eken Basonren raj Ogge jiwetʼe tahẽkana. Uniyakʼ mẽṛhẽtʼ reakʼ benaoakʼ giticʼ aṭetʼ do jeleńte are moka ar osarte pon moka tahẽkana. Ona do ńitokʼ hõ Amonrenkoakʼ Raba nagrahare menakʼa.

Josuạ 17:11

Isakar ar Asren gusṭikoakʼ simạna tala reakʼ Betʼ-Sean, Iblean ar onako aḍepase reakʼ sanam atoko do Manase gusṭirenkoko emoco akan tahẽkana. Ona chaḍa Dorren, En-Dorren, Tanak ar Magidoren hoṛko sudhạ niạko nagraha ar onako aḍeparen sanam atoko Manase gusṭirenko emocoakan tahẽkana. Ar mucạtʼ secʼ reakʼ pea nagraha ar onako sãoteakʼ atoko do buru ṭoṭhare tahẽkana.

Josuạ 17:16

Joseph gusṭiren hoṛko roṛ ruạṛkeda, “Buru reakʼ onako jaegare ale do bale sahobokʼa ar okoe Kananiko bilạn ṭạnḍi reakʼ Bet-Sean ar ona aḍepase atokore ar Jisreyel lodamreko girobasokʼ kan onko sanamko do mẽṛhẽtʼ reakʼ rãt gạḍiko menakʼtakoa.”