Jirimiạ 49:1 - সান্তালী বাইবেল

¹ Amonrenko reaṅ Probhu Isor do noa kathae meneda, “Israelren do cetʼ cele hoponge bạnukʼkotaea? Uniyakʼ gujukʼ tayom uniyakʼ sompottiren ạkʼạidạriko do cetʼ celege bạnukʼkoa? Enḍekhan Milkom do Gad gusṭirenkoakʼ ṭhạ̃i do cedakʼe ạidạri akawana? Cedakʼ Milkom sekʼwako do onḍenakʼ nagrahareko berel akana?

Jirimiạ 49:1 Iomraidhean Croise

Genesis 19:38

Ar huḍińicʼ kuṛiren hõ mitʼṭen koṛa gidrại hoyena, ar uniyakʼ ńutum do Ben-amine dohoketʼtaea (metakʼme, “Iń bõsren hopon”). Uni do ńitokʼren Amonikoren janam data kanae.

2 Rapajko 24:2

Probhu Isor do Jehoyakim upạrte Babelrenko, Aramrenko, Moabrenko ar Amonren luluṭ hoṛkoe kolketʼkoa. Probhu Isor do acʼren guti, metakʼme nạbiko hotete okaṭakʼ kathae roṛ saḍeletʼ onkage uni do Jihudạ disạm marao lạgitʼ onkoe kolketʼkoa.

2 Bõsbudạ 20:1

Inạ tayom Moabrenko, Amonrenko ar Meyunikoren adom hoṛko do Jehosaphat upạrte lạṛhại lạgitʼko oḍok hecʼena.

Nehemiạ 2:19

Menkhan Horoni Sanbalat, Amoni Tobiạ ar Arabi Gesem teko do niạ katha ańjomkateko landa dhutʼatʼlea. Onkoko menkeda, “Ape do cetʼ pe ceka kana? Ape do cetʼ raj upạrtepe hula?”

Nehemiạ 4:7

Menkhan Sanbalat, Tobiạ, Arabiạko, Amoniạko ar Asdadren hoṛko do tinreko ańjomkeda je, Jerusalem pạcri jut aroe reakʼ kạmi calakʼ kana mente ar paṛakʼko hõ esedokʼ kana unre onko do ạḍiko edreyena.

Sereńko 83:7

Gebaliko, Amonrenko, Amalekiko ar Turren sãoten Philisṭiko;

Sereńko 9:6

Ar bạiriko do jaejug lạgitʼko jarkharena; onkoakʼ nagrahako dom dhaṅdhaser akada; ar onkoakʼ ńutum sudhạ marao cabayentakoa.

Jirimiạ 12:14

Probhu Isore meneda, “Ạidạri lekate okaṭakʼ ṭhạ̃i ińren hoṛkoń em akawatʼko onare ińren sanam kharap aḍepase hoṛ do jhãpko emakada. Ona iạte iń do onkoakʼ disạm khon onkoń or totʼ giḍikakoa ar onko tala khon Jihudạren hoṛkoń rakapʼ ạgukoa.

Jirimiạ 25:21

Edomrenko, Moabrenko ar Amonren hoṛko;

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 27:3

Ona tayom okoeko paṭhaona do Edomren raj, Moabren raj, Amonren raj, Turren raj ar Sidonren raj ṭhen khon Jerusalemte Jihudạren raj Sedekiạ ṭhenko hecʼakan onko hotete sanam rapajko ṭhen khoborem kola.

Jirimiạ 48:1

Moab reaṅ phạdkoren Probhu Isor doe meneda, “Nebore do hae hae! Ona do marao utạrokʼa. Kiriạthaim doe lajao ocokʼa ar eṭakʼkoakʼ tireye paṛaokʼa; uniyakʼ gaṛko do lajao ocokʼte rạputʼ dhaṅ dhaserokʼa.

Jirimiạ 49:23

Damesek babotre Probhu Isore meneda, “Hamat ar Arpad dokin andmandao akana, ente unkin do bạṛicʼ khoborkin ańjomakada. Unkin dokin as chuṭạu akana, ar haḍak ḍabakokʼkan doreão lekakin hoyakana.

Jirimiạ 49:28

Babelren raj Nebukadnesar do Kedar ar Hasorren okoekin raje bhagaoletʼ kin unkin babotre Probhu Isor doe meneda, “Beretʼpe, ar Kedarte rakapʼ calakʼpe ar purub disạmren hoṛko jarkharkope.

Jirimiạ 49:7

Edom babotre phạdkoren Probhu Isore meneda, “Temanre ạkil do cetʼ bạnukʼa? Budanko ṭhen khon cetʼ sopolha do caba akana? Onkoakʼ ạkil do cetʼ heṛ akantakoa?

Jeheskel 21:25

“E besonot ar Israelren dusṭạmi raj, amakʼ din do seṭer akana, amakʼ sạjại reakʼ okte do seṭer akana.

Jeheskel 25:1

Probhu Isor do ińe metadińạ,

Sephaniạ 1:5

Sermaren sanam ipilko sewawako lạgitʼ okoe do chat cetanre decʼkateko ḍobokʼetʼkan ar okoe do Probhu Isor ńutume kiriạ tayom hõ Milkom debota ńutumteko kiriạkʼ kan onko hõń marao utạrkoa.

Numeri 1:24

Gad bõsrenko mod khon okoekoakʼ umer do bargel se ona khon bạ̃ṛti, metakʼme okoe do lạṛhại lạgitʼ oḍok calakʼ lekako tahẽkan, onko do gusṭi ar gharońj reakʼ oprom lekate sanamkoakʼ ńutum ol caṛhaoentakoa.

Dosar Biboron 2:19

Menkhan ape do tinre Amonrenko ṭhenpe seṭerokʼa unre onko do alope ạṛiskoa se lạṛhại lạgitʼ alope uskạukoa, ente Amonrenkoakʼ disạm reakʼ okaṭakʼ hĩs hõ ape do bạń emapea. Ona do Loṭ bõsrenko sompotti lekateń em dohoakatʼkoa.’ ”

Dosar Biboron 23:3

“Jãhãe Amoni se Moabi hõ Probhu Isorakʼ manḍerre bae seletʼ daṛeakʼa; gelpon piṛhi hạbicʼ uniren cele hõ manḍerre bako bolo daṛeakʼa.

Dosar Biboron 23:4

Ente Misor disạm khon oḍok hecʼkate apeakʼ dãṛãn horre onko do jomakʼ ar dakʼante bako daramletʼpea, bickom sarapape lạgitʼ Mesopoṭamia disạm reakʼ Pethor nagraha khon Beor hopon Biliam do ṭakateko ạguledea.