Biblia Todo Logo
Bìoball air-loidhne

- Sanasan -




Jirimiạ 48:47 - সান্তালী বাইবেল

47 Menkhan tayom daram dinre Moab reakʼ dosa doń ạcur ruạṛa. Iń Probhu Isorge noa katha doń meneda.” Moabakʼ bicạr reakʼ katha do nonḍege mucạtʼena.

Faic an caibideil Dèan lethbhreac




Jirimiạ 48:47
22 Iomraidhean Croise  

Ińiń baḍaea ińren babańcaoicʼ doe jiwetʼgea; sesre uni do dhạrtire hecʼkateye teṅgona.


Unre phạdkoren Probhu Isor ṭhen do onko usul ar cĩkạ̃ṛ jạtrenko ṭhen khon sandesko hijukʼa. Onko do boṅgan hoṛ jạtren kanako okoe do sor ar sạṅgińren hoṛko botorakokan. Onko do noko daṛean jạtren kangeako okoe do eṭakʼko jaṅgateko lebetʼ gańjaoetʼko ar okaṭakʼ disạm do gaḍa soḍokʼkote hạṭiń akantako. Onko jạtrenkoakʼ dan sandes do Sion burure, phạdkoren Probhu Isorakʼ tahen ṭhạ̃ite ạgukʼa.


Menkhan uniyakʼ lab ar rojgar do Probhu Isor ńutumte begar dohokʼa; se jogaokʼa ona do baṅa. Ar okoe do Probhu Isor samaṅreko dãṛã baṛae onkoakʼ ḍher jomakʼ ar mońj kicricʼko lạgitʼge uniyakʼ ona labtetʼ do khorocokʼtaea.


Paerakʼicʼ cetʼ leka tiye pasnaoetʼtae onkage onko hõ guricʼre akoakʼ tiko pasnaotakoa. Onkoakʼ ti reakʼ kurumuṭu do ạuṛiyakʼge hoyokʼtakoa; Isorge onkoakʼ bạḍại doe rạpudtakoa.


“Jarwakʼpe ar hijukʼpe, ma hecʼ sorokʼpe, E ape boṅgan hoṛ jạtren paskao akanko. Onko do cetʼ hõ bako baḍaea, one okoe do akoakʼ kaṭ reakʼ goṛhon muṭhạnko gokʼ baṛayetʼ. Onko do nonkan debota ṭhenko koejoṅa okoe do bae bańcao daṛeako.


Probhu Isore meneda, “Ạidạri lekate okaṭakʼ ṭhạ̃i ińren hoṛkoń em akawatʼko onare ińren sanam kharap aḍepase hoṛ do jhãpko emakada. Ona iạte iń do onkoakʼ disạm khon onkoń or totʼ giḍikakoa ar onko tala khon Jihudạren hoṛkoń rakapʼ ạgukoa.


Menkhan onkoń totʼ giḍikako tayom do arhõń dayawakoa onkoakʼ apan ạpin ạidạrite ar mitʼke mitʼ hoṛkoakʼ disạmteń ruạṛ ạgukoa.


Ińakʼ edre do ińakʼ ontor ńutumte purạte ạuri perejokʼ hạbicʼ baṅ ruạṛa. Ar ape do tayom daram din pusṭạute onape bujhạu daṛeakʼa.


Probhu Isorakʼ sana purạpuri kạmire ạuri lagaokʼ hạbicʼ uniyakʼ botoranakʼ edre do baṅ ruạṛtaea. Tayom daram dinkore hõ noa dope bujhạu daṛeakʼa.


Okoe onkoakʼ jiwiko sendara kan Babelren raj Nebukadnesar ar uniren lạṛhại phạdkoakʼ tire onkoń jimạkoa. Ona tayom do Misorre arhõ lahate leka hoṛko girobasokʼa. Iń Probhu Isorge noa katha doń meneda.”


menkhan tayom daram dinre iń do Elam reakʼ dosań ruạṛ ạguiya. Iń Probhu Isorge noa katha doń meneda.”


Menkhan tayomte Amonrenkoakʼ dosa doń ạcur ruạṛtakoa.


Ḍher bochor tayom am do lạṛhại lạgitʼem hoho ocokʼa. Unre am do nonkan mitʼṭecʼ disạm cetanre jhãpem ema okaṭakʼ disạm do lạṛhại khon rehaye ńamakatʼ, one onaren hoṛko do ḍher jạtrenko tala khon Israel reakʼ burureko jarwa akan. Ona disạm do ḍher din khon ujạṛakʼ tahẽkana, menkhan am do jhãp ạurim emrege uniren hoṛko do eṭakʼ eṭakʼ jạtrenko tala khonko oḍok ạgu ocokʼa, ar unre onko do jotoge khạtirjomako tahena.


Ar ńitokʼ doń hecʼakana bujhạu ocome lạgitʼ darakan dinkore amren hoṛkore cetʼ hoyokʼa mente. Ente dorson do darakan dinko reakʼkangea.”


Uni do ṭhonok disạmte hõe bolokʼa. Ar ḍher disạmko do ńurokʼa, menkhan goṭa Edom, Moab ar Amonren joto khon bhage hoṛko do uniyakʼ ti khon bańcaoko ńama.


Menkhan sermare mitʼṭen Isor menaea okoe do okoakʼko reaṅe sodoretʼkan. Ar tayom daram dinkore cetʼko hoyokʼa ona do unige Nebukadnesar raje baḍae ocoakadea. Amakʼ kukmũ, metakʼme aṭetʼre giticʼkate okaṭakʼ kukmũm ńelakatʼ ona do ńitokʼ iń lạiyama.


Ar ona tayom do akoren Probhu Isor ar onkoren raj Dạud secʼko ruạṛa. Mucạtʼre onko do Probhu Isorakʼ bhor ńam lạgitʼ botor salakʼ uni ṭhenko hijukʼa.


Iń do ńitokʼ ińren hoṛko ṭheniń ruạṛ calakʼ kana, menkhan ona lahare amiń sontor oṭokam kana noko jạtrenko do tayom daram amren hoṛko cetanre cetʼko cekaea mente.”


Ińiń baḍaea, ińakʼ gujukʼ tayom ape dope kharapokʼa ar oka horte calakʼ reakʼ iń hukumakatʼpe ona khon dope ghańjeṛokʼa. Ar onate darakan dinkore ape cetanre muhinko hecʼ paṛaokʼa, ente Probhu Isorakʼ mẽtʼre oka bạṛicʼakʼkan onagepe kạmiya ar apeakʼ tite benao akatʼko boṅga murhutʼ iạte unipe khĩs ocoyea.


Ar tinre kosṭorepe paṛaokʼa ar noako ape cetanre hijukʼa unre tayom daram reakʼ ona dinkore aperen Probhu Isor ṭhenpe ruạṛ hijukʼa arpe bataotaea.


Lean sinn:

Sanasan


Sanasan