Jirimiạ 48:3 - সান্তালী বাইবেল

³ Horonaim khon do rakʼ ańjomokʼkana, jarkhar ar dhaṅdhaser reakʼ rakʼge ańjomokʼ kana.

Jirimiạ 48:3 Iomraidhean Croise

Jesaea 15:2

Moabren hoṛko do rakʼjoṅ lạgitʼ Dibonakʼ mundilre ar than boṭkocʼkoreko rakapʼ akana. Onko do Nebo ar Medeba ńutumteko homor halaṅeda. Onko do jotoge bohokʼko hoyo munḍrạ akana ar goco hõko kaṭopʼ akatʼtakoa.

Jesaea 15:5

Moab lạgitʼ ińakʼ ontor doe rakʼeda; uniren hoṛko do Soar secʼ Eglath-selesia hạbicʼko dạṛetʼ kana. Onko do rakʼ rakʼte Luhit buru reakʼ horteko rakapʼ calakʼkana; onkoakʼ ṭhạ̃i do dhaṅdhaser akantakote rakʼ homorate Horonạiyim reakʼ horteko calakʼ kana.

Jesaea 15:8

Moab simạ reakʼ beṛhaete onkoakʼ rakʼ do ańjomokʼ kana; Eglayim ar Ber-Elim hạbicʼ onkoakʼ rakʼ do seṭer akana.

Jesaea 22:4

Ona iạteń menkeda, “Iń ṭhen khon calakʼpe; ar hũk hũk rakʼ ocowạńpe. Ińren hoṛko marao akante jiwi raṛecʼtiń lạgitʼ do alope kurumuṭuiya.”

Jirimiạ 20:16

Probhu Isor do daya baṅkate one sanam nagrahae maraoletʼ uni hoṛ do onka baṛeye hoyokʼma. Uni do setakʼ jokhecʼ guhere ańjomma ar tikin do lạṛhại reakʼ andoṛge;

Jirimiạ 47:2

“Ńelme, utạr secʼ khon banbạsi rakapʼ hijukʼkana; ona do se rakabokʼkan ạtukʼ dakʼ lekage hijukʼkana. Ona do disạm ar onare menakʼakʼ joto ato ar nagraharen girobasokʼ kan sanam hoṛkoe ḍubạ esetʼkoa. Ona iạte hoṛko doko guhera; ar disạmreko girobasokʼ kan joto hoṛgeko jare jarekʼa.

Jirimiạ 48:34

“Onkoakʼ rakʼjoṅ reakʼ aṛaṅ do Hesbon khon Elial ar Jahas hạbicʼ ańjomokʼ kana, Soar khon Horonayim ar Eglath Selisiạ hạbicʼ rakapʼ akana, ente Nimrim reakʼ dakʼ hõ ańjetʼ akana.

Jirimiạ 48:4

Moab doe dhaṅdhaser ocokʼa; onaren huḍińko doko rakʼjoṅkana.

Jirimiạ 48:5

Luhit rakapʼ calakʼ horre hoṛko do rakʼ rakʼteko rakapʼ calakʼa; ar Horonaim secʼ okaṭakʼ hor pheḍ sen akan onḍe do dhaṅdhaser iạte guher ańjomokʼa.

Jirimiạ 51:54

Babel khon rakʼ ańjomokʼ kana, Babelrenkoakʼ disạm khon do maraṅ okocʼ ḍhao maraokʼ reakʼ andoṛge ańjomokʼ kana,