Jirimiạ 48:12 - সান্তালী বাইবেল

¹² Menkhan dinko hijukʼ kana tinre iń do kanḍa dũṛũcʼ lạgitʼ hoṛkoń kolkoa, onko do uniko dul oḍokea; uniyakʼ kanḍako khạliytaea ar uniyakʼ bhajan doko rạputʼ gejertaea.

Jirimiạ 48:12 Iomraidhean Croise

Sereńko 2:9

Mẽṛhẽtʼ ṭheṅgate am do onkom rạputʼkoa ar hasa reakʼ bhajan lekam tawakʼ gejer cabakoa.”

Jesaea 16:2

Cẽṛẽ do tukạ khon oḍok kate cetʼleka hantenateye uḍạu baṛae onkage Moabren hoṛko do Arnon gaḍa taṛam paromokʼ jaega ṭhenko ạcur baṛaea.

Jesaea 30:14

Ona do hasa reakʼ bhajan leka rạputʼ gejerokʼa; ar nonka rạpudokʼa, ona reakʼ mitʼ kecakʼ kelhatʼ hõ baṅ ńamokʼa one onate culhạ khon torocʼ se kuń khon dakʼ rakapʼ daṛekokʼ.”

Jirimiạ 14:3

Lekman hoṛ do dakʼ lạgitʼ akoren gutikoko koletʼkoa; menkhan onko do dakʼ reakʼ ṭhạ̃ite hecʼkate dakʼ bako ńametʼkante eken kanḍawategeko ruạṛ calakʼ kana; onko do lajao arko as chuṭạu akante bohokʼko poṭom esetʼ akatʼtakoa.

Jirimiạ 19:10

“Ona tayom okoe am sãoteko calakʼ onko hoṛ samaṅre hasa reakʼ ona bhajanem rạpuda arem metakoa, phạdkoren Probhu Isore meneda, ‘kuṅkạlakʼ noa bhajan rạputʼ lekhan cetʼleka baṅ joṛaokʼ ṭhik onkage iń hõ noko jạtrenko ar nagrahań rạputʼ gejera. Hoṛko do Tophetreko topakoa, topako lạgitʼ eṭakʼ ṭhạ̃i baṅ tahen iạte.

Jirimiạ 25:34

E gukʼpiko, ape do ragpe, homor halaṅpe; E gukʼpikoren mukhiyạko, ape do dhuṛire guṛdạukʼpe, ente ape gurpe reakʼ okte do seṭer akana; ape do mońj mitʼṭecʼ hasa reakʼ bhajan lekape rạputʼ gejer ocokʼa.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 48:11

“Mitʼ kanḍa khon eṭakʼ kanḍare ạuri dul hạbicʼ cetʼleka bubulakʼ do acʼakʼ gadrege tahen onkage Moab do acʼakʼ huḍiń umer khon khạtirjomae tahenkana; uni do bondi dosare bae sen akana. Onate ona reakʼ sebel do lahate lekage menakʼa, ona reakʼ mońj so do baṅ bodol akana.

Jirimiạ 48:13

Israelko Bethelre pạtiạukate cetʼlekako lajao ocolen onkage Moab hõ Kemos reaṅ iạteko lajao ocokʼa.

Jirimiạ 48:15

Moab do jarkharokʼa ar uniyakʼ nagrahako do dokholokʼtaea; uniren juạn koṛako do gocʼ ocokʼ lạgitʼko pheḍ calakʼkana.” Okoeyakʼ ńutum do phạdkoren Probhu Isorkan uni rajge noa katha doe meneda,

Jirimiạ 48:38

Moab reakʼ sanam oṛakʼ chatkore, nagraha reakʼ kulhi ar dobạṭiạkore homor halaṅ chaḍa ar cetʼge baṅ ańjomokʼ kana, ente okaṭakʼ bhajan celege bako bạsutakʼkan onkage Moab doń rạputʼ gejer akadea.

Jirimiạ 48:8

Mitʼke mitʼ nagraha upạrte dhaṅdhasericʼe hijukʼa ar oka nagrahage bae paskao daṛeakʼa. Ińakʼ katha leka buru nala do maraokʼa ar bilạn ṭạnḍi do jarkharokʼa.

Nạhum 2:2

Dhaṅ dhakʼserko do Israelko ujạṛ akadere hõ ar uniyakʼ darkha bagwanko marao akatʼtaere hõ Probhu Isor do ńit hõe Jakobren kangea, metakʼme uni do Israelakʼ lahateakʼ ṭhonoke ruạṛkataea.