Jirimiạ 47:6 - সান্তালী বাইবেল

⁶ Ape do nonkape rakʼeda, ‘E Probhu Isorakʼ tarwaṛe, ar tinạkʼ din tayomem jirạukʼa? Amakʼ khaprege bolo ruạṛokʼme; jirạukʼme, ar thir hapeakan taheme.’

Jirimiạ 47:6 Iomraidhean Croise

2 Samuel 2:26

Unre Abner do Joab hohoadeteye metadea, “Tarwaṛe do cetʼ jaejug hạbicʼ jojomtegeye tahena? Bam bujhạueda mucạtʼtetʼ do haṛhatʼgea mente? Amren hoṛko onkoren boeha khudạuko khon do tinrem manakoa?”

1 Bõsbudạ 21:27

Inạ tayom Probhu Isor do uni serma goḍete hukumadea ar uni do acʼakʼ tarwaṛeye bhorao ruạṛkeda.

Sereńko 17:13

E Probhu Isor, ma beretʼme, ar teṅgo daramkote, otre baṛe tawakʼ bhindạṛkom. Amakʼ tarwaṛete bedhoromkoakʼ ti khon rukhiyạyińme.

Jesaea 10:15

Ṭeṅgocʼ do cetʼ mamakʼicʼ cetanreye rakapʼ kana se korat do cetʼ kaṭ mistiri samaṅreye bạḍại daṛeakʼa? Ona do baṅ hoedaṛeakʼa. Ṭheṅga do ekʼpelicʼ bae ghiriạ daṛeaea ar ladhna hõ ladhna sasapʼicʼ do bae epel daṛeaea.

Jesaea 10:5

Hae, Ạsur do, ińakʼ khĩs reakʼ ṭheṅga! Uniyakʼ tirege menakʼa ińakʼ edre reakʼ mutạk do.

Jirimiạ 12:12

Hahaṅkar ṭoṭha reakʼ ceḍe buruko cetanre maraoakʼge hecʼena, ente Probhu Isorakʼ tarwaṛe do disạm reakʼ mitʼ nakha khon eṭakʼ nakha hạbicʼe jojomkana; ar okoehõ sulukte do bạnukʼkoa.

Jirimiạ 12:4

Disạm do tinạkʼ dine homor halaṅa ar ṭạnḍi reakʼ ghãs hõ tinạkʼ din tolmocʼ akae tahena? Okoe onḍeko girobasokʼ kan onkoko bạṛicʼgete janwar ar cẽṛẽko hõko marao akana. Onko hoṛko meneda, “Abo cetʼ bon cekayetʼ do bae ńeńelkana.”

Jirimiạ 15:3

Probhu Isore meneda, “Onko upạrte pon lekan nonosṭokoń kolkoa. Tarwaṛete doko gujukʼa, setako doko or cirạkoa, ar coṭren cẽṛẽko ar otren janwarko doko jomkoa arko mohor meṭaokoa.

Jirimiạ 25:27

Ona tayom Probhu Isor do ińe metadińa, “Onkom metakoa, Israelkoren Isor phạdkoren Probhui meneda, ‘ape talare iń do lạṛhạiyiń koleda; ape do ińakʼ edreteakʼ bạṭi khon ńũiype, bul bhuteṛokʼpe, bejpe, sombodokʼpe ar alope beretʼa.’

Jirimiạ 4:21

Tinạkʼ din nisạn do tul akaniń ńela, ar tinạkʼ din sakwa reakʼ saḍe doń ańjoma?

Jirimiạ 48:10

Probhu Isore meneda, “Ińakʼ kạmire okoe hoṛe asketokʼ unire do sarap paṛaokʼma. Okoe acʼakʼ tarwaṛere mãyãm bae joro ocoy uni cetanre hõ sarap paṛaokʼma.

Jirimiạ 50:35

Probhu Isore meneda, “Babelrenko upạrte, uniren hoṛko upạrte ar uniren cetan hudạren kạmiyạko ar ạkilan hoṛko upạrte tarwaṛe do menakʼgea.

Jeheskel 14:17

“Iń do ona disạm upạrte tarwaṛe ạgukateń men, ‘disạm reakʼ sanam ṭhạ̃ire lạṛhại hoyokʼma,’ ar iń do onaren hoṛko ar janwarkoń gocʼko.

Jeheskel 21:30

E Amonirenko, apeakʼ tarwaṛe do khapre bhorao ruạṛkakʼpe. Ar oka ṭhạ̃irepe sirjạulen, aperen hapṛamkoakʼ ona disạmre iń do apeń bicạrpea.

Sakariạ 13:7

Phạdkoren Probhu Isore meneda, “E tarwaṛe, am do ińren gukʼpiko upạrte, ińren sãoten hoṛko upạrte, ebhenokʼme. Gukʼpiyicʼ iń mageya, enḍekhan bhiḍiko doko chir chạturokʼa; ar iń do bhiḍi hoponko upạrte hõ tiyiń tula.

Johan 18:11

Noa iạte Jisu do Patrase metadea, “Tarwaṛe do khapre bhoraokakʼme. Baba oka duk reakʼ bạṭiye emakawạdiń ona do cetʼ bạń ataṅa?”

Bikʼcạrko 7:20

Pe dolren hoṛge mitʼ dhaoteko rạputʼkeda. Ar leṅga tire mosal ar jojomtire sakwa hataokate onko do ãṭ aṛaṅteko hohokeda, “Probhu Isor ńutumte tarwaṛe ar Gideon ńutumte tarwaṛe.”