Jirimiạ 47:2 - সান্তালী বাইবেল

² “Ńelme, utạr secʼ khon banbạsi rakapʼ hijukʼkana; ona do se rakabokʼkan ạtukʼ dakʼ lekage hijukʼkana. Ona do disạm ar onare menakʼakʼ joto ato ar nagraharen girobasokʼ kan sanam hoṛkoe ḍubạ esetʼkoa. Ona iạte hoṛko doko guhera; ar disạmreko girobasokʼ kan joto hoṛgeko jare jarekʼa.

Jirimiạ 47:2 Iomraidhean Croise

Sereńko 24:1

Dhạrti ar onare menakʼakʼ jotowakʼge Probhu Isorakʼ kana; Prithimi ar onare tahenko hõ uniren kanako;

Sereńko 50:12

Reṅgecʼlińre hõ iń do bạń metama, ente dhạrti do ińakʼ kana ar onare menakʼ sanamakʼ hõ ińakʼ kangea.

Sereńko 96:11

Sermae rạskạkʼma, ar dhạrti doe kusikʼma; jalapuri ar onare menakʼ jotowakʼge hud hudạukʼma;

Sereńko 98:7

Jalapuri ar onare menakʼ jotoge rạskạteko andoṛma; dhạrti ar onareko tahenkan jotoko rạskạteko andoṛma.

Jesaea 14:31

E phaṭok duạr, homor halaṅ joṅme. E nagraha, rakʼ joṅme. E Philisṭiko, ape do sanamakʼpe juriyeda. Utạr secʼ khon dhũạ reakʼ rimil do hijukʼ kana, ar uniren lạṛhại phạdko khon celehõ bako pạcokʼ kana.

Jesaea 15:8

Moab simạ reakʼ beṛhaete onkoakʼ rakʼ do ańjomokʼ kana; Eglayim ar Ber-Elim hạbicʼ onkoakʼ rakʼ do seṭer akana.

Jesaea 22:1

Dorson reakʼ buru-nala babotre Probhu Isorakʼ katha do nonka: Am do ńitokʼem ceka akante, amren hoṛko do chat cetanteko rakapʼ kana?

Jesaea 28:17

Hok reakʼ bicạr do jokha baber ar dhorom do sạhul baberiń benaoa; arel do apeakʼ eṛeteakʼ hirlạkoe marao tapea, ar ḍubạ dakʼ do apeakʼ okoakʼ asraye cape iditapea.

Jesaea 59:19

Pạchim secʼren hoṛko do Probhu Isorko botoraea ar purub secʼren hoṛ do uniyakʼ mạhima ńelteko botorokʼa, ente Probhu Isor do acʼakʼ sahẽtʼteye laga ńiretʼkan ḍubạ dakʼ lekae hijukʼa.

Jirimiạ 1:14

Probhu Isore metadińạ, “Niạ disạmre okoeko girobasokʼ kan onko cetanre muhin do utạr secʼ khon banbạsi leka hijukʼa.

Jirimiạ 46:12

Jạt jạtrenko do amakʼ lajao paṛao reakʼko ańjom akada; amakʼ kạuạ rạuạte dhạrti do andoṛokʼa. Ente birbão hoṛ do birbão hoṛregeye tohodokʼa ar unkin do bana hoṛge mitʼ domtekin bhindạṛokʼa.”

Jirimiạ 46:13

Babelren raj Nebukadnesar do Misor akromon lạgitʼe hijukʼ, ona reakʼ sombat Probhu Isor do Jirimiạ nạbiye lạiyade tahẽkana.

Jirimiạ 46:20

“Misor do mitʼṭen mońj okocʼ mĩhũ kanae, menkhan utạr secʼ khon uni upạrte mitʼṭen rõ doe hijukʼkana.

Jirimiạ 46:24

Misorren hoṛ doko lajao ocokʼa ar utạr secʼren hoṛkoakʼ tireko soprot ocokʼa.”

Jirimiạ 48:39

Uni doe talga tạuạkʼ akana! Uni do sanam hoṛko lạgitʼe homor halaṅeda! Moab do cetʼleka lajaoteye dea akada! Uni do beṛhaeten sanam hoṛko ṭhen landa-dhutʼicʼe hoyakana, uniyakʼ dosa ńelte onko hoṛ doko toras akana.”

Jirimiạ 6:22

Probhu Isor do noa kathae meneda, “Ńelpe, utạr disạm khon mitʼ dol maraṅ lạṛhại phạdko hijukʼkana; pirthimi reakʼ ses simạna khon mitʼ maraṅ jạtrenko udgạu ocokʼkana.

Jirimiạ 8:16

Dan nagraha khon bạirikoren sadomakʼ phurko ańjomokʼ kana; onkoren sadomkoakʼ hiṅhạukʼte goṭa disạm do thar tharokʼkana. Disạm ar ona reakʼ sanam nagraha ar onaren hoṛko maraoko lạgitʼko hijukʼkana.

Daniel 11:22

Ar uni samaṅ khon lạṛhại phạdko doko laga ńir ocokʼa arko rạputʼ gejer ocokʼa ar bondobosren mạlik hõe rạputʼ gejer ocokʼa.

Nạhum 1:8

Menkhan uni do ḍubạ dakʼte Niniwi nagrahae marao utạra; ar okoe acʼ secʼrenko baṅkan onko do ńutteye laga ńirkoa.

1 Korinthiko 10:26

ente sonot sostor reakʼ katha leka, “Dhạrti ar onare menakʼakʼ jotowakʼge Probhu Isorakʼ kana.”

1 Korinthiko 10:28

Menkhan jãhãeko metape khan, “Noa do boṅga ṭhen teṅgenakʼ kana,” Enḍekhan one okoeye menakatʼpe uni iạte ar bibek khạtirte alope joma.

Jakob 5:1

E kisạ̃ṛko ańjompe. Apere okaṭakʼ kosṭo hijukʼkan ona lạgitʼ rakʼ homorpe ar hae haeyokʼpe.

Johan sodor 17:1

Okoe eae goṭen serma goḍetkoakʼ tire eae goṭecʼ bạṭi tahẽkan onko modren mitʼ hoṛ do hecʼkateye metadińạ, “Dela hijukʼme, aema dakʼ cetanre okoe kusmbiye duṛupʼakan uniyakʼ sạjạiyiń udukʼama.

Johan sodor 17:15

Ona tayom uni serma goḍete metadińạ, “Am do oka dakʼem ńelketʼ, okare uni kusmbiye duṛupʼakan, ona do ạḍi utạr disạm kana, ạḍi utạr hoṛ kanako, ạḍi utạr jạtrenko ar ạḍi utạr pạrsiko kana.