Jirimiạ 45:5 - সান্তালী বাইবেল

⁵ Enḍekhan cekate apnar lạgitʼ maraṅ maraṅakʼko dom asokʼ kana? Ona do alom asokʼa. Disạime, sanam hoṛko cetanre iń do muhin iń ạguiya, menkhan jãhãtegem calakʼ iń do amakʼ jiwiń rukhiyạitama. Iń Probhu Isorge niạ katha doń meneda.’ ”

Jirimiạ 45:5 Iomraidhean Croise

Genesis 6:12

Isor do dhạrti secʼe beṅgetʼkeda ar goṭage kharap caba akane ńelkeda, ente dhạrtiren manwakoakʼ sobhab do sea akan tahẽkana.

1 Rapajko 3:11

Isor do uniye metadea, “Am do ḍher din bahaokʼ reakʼ, se am lạgitʼ dhon-durib, se amren bạirikoakʼ gujukʼ hõ bam khojlakʼa menkhan mońjte bicạr chinḍạu reakʼ bujgem khojakada,

1 Rapajko 3:9

Onate amren hoṛko ḍanṭaoko lạgitʼ okaṭakʼ ṭhik ar okaṭakʼ do bhul kan ona baḍae lạgitʼ amren gutiyakʼ ontorre bujhạu lạgitʼ daṛe emaeme; ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

2 Rapajko 5:26

Menkhan Elisae do uniye metadea, “Uni hoṛ do tinre am sãote ńapamokʼ lạgitʼ rãt gạḍi khone pheḍena unre ińakʼ mon do cetʼ am sãote baṅ senlentińạ? Ṭaka-poesa, kicricʼ khạnḍwạkʼ, jạitun bagwan, darkha bagwan, mĩhũ-meromko, bhiḍiko ar guti kạ̃ṛmĩko hataoko reakʼ okte do cetʼ ńitokʼ kangea?

Sereńko 131:1

E Probhu Isor, ińakʼ mon do baṅ dhomoka, ar ińakʼ mẽtʼ hõ baṅ koyokʼ pakʼroma; ar ińakʼ lekte napṛakʼ ar hahaṛawakʼre iń do bạń taṛameda.

Jesaea 66:16

Probhu Isor do seṅgel ar tarwaṛete sanam manwako cetanre acʼakʼ bicạr reakʼe kạmiya; uni do onkoe gocʼkoa ar onkoakʼ lekha do ḍherokʼtakoa.

Jirimiạ 21:9

Jãhãege niạ nagrahareye tahen uni do tarwaṛe, akal ar mahamạriteye gujukʼa; menkhan jãhãege bahrete oḍok senkate acʼren khekedkoakʼ tire apnartetʼe jimạkʼ uni doe bańcaokʼa; ar acʼakʼ jiwiye bańcaotaea.

Jirimiạ 25:15

Israelren Probhu Isor do ińe metadińạ, “Ińakʼ ti khon darkha rasa, metakʼme ińakʼ edrete perecʼ noa bạṭi hataome ar okoe jạtrenko ṭheniń kolme onko onam ńũ ocokoa.

Jirimiạ 25:16

Onko do ona ńũkateko konḍe manḍekʼa ar okaṭakʼ lạṛhại onko talareń kol ona iạteko lelha cabakʼa.

Jirimiạ 25:26

sor ar sạṅgińren mitʼke mitʼ utạrren sanam rapajko. Metakʼme, dhạrtiren sanam jạtrenko onań ńũ ocoketʼkoa. Onko sanamko tayom do Sesakren, metakʼme Babelren raj hõ onae ńũiya.

Jirimiạ 25:31

Dhạrti reakʼ ses simạnako hạbicʼ ona reakʼ saḍe do ańjomokʼa, ente Probhu Isor do jạt jạtrenko upạrte mamblae ạguiya. Uni do sanam manwae bicạrkoa ar dusṭạmi hoṛ do tarwaṛeteye gocʼkoa.’ ”

Jirimiạ 38:2

Jirimiạ doe menetʼ tahẽkana, “Probhu Isor do noa kathae meneda, ‘jãhãege noa nagrahareye tahen uni do lạṛhại talate ar baṅkhan akalte ar baṅkhan mahamạriteye gujukʼa, menkhan okoe Babelrenko ṭhene calakʼ uni do bae gujukʼa. Uni do jãhãlekate acʼakʼ jiwiye rukhiyạitaea.

Jirimiạ 39:18

Iń do khạṭige amiń rukhiyạmea; ar bam gocʼ ocokʼa, bickom jãhãlekatege amakʼ jiwim rukhiyạitama, ente am do ińrem bhorsa akana. Iń Probhu Isorge noa katha doń meneda.’ ”

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.

Romiko lạgitʼ Pạul Apostolakʼ ciṭhi 12:16

Ape apere mitʼ mon tahentape ma. Usulakʼko do alope moneyakʼa bickom nindhạnko tulucʼ helmelokʼpe. Ar apnarte budanko mente do alope hudisokʼa.

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”