Jirimiạ 44:3 - সান্তালী বাইবেল

³ Ona do iń khĩs ocoyiń lạgitʼ dusṭạmi kạmiko kạmiakada, onko do senkate dhupko jeretʼkeda ar eṭakʼ isorko sewawatʼkoa, one okoe do bako baḍaeakatʼko ar ape hõ baṅ ar aperen hapṛamko hõ bako baḍaeletʼko.

Jirimiạ 44:3 Iomraidhean Croise

Nehemiạ 9:33

Am do ale cetanre okakom hoyocoakatʼ onate do bam behok akada; am do pạtiạr salakʼgem kạmi akada ar ale dole behok akada.

Jesaea 3:8

Jerusalem doe tohotʼ akana ar Jihudạ doe bhindạṛ akana, ente unkinakʼ katha ar kạmi do Probhu Isor birudrege hoyokʼkana; unkin do uni samaṅrege uniyakʼ ṭhonok kin nihạ̃tetʼ akada.

Jirimiạ 11:17

Phạdkoren Probhu Isor, okoe do uniye rohoelede uni do uniyakʼ sorbonas reakʼe ray akada, ente Jihudạ ar Israelren hoṛ do bạṛicʼakʼko kạmiakada ar Bakʼal debota ńutumte dhupko jeretʼ akatʼte uniko edre ocoakadea.

Jirimiạ 16:10

“Noko hoṛko niạko katham jạhirako tayom tinre amko kulimea, ‘Cetʼ iạte Probhu Isor do ale upạrte nonkan muhin reakʼ kathae roṛeda? Ar aleakʼ ghạṭ do cetʼ kantalea? Aboren Probhu Isor upạrte ale do cetʼle kại akada?’

Jirimiạ 22:9

Unre onkoko roṛ ruạṛa, ‘ona reakʼ karon do hoyokʼkana onko do Probhu Isorakʼ bondobosko bạgi akada ar debotakoko sewawako kan tahẽkana.’ ”

Jirimiạ 29:19

Ente okaṭakʼ katha iń do aema dhao ińren golamko, metakʼme nạbiko hotete onko ṭheniń jạhirletʼ onko do ona bako ańjomletʼtińạ.

Jirimiạ 32:30

“Israel ar Jihudạren hoṛko do huḍiń khonge ińakʼ mẽtʼãhã samaṅre eken bạṛicʼakʼ chaḍa ar cetʼge bako kạmi akada; sạrige Israelren hoṛko do akoakʼ tite benaoakʼ jiniskote ińko bekusi ocoakadińạ.

Jirimiạ 44:23

Ape do dhuppe jeretʼ akada ar Probhu Isor upạrtepe kại akada; uniyakʼ kathape bemanot akada ar uniyakʼ ạnko, niạmko ar kathako bape ańjomaletʼtaea; ona iạte niạ muhin do apere hecʼ paṛao akana. Ar ona dope ńeletʼ kangea.”

Jirimiạ 44:8

Ar okare girobasokʼ lạgitʼpe hecʼakan ona Misor disạmren debotakoren boṅga murhutʼko samaṅre dhuppe jeretʼetʼte cedakʼpe khĩs ocoyedeńa ar ińakʼ pitpe caṛhao ocoyetʼtińạ? Ape do apnartegepe maraokʼ kana ar dhạrtiren sanam jạtrenko talare mitʼṭecʼ sarap ar mitʼṭecʼ henostankope hoyokʼa.

Jirimiạ 5:19

Tinre hoṛko kulimea, ‘aboren Probhu Isor do abore cedakʼ nonkae kạmikeda?’ Unre onkom metakoa, ‘cetʼleka iń bạgikate apeakʼ disạmre debotakope sewawako kan onkage okaṭakʼ disạm apeakʼ baṅkan ona disạmre senkate ńit ape do bidisiạkope sapʼsorakoa.’ ”

Jirimiạ 5:29

Onate cetʼ onko do bạń sạjạikoa? Iń do cetʼ nonkan jạtrenko cetanre bạń halaea? Iń Probhu Isorge noa katha doń meneda.

Jirimiạ 7:19

Menkhan noako kạmikate cetʼ ińko duk ocoyedeń kana?” Onko do akotege lajaoko ạgujoṅkana ar apnartetʼko dukokʼkana.”

Rak̕joṅ 1:8

Jerusalem do ạḍiye ghạṭ akada, onate uni doe bhonḍ akana. Okoe uniko manotede tahẽkan onko jotoge uniko nihạ̃t giḍi akadea, ente onko do uniyakʼ lajaoakʼko ńel akatʼtaea; uni doe kuhrạueda ar mẽtʼãhãe betʼetʼtaea.

Rak̕joṅ 4:13

Noa do uniren nạbikoakʼ ghạṭ iạte, ar uniren naekekoakʼ bedhorom iạte hoylena, ente onḍege onko do dhorom hoṛkoakʼ mãyãmko joroyetʼtako tahẽkana.

Jeheskel 9:9

Uni doe roṛ ruạṛadińa, “Israel ar Jihudạren hoṛkoakʼ ghạṭ do ḍhergetakoa; disạm do mãyãmte perecʼ akana ar nagraha do bedhorom kạmire unumakana. Onkoko meneda, ‘Probhu Isor do noa disạme bạgi akawada: onate uni do noako bae ńeletʼkana.’

Daniel 9:5

Ale dole kại akada, arle behok akada. Ale do bạṛicʼakʼle kạmi akada arle hul akada. Ale do amakʼ hukum ar ạn-ạriko reakʼ hor khonle ocokʼ akana.

Dosar Biboron 13:6

“Dhạrti reakʼ mitʼ simạna khon eṭakʼ simạna hạbicʼ ape beṛhaeten sor ar sạṅgińren okoe do debotako sewawako kan, ar okoe do amren hapṛamkoren bin baḍayicʼ uni debota secʼ amren boeha se amren hopon ar hoponerako se amren bạhu se amren gate am ńamkate bạṛicʼ horte calakʼ lạgitʼe metam, ‘dela, debotako laṅ sewawakoa,’

Dosar Biboron 29:25

“Ar ona reakʼ roṛ ruạṛ do hoyokʼa, ‘ente noa jạtrenko do akoren hapṛamkoren Probhu Isorakʼ bondobosko bạgi giḍiakada, one oka do Misor disom khon oḍok ạguko tayom onko lạgitʼe bandhaoletʼ.

Dosar Biboron 29:26

Onko do eṭakʼ nãwã deb-debikoko sewawatʼkoa arko ḍobokʼatʼkoa, one onko ḍobokʼako reakʼ hukum Probhu Isor doe mana akatʼ.

Dosar Biboron 32:17

Onko do bạṛicʼ jiuko teṅgenatʼkoa. okoe do Isorko baṅkan, onko do nãwã boṅga ńutumte samaṅokʼakʼ porobko porobena, okoe do sor din lahareko upelakan, okoe do aperen hapṛamko bako botorakokan tahẽkan.

Ibriko 3:16

Ar okoe baṅ Isorakʼ katha ańjomkate hõ uniko ạṛis ocolede? Onko do cetʼ noko hoṛ doko baṅkana one okoeko Mose do misor disạm khone oḍok ạguletʼko?