Jirimiạ 42:11 - সান্তালী বাইবেল

¹¹ Okoepe botorae kan uni Babelren raj do ar alope botoraea, ente iń do ape sãotege minạńa. Ińgeń rukhiyạpea ar ińge uniyakʼ ti khoniń bańcaopea.

Jirimiạ 42:11 Iomraidhean Croise

2 Rapajko 25:26

Onate Babelrenko botorte Jihudạren kạṭicʼ lạṭu sanam hoṛko ar subedarko do Misorteko dạṛkeda.

Sereńko 118:6

Probhu Isor do iń sãore menaea, iń do bạń botorokʼa; manwa do cetʼe cekayiń baṅ?

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Sereńko 46:7

Sanam daṛeanicʼ Isor do abo soṅgere menaea; Jakobren Isorge aboren gaṛ do. (Sela)

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Jesaea 43:2

Dakʼ talatem sen paromokʼre hõ iń do am são sãoteń tahena. Ar gaḍako secʼtem calakʼre hõ onako do bako ḍubạmea; ar seṅgel talatem parom calakʼre hõ, am do bam lokʼa; seṅgel lepʼ do bae jharkao daṛeama;

Jesaea 43:5

Alom botorokʼa, ente iń do am sãotege minạńa. Purub disạm khon amren bõskoń ạgukoa ar pạchim disạm khon do amiń jarwamea.

Jirimiạ 1:19

Onko do am upạrteko lạṛhạiya menkhan bako bhagao daṛeama, ente iń do rukhiyạime lạgitʼ am são sãotege minạńa. Iń Probhu Isorge noa katha doń menetʼkana.”

Jirimiạ 1:8

Onko do alom botorakoa, ente iń Probhu Isorge amiń rukhiyạmea ar am sãotegeń tahena.”

Jirimiạ 15:20

Noko hoṛ ṭhen do pitạl reakʼ mitʼṭecʼ daṛeanakʼ pạcri lekań hoyocomea; onko do am upạrteko lạṛhạiya menkhan bako bhagao daṛeama, ente iń Probhu Isorgeń metamkana, am rukhiyạme ar bańcaome lạgitʼ iń do am são sãoteń tahena.

Jirimiạ 27:11

Menkhan jãhãe jạtrenko jodi Babel rajakʼ arãṛko gog ar uniren gutiko hoyokʼ enḍekhan onko jạtrenko do akoakʼ disạmreń tahẽ ocoakoa jemon onḍeko casbas daṛeakʼa. Iń Probhu Isorge noa katha doń meneda.”

Jirimiạ 27:12

Jihudạren raj Sedekiạ do ona sombatgeń lạiyadea, “Babelren rajakʼ arãṛ gogme; uni ar uniren hoṛkoren golam hoyokʼme, enḍekhan am dom bańcaokʼa.

Jirimiạ 27:17

Onkoakʼ katha do alogepe ańjoma. Ape do Babelren raj sapʼsoraepe, enḍekhan ape dope bańcaokʼa. Noa nagraha do cedakʼ jarkharokʼa?

Jirimiạ 41:18

Onko do Babelrenko botorte Jihudạ khonko dạṛetʼkan tahẽkana, ente Ismael do Babel rajren bahalicʼ disạm cakʼlaoyicʼe gocʼledea.

Numeri 14:9

Menkhan ape do Probhu Isor upạrte alope hula. Ona disạmren hoṛ hõ alope botorakoa; ente onko do bon kedokʼ mańjan daṛeakogea. Onko do ohogeko rukhiyạ daṛelena. Alogepe botorakoa ente Probhu Isor do abo soṅgere menaea.”

Mathae 10:28

Okoe eken hoṛmo motoko gocʼ daṛeakʼ menkhan jiwi do baṅ onko do alope botorakoa. Menkhan okoe hoṛmo ar jiwi banarge norokre marao reakʼ daṛe menakʼtae unige botoraepe.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Aposkạmi 18:10

ente iń do am sãote minạńa. Amre jhãp emkate okoe hõ ohoko hạnlema, ente noa nagrahare ạḍi utạr hoṛ menakʼkotińa.”

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Dosar Biboron 20:4

Ente bạiriko sãote lạṛhạikate jitạu ocope lạgitʼ iạte aperen Probhu Isor do ape sãoteye calakʼ kana.’

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Josuạ 1:5

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”