Jirimiạ 41:1 - সান্তালী বাইবেল

^1-2 Elisamaren goṛomtetʼ koṛa Nethaniạ hopon Ismael do raj bõsren hoṛe tahẽkana ar uni do cetan hudạren mitʼṭen rajkạmiyạ hoṛge. Eaeakʼ candore uni do gel hoṛko soṅgekate Mispate Ahikamren hopon Gedaliạ ṭhene hecʼena. Onko do tinre mitʼteko jojomkan tahẽkana, unre Ismael ar uni soṅgeten onko gel hoṛ do Babel rajren bahalicʼ disạm cakʼlaoyicʼ Gedaliạ do tarwaṛeteko gocʼkedea.

Jirimiạ 41:1 Iomraidhean Croise

2 Samuel 3:27

Abner do Hebronteye ruạṛ hecʼena khan Joab do uni sãote oko okote galmaraoae reaṅ cholte nagraha reakʼ phaṭok talareye idikedea. Ar ona tayom do lacʼre sobokʼ kedeteye gocʼkedea. Nonkate uni do acʼren boeha Asahelakʼ mãyãm reakʼe halakeda.

2 Rapajko 11:1

Jihudạren raj Ahasiạren eṅgattetʼ tinreye ńelkeda, acʼren hopon doe gocʼ ocoyena unre uni do Jihudạ rajren sanam hoponkoe gocʼketʼkoa.

2 Rapajko 25:22

Babelren raj Nebukadnesar do okoe hoṛko Jihudạ disạmreye sarecʼ oṭoletʼko tahẽkan onko cetanre Saphanren goṛomtetʼ koṛa, metakʼme Ahikamren hopon Gedaliạ do disạm cakʼlaoicʼ menteye bahalkedea.

2 Rapajko 25:25

Menkhan eaeyakʼ candore Elisamaren goṛomtetʼ koṛa, metatʼme Nethaniạ hopon Ismael do gel hoṛko soṅgekate Gedaliạ ar Jihudạren okoeko hoṛ do Babel reakʼ Mispare uni sãoteko tahẽkan onko sanamkoe gocʼketʼkoa. Nui Ismael do raj bõsren hoṛe tahẽkana.

2 Bõsbudạ 22:10

Ahasiạren eṅgattetʼ do tinreye ńelkeda acʼren hopon doe gocʼ ocoyena unre uni do Jihudạ rajren sanam hoponkoe gocʼ giḍikatʼkoa.

Sereńko 109:5

Onko do bhạlại bodolte bạṛicʼakʼko ladewạń kana, ar dulạṛ bodolteko kurudạń kana.

Sereńko 41:9

Okoe doe ińren dulạṛiạ gatekan, okoere ińakʼ nunạkʼ pạtiạu menakʼtiń, ar okoe do iń tulucʼe jom ńũiyetʼkan, uni hõ iń upạrte iḍiye tuletʼtaea.

Kạhtukko 13:10

Bạḍại do jhogṛa ar reṭepeṭeye sirjạu ocoya, menkhan okoe hukumko ańjometʼ onko ṭhen do ạkil ńamokʼa.

Kạhtukko 27:4

Raṅgao do kurmutạhagea ar edre hõ ạḍi tạpisgea, menkhan mẽtʼ jolokʼ samaṅre do okoehõ bae teṅgo daṛeakʼa.

Jirimiạ 36:12

unre uni do raj oṛakʼ talare olokʼicʼakʼ kandhateye boloyena; onḍe do sanam rajkạmiyạko, metakʼme olokʼicʼ Elisama, Semayaren hopon Delaya, Akborren hopon Elnathan, Saphan hopon Gemariạ, Hanani hopon Sedekiạ ar eṭakʼ sanam mukhiyạkoko duṛupʼ akan tahẽkana.

Jirimiạ 36:20

Ar rajkạmiyạko do olokʼicʼ Elisamawakʼ kandhare ona guṛhe puthiko doho oṭokada ar bakher racare raj ṭhenko senena ar jotowakʼko baḍae ocokedea.

Jirimiạ 40:13

Ar Karea hopon Johanan ar ṭạnḍireko tahẽkan lạṛhại phạdkoren subedarko do Mispate Gedaliạ ṭhen hecʼkateko menkeda,

Jirimiạ 40:5

Menkhan Jirimiạ onḍe khon ạuriye calakʼrege Nebusaradan doe menkeda, “Am do Saphanren goṛomtetʼ koṛa, metakʼme Ahikamren hopon Gedaliạ ṭhen ruạṛ calakʼme. Babelren raj do Jihudạ reakʼ sanam nagrahako cetanre uniye bahal akadea. Am do uni sãoten hoṛko talaregem tahẽdaṛeakʼa se amakʼ kusi leka eṭakʼ secʼ hõm sen daṛeakʼa.”

Jirimiạ 40:6

Unre Jirimiạ do Mispate Ahikamren hopon Gedaliạ ṭhen senkate disạmren sarecʼ hoṛko talareye tahẽyena.

Jirimiạ 40:7

Ona jokhecʼ Jihudạren lạṛhại phạdkoren okoe subedarko ar onkoren okoeko hoṛ do ṭạnḍireko tahẽkan onko doko ańjomkeda je, Ahikam hopon Gedaliạ do disạm cakʼlaoyicʼe bahal ocoakana ar okoe do Babelte bako bondi idi ocoakan onko reṅgecʼ herel hoponko ar maejiuko ar onkoren hoponko hoponerakoakʼ bhar do uni tire emakana.

Jirimiạ 40:8

Unre onko lạṛhại phạdko, metakʼme Nethaniạren hopon Ismael, Kareyer hoponkin Johanan ar Jonathan, Tanhumet hopon Seraya, Netophati Ephaeren hoponko ar Makathiren hopon Jasaniạ ar onkoren hoṛko do Mispate Gedaliạ ṭhenko senena.

Jeheskel 17:13

Ona tayom uni do raj gharońjren mitʼ hoṛ tulucʼ bondobose bandhaoketʼte acʼ tabere tahen lạgitʼe kiriạ ocokedea. Uni do disạmren asol asol hoṛko sapʼkateye idiketʼkoa jemon ona rajosṭi do acʼ tabereye doho daṛeakʼ ar ona do daṛeanakʼ alo hoyokʼ menkhan bondobos lekate ṭikạu tahen.

Johan 13:18

Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń upạrte jaṅgae tulketʼtaea.’