Jirimiạ 40:5 - সান্তালী বাইবেল

⁵ Menkhan Jirimiạ onḍe khon ạuriye calakʼrege Nebusaradan doe menkeda, “Am do Saphanren goṛomtetʼ koṛa, metakʼme Ahikamren hopon Gedaliạ ṭhen ruạṛ calakʼme. Babelren raj do Jihudạ reakʼ sanam nagrahako cetanre uniye bahal akadea. Am do uni sãoten hoṛko talaregem tahẽdaṛeakʼa se amakʼ kusi leka eṭakʼ secʼ hõm sen daṛeakʼa.”

Jirimiạ 40:5 Iomraidhean Croise

2 Rapajko 22:12

Uni do naeke Hilkiạ, Saphanren hopon Ahikam, Mikaren hopon Akbor, Saphan ar rajren gokʼṛoyicʼ Asayateko noae hukumatʼkoa,

2 Rapajko 22:14

Niạ katha ańjomkate naeke Hilkiạ, Ahikam, Akbar, Saphan ar Asaya do maejiu nạbi Hulda ṭhen senkate uni tulucʼko galmaraokeda. Hulda do kicricʼ khạnḍwạkʼ rurukhiyạicʼ Salumren bạhui tahẽkana. Ar Salum do Harhasren goṛomtetʼ koṛa, metakʼme Tikwaren hopone tahẽkana. Hulda do Jerusalem reakʼ dosar atoregeye girobasokʼ kan tahẽkana.

2 Bõsbudạ 34:20

Uni do Hilkiạ, Saphanren hopon Ahikam, Mikaren hopon Abdon, Saphan ar rajren gokʼṛoyicʼ Asayateko niạ hukume ematʼkoa,

Esra 7:27

Aboren hapṛamkoren Probhu Isorakʼ sarhao baṛe hoyokʼtaema. Jerusalemre Isorakʼ oṛakʼre nonkan manot udukʼ reakʼ sana do rajakʼ ontorreye hoe ocoketʼtaea.

Esra 7:6

Esra do dhorom gurui tahẽkana. Israelren Probhu Isorakʼ emakʼ Moseyakʼ ạn-ạriko cetanre uni do bhage bud ar ạkil tahẽkantaea. Uniren Probhu Isorakʼ ti do uni cetanre tahẽkante okae khoj onage raj do uniye emaekan tahẽkana. Artaksasto rajakʼ rajokʼ eaeakʼ bochorre Esra do Jerusalemte tinreye hecʼlena unre uni sãote thoṛa Israelko hõko hecʼ toralena. Onko modre do naekeko, Liwiko, gaenahako ar mundil oṛakʼren rurukhiyạ ar sapʼ sosor kạmi hoṛko tahẽkana.

Nehemiạ 1:11

E Probhu Isor, nehõrokʼ kạnạń, amren gutiyakʼ koejoṅ ańjomme ar okoeko botoram kan onko amren gutikoakʼ koejoṅ baṛe luturakʼtakome. Amren guti do teheń jo baha ocoyeme ar raj ṭhen dayawạnicʼ hoeocoyeme.” Iń do darkha rasa dudulicʼ iń tahẽkana.

Jobakʼ 22:29

Tinre am dom tumbutʼ ocokʼa unrem mena, ‘ińakʼ bạḍại iạtege noa do hoyakana’ amakʼ mạ̃hir iạtege Isor do ame bańcaomea.

Kạhtukko 16:7

Manwa jion ńelte tinre Probhu Isor doe kusikʼa unre uni do acʼren bạiriko hõ sulukteye girobas ocokoa.

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Jirimiạ 15:11

Probhu Isore meneda, “Mitʼṭecʼ bhạlại iạte khạṭigeń aṛakʼmea. Iń do nonkan dosań hoeocoya, onate muhin ar akal oktere amren bạiriko do am ṭhen hecʼkateko nehõrokʼa.

Jirimiạ 26:24

Menkhan Saphanren hopon Ahikam do Jirimiại goṛowadea, onate Jirimiạ goje lạgitʼ hoṛkoakʼ tire bae soprotledea.

Jirimiạ 40:4

Menkhan teheń iń do amakʼ ti reakʼ tonol baber khoniń chaḍaoketʼmea. Amem khoj khan iń sãote Babeltem sen daṛeakʼa, iń do amiń ńel sãohamea; ar iń tulucʼ calakʼ bam menetʼ khan alom calakʼa. Ńelme, goṭa disạmge am samaṅre menakʼa; amakʼ kusi lekam tahẽ daṛeakʼa.”

Jirimiạ 41:1

Elisamaren goṛomtetʼ koṛa Nethaniạ hopon Ismael do raj bõsren hoṛe tahẽkana ar uni do cetan hudạren mitʼṭen rajkạmiyạ hoṛge. Eaeakʼ candore uni do gel hoṛko soṅgekate Mispate Ahikamren hopon Gedaliạ ṭhene hecʼena. Onko do tinre mitʼteko jojomkan tahẽkana, unre Ismael ar uni soṅgeten onko gel hoṛ do Babel rajren bahalicʼ disạm cakʼlaoyicʼ Gedaliạ do tarwaṛeteko gocʼkedea.

Jirimiạ 41:18

Onko do Babelrenko botorte Jihudạ khonko dạṛetʼkan tahẽkana, ente Ismael do Babel rajren bahalicʼ disạm cakʼlaoyicʼe gocʼledea.

Aposkạmi 27:3

Dosar hilokʼ aleakʼ jahaj do Sidonrele teṅgokeda. Julius do Pạul sãote ạḍi mońje beoharkeda ar cerṭhakʼ lạgitʼ uniren gateko ṭhene sen ocoadea jemon acʼren gateko jạruṛokʼakʼ jiniskoko emdaṛeae.

Aposkạmi 27:43

Menkhan subedar do Pạul bańcaoe lạgitʼ mon tahẽkantaete palṭonko akoakʼ kusi leka bae kạmi ocowatʼkoa. Uni doe hukumkeda okoe paerakʼko baḍae onko do pạhilre jahaj khonko don pheḍokʼte guṭuteko rakabokʼma,

Aposkạmi 28:10

Onko do ạḍi lekateko manotketʼlea ar tayomte jahaj laṛao jokhecʼ aleakʼ jạruṛokʼakʼko bojha gotʼatʼlea.

Ibriko 13:6

Onate abo do dilkate bon men daṛeakʼa, Probhu Isor do ińren goṛoyicʼ, iń do bạń botorokʼa; manwa do cetʼko cekayińạ?