Jirimiạ 40:11 - সান্তালী বাইবেল

¹¹ Moabrenko, Amonrenko, Edomrenko ar eṭakʼ disạmren sanam Jihudikoko ańjomkeda baṅma Babelren raj do Jihudạ disạmre thoṛa hoṛe bạgi oṭo akatʼkoa ar Gedaliạ do onko cetanre disạm cakʼlaoyicʼ dohoakadea.

Jirimiạ 40:11 Iomraidhean Croise

Genesis 36:8

Ona iạte Esau do Seyir reakʼ buru ṭoṭha secʼ senkateye girobasena. Esauakʼ eṭakʼ ńutum do Edom hõ tahẽkana.

Jesaea 11:14

Unkin do pạchim secʼ khon Philisṭikoakʼ disạm reakʼ daṛaṅ jaegare hatkin lagaoa, ar mitʼ sãote purub secʼakʼ disạmkin luṭa. Unkin do Edom ar Moabkin dokhol joṅa ar Amonrenko do unkin gobolrenko hoyokʼa.

Jesaea 16:4

Moabren dạdạṛkan hoṛko do ape sãote tahẽ ocoakope; ar jarkharkoakʼ ti khon rukhiyạkope.” Jihudạren sasantaoko doko marao utạrokʼa; onkoakʼ jarkharokʼ reakʼ kạmi do thirokʼtakoa. Disạmre sasantaoko do ar bako ńelokʼa.

Jirimiạ 24:9

Ar jãhãrege onkoń sạṅgiń giḍikako onḍege onko do botorankoń hoyocokoa, dhạrtiren sanam jạtrenko ṭhen hirkhạwanko, landa-dhutʼanko, henostako ar kạhtukgeń hoyocokoa. Ar onkoakʼ ńutum iạte hoṛko do onkoko sarapakoa.

Jirimiạ 41:10

Ismael do Misparen sarecʼ sanam hoṛkoe bondiketʼkoa. Onko modre rajren hoponera hõko tahẽkana ar onḍeko doho oṭolen eṭakʼ sanam hoṛ hõko tahẽkana. Rajren rurukhiyạ dolren subedar Nebusaradan do noko hoṛko cetanre Gedaliại doholedea. Ismael do onkoe bondi idiketʼkote Amonrenko ṭhen parom calakʼ lạgitʼe mohnḍayena.

Jirimiạ 43:5

Jihudạren sarecʼ hoṛko okoe do jạt jạtrenko talare chir chạtur akanko tahẽkan ar onḍe khon Jihudạ disạmre girobasokʼ lạgitʼko ruạṛ hecʼlen onkowante Johanan ar subedarko do Misorteko mohnḍayena.

Jirimiạ 43:6

Noko do onko herel hoṛko, maejiuko, gidrạko ar rajren hoponerako tahẽkana, one Babel rajren rurukhiyạ dolren subedar Nebusaradan do Gedaliạwakʼ tire onkoe doho oṭoletʼko tahẽkan. Noko sãote Jirimiạ nạbi ar Baruk hõe tahẽkana.

Jeheskel 25:12

Probhu Isore menkeda, “Edom do Jihudạren hoṛko cetanreko hala hạli akatʼte ạḍiko behok akada.

Jeheskel 25:2

“E manwa hopon, Amonrenko secʼ amakʼ mẽtʼãhã samaṅme ar onko upạrte nạbikatha roṛme.

Jeheskel 25:6

Ape do Israel disạm reakʼ dosa ńeltepe thayoleda, arpe enecʼlena ar monre hiskạ iạtepe rạskạlena.

Jeheskel 25:8

Probhu Isore menkeda, “Moab ar Seyir dokin meneda, ‘ńelpe, Jihudạren hoṛko do eṭakʼ jạtrenko lekageko hoyakana.’

Jeheskel 34:6

Ińren bhiḍiko do goṭa buru-nalakoreko ạcur baṛaekana. Goṭa dhạrtireko chirchạtur akana; okoehõ onkoakʼ khoj tolas do bako hatao akada.

Jeheskel 35:15

Ar Israelko ạidạri lekate okaṭakʼ disạmko ńamakatʼ ar ujạṛ akan ńelte cetʼ lekam rạskạkʼkan onkage iń do am sãoteń beohara. E Seyir buru, am ar Edom reakʼ sarecʼ sanam ṭhạ̃i do ujạṛ utạrakʼge hoyokʼa. Unre hoṛko baḍae daṛeakʼa, ińkangeạń Probhu Isor do.’ ”

Jeheskel 35:5

“ ‘Ḍher din khon am do Israelren bạirim hoyakana ar onkoakʼ muhinre tinre onkoakʼ sạjại do purạteko em ocoakana unre am do tarwaṛe reakʼ daṛerem soprotketʼkoa.

Jeheskel 5:12

Amren pe hạṭiń reakʼ mitʼ hạṭiń hoṛ do am talare mahamạrite ar baṅkhan akalteko gujukʼa ar pe hạṭiń reakʼ mitʼ hạṭiń do pạcri bhit bahrere lạṛhạiteko gujukʼa ar pe hạtiń reakʼ mitʼ hạṭiń do beṛhaeteń chirchạturkoa ar tarwaṛe do onkoe khudạu baṛakoa.

Jeheskel 5:3

Menkhan thoṛa upʼ dohokate amem horokʼ akatʼ kicricʼrem rebetʼ dohokakʼa.

Numeri 22:1

Inạ tayom Israel hoponko do Moab reakʼ buru otet jaegare senkate Jerikho nagraha samaṅ secʼ jordan gaḍa hanasareko ḍerayena.

Numeri 25:1

Israel hoponko tinre Siṭim nagraha ṭhenko tahẽkana unre onko do Moabren maejiuko sãoteko laṭghaṭkeda.

Numeri 25:2

Noko maejiuko do akoren debotako ńutumte janwar dãṛẽko reakʼ porobre Israelkoko neotaketʼkoa, ar Israelko hõ onko sãote jom-ńũkate onkoren debotakoko ḍobokʼatʼkoa.

1 Samuel 11:1

Amoniạ Nahas do senkate Jabes-Gileade esetʼ ạcurkeda. Unre Jabesren hoṛko do Nahasko metadea, “Ale sãote mitʼṭecʼ bondobos bandhaome, enḍekhan ale do am taberele tahena.”

1 Samuel 12:12

“Menkhan Amonkoren Nahas raj do tinre ape upạrte lạṛhại lạgitʼ hijukʼkanpe ńelkedea unre Probhu Isor do aperen raje tahẽkanre hõ ińpe metadińạ, ‘ale cetanre mitʼṭen raje hoyokʼma.’