Jirimiạ 40:10 - সান্তালী বাইবেল

¹⁰ Iń apnarge Mispareń tahena ar Babelren okoeko abo ṭhenko hijukʼ onko ṭhen ape huyạte kathań roṛa; menkhan ape do darkha rasa, niron din reakʼ pholḍol ar sunumko samṭao jarwaepe ar apeakʼ bhajankore bae dohoepe ar okako ato ar nagrahakope dokhol akatʼ onḍege girobasokʼpe.”

Jirimiạ 40:10 Iomraidhean Croise

2 Samuel 16:1

Dạud do buru muthni khon thoṛae laha idiyen khan Mephibosetren guti Siba sãoteye ńapamena. Uni soṅgete do barea gadhakin tahẽkana ar unkinre do bojha lade tahẽkana. Ona bojhakinre do barsae piṭhạ, mitʼsae thoka kismis, mitʼsae thoka loa reakʼ piṭhạ ar harta reakʼ thulire mitʼ thuli darkha rasa tahẽkana.

1 Rapajko 10:8

Amren hoṛ do ạḍi sukre menakʼkoa! Ar okoe do jao okte am samaṅreko tahenkan ar amakʼ ạkil reakʼ kathako ańjometʼ onko kạmiyạko doko bhạgangea.

Kạhtukko 22:29

Am do cetʼ nonkan jãhãe hoṛem ńel akatʼkoa oko do gạkhuṛ titeye kạmikan? Uni do rajko lạgitʼe kạmiya, ar hoṛko tabere do baṅa.

Kạhtukko 27:25

Khet khon tinre ghãs samṭaokʼa ar nãwã ghãs janamokʼa ar buru khon ghãs samṭao aderokʼa,

Jesaea 16:9

Ona iạte iń do Jaser lekage Sibmạ reakʼ darkha nạ̃ṛĩ lạgitʼ iń rakʼeda. E Hesbon, E Eleale, aben do mẽtʼ dakʼteń jehe jobe bena. Ente abenakʼ jo ar irokʼ phosolrege lạṛhại reakʼ andoṛ do paṛao akana.

Jirimiạ 35:19

Ona iạte iń do Israelren phạdkoren Probhu Isoriń meneda, iń sewawạń lạgitʼ Rekabiạren hopon Jonadabakʼ bõsre tishõ hoṛkoakʼ khạnti do baṅ hoyokʼtakoa.”

Jirimiạ 39:10

Menkhan rurukhiyạ dolren subedar Nebusaradan do begor jaega jumiyan thoṛa hoṛ do Jihudạ disạmregeye doho oṭokatʼkoa; ona jokhecʼ uni do darkha bagwan ar thoṛa jumi hõe ematʼkoa.

Jirimiạ 40:12

Unre onko do okako disạmreko chirchạtur akan tahẽkan onḍe khon Jihudạ disạm reakʼ Mispate Gedaliạ ṭhenko ruạṛ hecʼena. Onko do asambheṛ darkha rasa ar niron din reakʼ pholḍolko jarwakeda.

Jirimiạ 40:6

Unre Jirimiạ do Mispate Ahikamren hopon Gedaliạ ṭhen senkate disạmren sarecʼ hoṛko talareye tahẽyena.

Jirimiạ 43:5

Jihudạren sarecʼ hoṛko okoe do jạt jạtrenko talare chir chạtur akanko tahẽkan ar onḍe khon Jihudạ disạmre girobasokʼ lạgitʼko ruạṛ hecʼlen onkowante Johanan ar subedarko do Misorteko mohnḍayena.

Jirimiạ 48:32

E Sibnar darkha nạ̃ṛĩ, iń do Jaser lạgitʼ cetʼ lekań rakʼetʼkan ona khon bạ̃ṛti do am lạgitʼ hõń raga. Amakʼ ḍạrko do jalapuri hạbicʼ pasnao akana; onako do Jaser reakʼ jalapuri hạbicʼ seṭer akana. Menkhan amakʼ niron din reakʼ jo ar darkha jo jarkharicʼ doe hecʼ sor akana.

Mikạ 7:1

Hai iń do! Iń do niron din reakʼ joko samṭao akatʼ lekageń hoyakana one joko gotʼketʼ tayomko tumạlketʼ, ar jom lạgitʼ darkha reakʼ jãhãn thopage bạnukʼa; ar pạhilre beleakʼ loa hõ bạnukʼa one oka lạgitʼ ińakʼ jiwiye gagojokʼkan.

Luk 21:36

Onate jagwar tahenpe ar koejoṅpe jemon jãhãnakʼge hecʼape onakope parom idite Manwa Hopon samaṅrepe teṅgo daṛeakʼ.”

Dosar Biboron 1:38

menkhan amren gokʼṛoyicʼ Nun hopon Josuạ doe bolokʼa. Am do Josuạ udgạu emaeme, ente unige disạm doe dokhola ar Israelko ạidạri lekateye emakoa.

Dosar Biboron 16:13

“Apeakʼ khạrại ar darkha lelenkunḍ reakʼ ṭhạ̃i khon jotowakʼpe samṭao tayom eae din do ḍera porobpe porobokʼa.