Jirimiạ 4:2 - সান্তালী বাইবেল

² ar sạriyakʼte, hokte ar dhoromte ‘jiwetʼ Probhu Isor ńutumtem’ kiriạkʼ, enḍekhan boṅgan hoṛ jạtrenko do unireko bhorjoṅa ar uniregeko sarhaokʼa.”

Jirimiạ 4:2 Iomraidhean Croise

Genesis 22:18

Ar amren bõsko hotete dhạrtiren sanam jạtrenko do bhorko ńama. Am do ińakʼ hukumem manao akatʼte onań onkaea.”

1 Rapajko 3:6

Unre Solomone roṛ ruạṛkeda, “Ińren ạpuń amren guti do ḍher pạtiạrem udukʼ akadea, ente uni do amre pạtiạre tahẽkana ar dhorom ar soṛageye tahẽkana. Teheń siṅghạsonre duṛupʼ lạgitʼ am do mitʼṭen hoponem emakawadea ar nonkate amakʼ asambheṛ pạtiạrem udukʼae kana.

Sereńko 72:17

Uniyakʼ namḍak do jaejug hạbicʼ tahenma; siń cando tinạkʼ din marsale emokʼa unạkʼ din uniyakʼ ńutum tahentae ma. Uni hotete sanam jạtren hoṛ jemon bhorko ńam ma; ar onko do bhạganko metaema.

Sereńko 99:4

Okoe raj do dhorom bicạre kusiyakʼ uniyakʼ daṛe do amgem ṭarhao akatʼtaea, jemon uni do dhoromteye bicạr daṛeakʼ. Amge Jakob bõsrenko talare hok bicạr ar dhoromem dohoakada,

Jesaea 45:23

Iń do ińakʼ ńutumtegeń kiriyạkʼ kana, ińakʼ dhoromte niạ katha doń meneda, ar ona do baṅ bạtilokʼa. Ona katha do hoyokʼkana, iń samaṅre mitʼke mitʼ gunṭhi do ikhṛumokʼa ar mitʼke mitʼ alaṅ do ińregeye kiriyạkʼa.

Jesaea 45:25

Ińrege Israelren sanam bõsko do bin dusạn menteko sạbudokʼa ar ińko sarhaoińạ.”

Jesaea 65:16

Disạm talare jãhãe hoṛ ạsirbade khoj uni do sạriạkʼren Isor ṭhengeye khoja; ar disạm talare jãhãegeye kiriyạkʼ uni do Isor ńutumtegeye kiriạkʼa; ente hoṛ do lahateakʼ kosṭoko hiṛińa ar ińakʼ mẽtʼ samaṅ khon ona do danaṅokʼa.

Jirimiạ 10:10

Menkhan Probhuge sạriyakʼren Isor kanae; uni doe jiwetʼgea ar jaejugren raj kanae. Uniyakʼ edrete dhạrti do thar tharaokʼa; jạt jạtrenko uniyakʼ edre do bako sahao daṛeakʼa.

Jirimiạ 12:15

Menkhan onkoń totʼ giḍikako tayom do arhõń dayawakoa onkoakʼ apan ạpin ạidạrite ar mitʼke mitʼ hoṛkoakʼ disạmteń ruạṛ ạgukoa.

Jirimiạ 12:16

Mitʼdin onko do ińren hoṛko Bakʼal debota ńutumteko kiriạ ocoletʼkore hõ enhõ jodi ińren hoṛkoakʼ horteko taṛam ar ‘Jiwetʼ Probhu Isor ńutumteko kiriạkʼ, enḍekhan onko do ińren hoṛko talareko benao rakapʼa.

Jirimiạ 16:19

E Probhu Isor, ińakʼ daṛe ar ińakʼ aotan gaṛ, ar gạr hilokʼre ińakʼ hirlạ! dhạrti reakʼ ses simạ khon eṭakʼ jạtren hoṛ do am ṭhen hecʼkateko mena, “Aleren hapṛamko do eṛe debotako ar ạuṛiyakʼren boṅga murtiko ạidạrian tahẽkana, ar onate onkoakʼ do jãhãn porhoge baṅ hoylentakoa.

Jirimiạ 3:17

Unre sanam jạtren hoṛko Jerusalem do Probhu Isorakʼ siṅghạsonko metakʼa, ar Probhu Isor dewa sewawae lạgitʼ onḍeko jarwakʼa. Ar akoakʼ bạṛicʼ ontor do ṭenḍoskate bako pańjaea.

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Jirimiạ 5:2

Ar onkoko men, ‘jiwetʼ Probhu Isor ńutumteń kiriạkʼ kana,’ enhõ onko do eṛe eṛeko kiriạkʼ kana.”

Jirimiạ 7:5

Ape do sạrige apeakʼ colon ar kạmiko reakʼpe jutletape khan ar hoṛkoakʼ hok reakʼpe chinḍạuletako khan,

Jirimiạ 9:24

menkhan jãhãe sarhaokʼe menjoṅ kan khan uni do noa iạteye sarhaokʼma, uni do ińe orom akadińạ, metatʼme uni doe baḍae akadińạ, iń kangeạń Probhu Isor do; ińakʼ dulạṛ do asambheṛgea ar dhạrtire ińakʼ kạmi do dhorom ar sạriyakʼte perecʼgea. Ente iń do noakogeń bạsutakʼkana. Ar iń Probhu Isorge noa katha doń meneda.”

Hosea 2:19

“E Israel, am sãote baplakʼ reaṅ do jaejug hạbicʼ iń kajak utạra; dhoromte, hok reakʼ bicạrte, asambheṛ dulạṛte ar dayate iń do ona reaṅiń kajak utạra.

Joel 2:12

Probhu Isore meneda, “Ńitokʼ do upạspe ar rakʼjoṅpe ar duk sodor salakʼ goṭa ontorte iń ṭhen ruạṛpe.”

Sakariạ 8:8

Jerusalemre girobasokʼ lạgitʼge onko doń ruạṛ ạgukoa. Onko do ińren hoṛko hoyokʼa ar iń do onkoren Isoriń hoyokʼa; ar onkore pạtiạr ar dhoromgeń tahena.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

1 Korinthiko 1:31

Onatege sonot sostorre ol akana, “Sarhaokʼicʼ do Probhu Isorrege baṛeye sarhaokʼma.”

2 Korinthiko 10:17

Menkhan sostor reakʼ katha leka, “Sarhaokʼicʼ do Probhu Isorrege baṛeye sarhaokʼma;”

Galathiko lạgitʼ Pạul Apostolakʼ ciṭhi 3:8

Sonot sostorre laharege olakan tahẽkana, biswạs iạtege Isor do boṅgan hoṛ jạtrenko dhorom menteye aṅgockoa. Abraham do noa kathage bhage sombat menteye baḍae ocolen tahẽkana, “Am hotetege sanam jạtrenko do bhorko ńama.”

Dosar Biboron 10:20

Ape do aperen Probhu Isor ḍobokʼaepe ar unige sewawaepe; unirege jamaṛ akan tahenpe ar uni ńutumtege kiriạkʼpe.

Dosar Biboron 4:30

Ar tinre kosṭorepe paṛaokʼa ar noako ape cetanre hijukʼa unre tayom daram reakʼ ona dinkore aperen Probhu Isor ṭhenpe ruạṛ hijukʼa arpe bataotaea.

Dosar Biboron 6:13

“Ape do aperen Probhu Isorpe ḍobokʼaea, ar eken uni eskargepe sewawaea ar uni ńutumtegepe kiriạkʼa.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Rut reakʼ kạhini 3:13

Teheń ńindạ do nonḍege tahenme. Ar uni do gapa setakʼge amakʼ dạyik hataoe rạjikʼ khan tobe ma bhagege; are onka ocoange. Menkhan bae rạjikʼ khan iń do jiwetʼ Probhu Isor ńutumte kiriạkateń meneda, amakʼ dạyik iń hataoa. Ar am do ạuri setagokʼ hạbicʼ nonḍege giticʼ akan tahenme.”

1 Samuel 20:3

Menkhan Dạud do arhõ kiriạkateye menkeda, “Abenren baba do bhagetegeye baḍaea aben do ạliń ben dulạṛetʼ lińạ. Onate pasecʼ uni do mone moneteye hudiseda, Jonathan noa babotre baṅ baḍae ocoyege bhagea, ente uni do duke ńama. Menkhan jiwetʼ Isor ńutumte ar abenakʼ jiwetʼ leka ạliń ar gujukʼ talare do eken mitʼ taṛamge pharak menakʼa.”