Jirimiạ 4:16 - সান্তালী বাইবেল

¹⁶ Jạt jạtrenko ṭhen ar Jerusalemrenko ṭhen niạ katha jạhirpe, “Gherao ekʼsetʼ lạgitʼ lạṛhại phạdko do sạṅgiń disạm khonko hijukʼkana; onko do Jihudạ reakʼ nagrahako upạrte lạṛhại lạgitʼko hohoyetʼkana.

Jirimiạ 4:16 Iomraidhean Croise

Jesaea 34:1

E jạtrenko, hecʼ sorokʼpe, ar ańjompe; E hoṛko, luturakʼpe. Dhạrti ar onaren sanam hoṛko ańjompe; prithimi ar ona reakʼ hasa khon benao akan hoṛko ańjomma.

Jesaea 39:3

Tayomte Jesaea nạbi do Hiskiạ ṭhen senkateye kulikedea, “Onko hoṛko do cetʼko menkeda, ar oka khonko hecʼlena?” Hiskiại menkeda, “Onko do sạṅgiń disạm, Babel khonko hecʼlena.”

Jirimiạ 1:15

Iń do utạr reakʼ rajosṭiren sanam jạtrenkoń hohoako kana.” Ar rapajko do hecʼkate Jerusalem reakʼ phaṭok duạrko reakʼ bolokʼ horre akoakʼ siṅghạsonko bạisạua. Ar onko do ona beṛhaeteakʼ pạcri ar Jihudạ reakʼ sanam nagrahako esetʼ ạcura.

Jirimiạ 16:6

Niạ disạmren huḍiń hapṛakʼ sanamgeko gujukʼa. Okoehõ onko do bako topakoa, onko lạgitʼ do bako homor halaṅa ar onko lạgitʼ akoakʼ hoṛmo hõ bako getʼ cirạitakoa, ar bohokʼ hõ bako hoyo poṭorokʼa.

Jirimiạ 2:15

Dhạcri kul doko hạnḍrạukʼ kana: uni upạrteko hạnḍrạukʼ kana. Onko do uniyakʼ disạmko ujạṛakada; ar uniyakʼ nagrahako doko ḍahao marao akada, onate onare do celege bạnukʼkoa.

Jirimiạ 31:10

“E Jạt jạtrenko, ińakʼ katha ańjompe; ar sạṅgiń disạmkore niạ katha lại jạhirpe, ‘okoe do Israelkoe chirchạturletʼko uni do onkoe jarwakoa ar gukʼpiko leka acʼakʼ palkoe rukhiyạitaea.’

Jirimiạ 39:1

Jerusalem do nonka leka dokhol hoylena. Jihudạren Sedekiạwakʼ rajokʼ areakʼ bochor reakʼ gelakʼ candore Babelren raj Nebukadnesar do acʼren sanam lạṛhại phạdkoante Jerusalem upạrte hecʼkate nagrahae gherao esetʼkeda.

Jirimiạ 4:17

Khetren pahradarko leka onko do Jerusalemko gherao eseda, ente uni do iń upạrteye hul akada. Iń Probhu Isorge noa katha doń meneda.

Jirimiạ 5:15

Probhu Isore meneda, “E Israel jạtrenko, am upạrte sạṅgiń disạm khon mitʼ jạtrenkoń ạgukoa. Onko do sedae jugren ṭikạu akan jạtrenko kanako; onko hoṛkoakʼ pạrsi do bape baḍaea ar onkoakʼ katha hõ bape bujhạu daṛeakʼa.

Jirimiạ 5:6

Ona iạte bir khon mitʼṭen dhạcri kul do oḍok hecʼkate onkoe gocʼkoa. Ar hahaṅkarren mitʼṭen hunḍạr doe maraokoa ar onkoakʼ nagraha ṭhen mitʼṭen tạrupʼ do tãṛãkʼ akane tahena. Ar jãhãege onḍe khonko oḍokokʼ onko doe or cirạkoa, ente onkoakʼ ghạṭ do ḍhergea ar bạṛicʼ horte calakʼ reakʼ ghoṭna hõ maraṅgetakoa.

Jirimiạ 50:2

“Ape do jạt jạtrenko ṭhen porcarpe ar lại jạhirpe, nisạn teṅgoepe ar lại jạhirpe. Danaṅ do cetʼge alope dohoya, bickom menpe, ‘eṭakʼko do Babelko ạidạrijoṅa; Bakʼal deboda doe lajao ocokʼa, Merodok debota doe chaka chun ocokʼa. Babelren boṅga murhutʼko doko lajao ocokʼa ar uniren boṅga muṭhạnko hõko chaka chunokʼa.’

Jirimiạ 6:18

Onate E jạt jạtrenko, ańjompe; ińren hoṛkoakʼ oka hoyokʼ ona ạribạndhipe.

Jirimiạ 6:19

E pirthimi, ańjomme, iń do hoṛko cetanre muhiniń paṛao ocoya; ona do onkoakʼ hudis joṅ reakʼ joge hoyokʼa, ente ińakʼ katha do bako ańjomleda ar ińakʼ ạn-ạri hõko nihạ̃t giḍiakada.

Jirimiạ 6:22

Probhu Isor do noa kathae meneda, “Ńelpe, utạr disạm khon mitʼ dol maraṅ lạṛhại phạdko hijukʼkana; pirthimi reakʼ ses simạna khon mitʼ maraṅ jạtrenko udgạu ocokʼkana.

Jirimiạ 6:23

Onko ṭhen do akʼ sar ar borlom menakʼa; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ onkoakʼ sabad do jalapuri reakʼ hud hud saḍe leka; E Sionren hoponera, onko do amre jhãp em lạgitʼ lạṛhại bir lekako thạrakana.”

Jirimiạ 8:19

Sạṅgiń disạm khon ińren hoṛko do noa rakʼko ańjommeda, “Probhu Isor do cetʼ Sionre bạnuiya? Uniren raj do cetʼ onḍe do bạnuiya?” Probhu Isore roṛ ruạṛkeda, “Onko do onkoren sanam boṅga muṭhạnko ar onkoren eṛe boṅgakote cedakʼko ạṛis ocoyediń kana?”

Jeheskel 21:22

Uniyakʼ jojom ti reakʼ gulibãṭ do paṛao akana Jerusalem lạgitʼ, ona doe lạiyaekana lạṛhại andoṛ rakab lạgitʼ, phaṭok duạrko upạrte sobokʼ bhugạkʼakʼkoe jut aroe lạgitʼ, pinḍhạko upʼ rakab lạgitʼ, ghekʼrao buruńjko benao lạgitʼ.