Jirimiạ 4:14 - সান্তালী বাইবেল

¹⁴ E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Jirimiạ 4:14 Iomraidhean Croise

Sereńko 119:113

Bar monan hoṛko do bạń kusiyakoa, menkhan amakʼ hukum doń dulạṛeda.

Sereńko 51:2

Ińakʼ sanam ghạṭko khon ạrupʼ saphayińme; ińakʼ kại khon sapha utạr kạńme baṛe.

Sereńko 66:18

Ińakʼ ontorre bedhoromiń dohokakʼ khan Probhu do ińakʼ katha ohoe ańjomlea.

Kạhtukko 1:22

“E lelha hoṛko, ape do ar tinạkʼ din apeakʼ lelhatetʼpe dulạṛa? landa dhudhutʼko do ar tinạkʼ din onare rạskạko ńama? Ar bebujko hõ ar tinạkʼ din ạkilko kurudakʼa?

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Jirimiạ 13:27

Iń do amakʼ laṭghaṭ, hinhạukʼ ar nilạjiạ loṭghuṭgeń ńelakada; ṭạnḍi ar buru boṭkocʼre amakʼ hirkhạwakʼ kạmiko hõń ńelakada. Amre do hae hae E Jerusalem! Ar tinạkʼ din besapha akan dom tahena?”

Jirimiạ 17:1

Probhu Isore meneda, “Jihudạ reakʼ kại do mẽṛhẽtʼ kolomte ol akana, hirạ reakʼ surshạtege onkoakʼ ontorre, onkoakʼ pinḍ reakʼ dereńre ol gạḍiạu akana.

Jirimiạ 18:11

“Ona iạte am do Jihudạ ar Jerusalemren hoṛkom metakoa, Probhu Isore meneda, ‘ńelpe, ape lạgitʼ muhin reakʼ iń hudis akada ar ape upạrte mitʼṭecʼ iń goṭa akada. Onate ape do apeakʼ bạṛicʼ hor khon ruạṛokʼte bhageakʼ colonpe ar bhageakʼko kạmipe.’

Jirimiạ 2:22

Am do sạji dakʼtem ạrupʼlenre hõ ar ḍher sạbuntem sạbunlenre hõ enhõ amakʼ ghạṭko reakʼ gabao do iń samaṅre tahengetama. Iń Probhu Isorge noa katha doń meneda.

Jirimiạ 6:19

E pirthimi, ańjomme, iń do hoṛko cetanre muhiniń paṛao ocoya; ona do onkoakʼ hudis joṅ reakʼ joge hoyokʼa, ente ińakʼ katha do bako ańjomleda ar ińakʼ ạn-ạri hõko nihạ̃t giḍiakada.

Jeheskel 18:31

Apeakʼ sanam ghạṭko ape khoniń sạṅgiń giḍikatapea ar apeakʼ mon ar ontor do nãwãte benao rakabtape. Cedakʼpe gujukʼa?

Sakariạ 8:17

ar okoe upạrte hõ bạṛicʼakʼ do alope phundiya ar eṛe goha hõ alope ema. Iń Probhu Isor do noakoń hirkhạwakʼ kana.

Mathae 12:33

“Noa katha do aṅgocpe je, dare bhagege khan jo hõ bhagege hoyokʼa, ar dare bạṛicʼge khan jo hõ bạṛicʼge hoyokʼa; ente jotege dare do oromokʼa.

Luk 11:39

Unre Probhu do uniye metadea, “Ape Phạrusiko do thạri ar bạṭi reakʼ bahre secʼgepe saphayetʼ kana, menkhan apeakʼ bhitritetʼ do laloc ar bạṛicʼte perecʼgetapea.

Johan 13:9

Unre Simon Patrase menkeda, “E Probhu Isor, enḍekhan eken jaṅga moto do alo, ińakʼ ti ar bohokʼ hõ ạbuk tińme.”

Aposkạmi 8:22

Amakʼ dusṭami khon mon ạcurtam ar Probhu Isor ṭhen koejoṅme; enḍekhan amakʼ mon reakʼ noa bạṛicʼ hudis pasere pase uni doe ikạiytam.

Romiko lạgitʼ Pạul Apostolakʼ ciṭhi 1:21

Manwa do uni reakʼakʼko baḍaekatere hõ Isor mente bako mạhimawadea, ar bako gunmanao joharadea. Onkoakʼ hudisjoṅakʼko do ạuṛiyakʼena ar onkoakʼ bebuj ontor do ńutte perecʼ akana.

1 Korinthiko 3:20

Arhõ olakana, “Probhu Isor doe baḍaegea, ạkilankoakʼ sanam hudis bundisko do ạuṛiyakʼgetakoa mente.”

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.