Jirimiạ 4:13 - সান্তালী বাইবেল

¹³ Ńelpe, uni do rimilko lekae oṭaṅ hijukʼkana. Uniyakʼ rãt gạḍiko do bharḍo leka hijukʼkana ar uniren sadomko do pajhaṛ cẽṛẽ khon hõko coṭkargea. Hae, hae, abo do bon jarkharena!

Jirimiạ 4:13 Iomraidhean Croise

2 Samuel 1:23

Jiwetʼ tahenre Sạul ar Jonathan do dulạṛiạ ar bhage hoṛkin tahẽkana; unkin do gujukʼre hõ bạkin begarlena. Unkinakʼ tạpis do pajhaṛ cẽṛẽ khon hõ tạpisge, ar daṛe do dhạcri kul khon hõ bạ̃ṛtige tahẽkana.

Jesaea 13:5

Onko do sạṅgiń disạm khonko hijukʼ kana, onko do pirthimi reakʼ ses simạna khonko rakapʼ hijukʼ kana; Probhu Isor do acʼakʼ edre reakʼ khanḍa bhanḍawante goṭa pirthimi marao lạgitʼe hijukʼ kana.

Jesaea 19:1

Misor disạm babotre Probhu Isorakʼ katha do nonka kana: Ńelpe, Probhu Isor do mitʼṭecʼ coṭkar rimilte Misor disạmteye hijukʼkana. Uni samaṅre Misorren boṅga murhutʼko doko thar tharaokʼa, ar Misorren hoṛ doko hae nisạsokʼa.

Jesaea 3:8

Jerusalem doe tohotʼ akana ar Jihudạ doe bhindạṛ akana, ente unkinakʼ katha ar kạmi do Probhu Isor birudrege hoyokʼkana; unkin do uni samaṅrege uniyakʼ ṭhonok kin nihạ̃tetʼ akada.

Jesaea 5:28

Onkoakʼ sar do dhargetakoa, onkoakʼ akʼ do ṭuniạuge menakʼtakoa; onkoren sadomkoakʼ khurạ do cok muki dhiri leka jhalkaokʼ kana, ar onkoakʼ rãt gạḍiko reakʼ pạ̃ihạ̃ko do hoe bharḍo leka.

Jesaea 66:15

Ńelpe, Probhu Isor do seṅgelteye hijukʼa ar uniyakʼ rãt gạḍiko do hoe bharḍo lekage hijukʼa. Unre uni do acʼakʼ edreye sodortaea, uniyakʼ eger do seṅgel lepʼ leka sodorokʼa.

Jirimiạ 10:19

Hae, ińakʼ jokhom do! One okaṭakʼ do baṅ bogekʼtiń! Enhõ nijạteń menjoṅkana, “Noa do ińakʼ rog kana, noa do sahaotege hoyokʼtińạ.”

Jirimiạ 4:12

Ińakʼ hukumgete hijukʼkana ar ona hoe reakʼ daṛe do ḍhergea. Ar iń do nonkage onko upạrte ińakʼ bicạr iń jạhira.”

Jirimiạ 4:31

Mitʼṭen maejiuakʼ bedonokʼ reakʼ aṛaṅ leka, pạhil hopone janamokʼ reakʼ bedon leka Sionren hoponerawakʼ rakʼ iń ańjomakada. Uni do sahẽtʼ ńam lạgitʼe ahkaokʼ kana ar ti tiạrkateye meneda, “Hae iń doń acetokʼ kana, khũniyạhiko do ińko seseń kana.”

Jirimiạ 46:18

Phạdkoren Probhu Isor doe lại jạhiretʼkana, “Iń ńutumteń kiriạkʼ kana, nonkan mitʼ hoṛe hijukʼa okoe do buruko tala reakʼ Tabor leka, Jalapuri aṛe reakʼ Karmel leka.

Jirimiạ 48:40

Probhu Isore meneda, “Ńelpe, mitʼṭen hoṛ do pajhaṛ cẽṛẽ lekae ạphir hijukʼkana ar Moab upạrte acʼakʼ phạ̃kṛạ̃kʼe lap lapa akatʼtaea.

Jirimiạ 49:22

Ńelpe, onkoren bạiri do pajhaṛ leka coṭteye uḍạukʼa ar Bosra cetanre phạ̃kṛạ̃kʼe lap lapaete sã sãye pheḍ hijukʼa. Enhilokʼ Edomren lạṛhại phạdkoakʼ mon do bedonokʼkan maejiuakʼ mon leka hoyokʼtakoa.

Jirimiạ 6:23

Onko ṭhen do akʼ sar ar borlom menakʼa; onko do kurmutạha ar bin dayakʼ hoṛ kanako. Sadomte decʼ hijukʼ jokhecʼ onkoakʼ sabad do jalapuri reakʼ hud hud saḍe leka; E Sionren hoponera, onko do amre jhãp em lạgitʼ lạṛhại bir lekako thạrakana.”

Jirimiạ 9:19

Sion khon jare jare ańjomokʼ kana, “Abo dobon jarkhar utạrena! Ar ạḍitetʼ bon lajao ocoakana! Aboakʼ oṛakʼ duạr do marao utạr akana, ar onatege aboakʼ disạm do bạgiyakʼ hoyokʼtabona.”

Rak̕joṅ 4:19

Abo okoeko lagayetʼ bon tahẽkan onko do pajhaṛ khon hõ coṭkargeko tahẽkana; onko do burukoreko laga baṛayetʼ bon tahẽkana ar hahaṅkarre abo lạgitʼko tãṛãkʼkokʼ kan tahẽkana.

Jeheskel 26:10

Uniren sadomko do nunạkʼko saṅgeya je, onkoakʼ uḍiạu dhuṛite am dom topa utạrokʼa. Ar rạputʼ bhit talate hoṛko cetʼleka nagrahateko bolokʼ onkage uni do tinre lạṛhại sadomko, sagaṛ gạḍiko ar rãt gạḍikoante amakʼ phaṭok duạrteye bolokʼa unre onako reakʼ sabadte amakʼ pạcri bhit do daldalaokʼa.

Jeheskel 38:9

Amren sanam lạṛhại phạdko ar am sãoten ḍher jạtrenko do ona disạm cetanre jhãp em lạgitʼ hoe bharḍo lekako laha idikʼa; ar ape do rimil leka disạmpe chạplạu eseda.

Daniel 11:40

“Mucạtʼ oktere dạkhinren raj do uni tulucʼe ropokʼa; ar utạrren raj do rãt gạḍiko, aswariko ar ḍher jahajante uni upạrte hoe bharḍo lekae hijukʼa. Uni do aema disạmko cetanre jhãpe ema ar banbạsi lekae ạtu saphakoa.

Daniel 7:4

Pạhilicʼ doe tahẽkana dhạcri kul leka ar uniyakʼ do cẽṛẽ leka phạ̃kṛạ̃kʼ tahẽkantaea. Ar ńel ńeltege uniyakʼ phạ̃kṛạ̃kʼkin do or chaḍaoena ar uni do ot khon cetanteye rakapʼ ocoyena. Unre uni do manwa leka banar jaṅgateye teṅgoyena ar manwawakʼ ontore emocoyena.

Hosea 8:1

“Am do siṅgạ oroṅme. Probhu Isorren hoṛko upạrte bạiri do pajhaṛ cẽṛẽ lekae hijukʼkana, ente hoṛko do iń emakʼ bondobos reakʼko bebatao akada ar ińakʼ ạn-ạri upạrteko hul akada.

Mikạ 2:4

Enhilokʼ do maraṅ homor halaṅge hoyokʼa ar noa duk reakʼ sereń hoyokʼa. Ale dole marao utạr akana; ale jạtrenkoakʼ sompotti do recʼidi ocoakana. Probhu Isor do ale ṭhen khon onae idi akada. Aleakʼ khet-baṛge do bepạtiạrankoe emakawatʼkoa.”

Nạhum 1:3

Probhu Isor do usạrate bae edrekʼa ar daṛete hõe maraṅgea. Uni do begor sạjạite bae aṛakʼa. Uniyakʼ hor do birbão ar hoere tahenkana, ar rimil do uniyakʼ jaṅga reakʼ dhuṛikana.

Habakkuk 1:8

Onkoren sadomko do hunḍạr khon hõ usạrateko calakʼa, ar ạyupʼ jokhecʼ do hunḍạr khon hõko botorangea. Onkoren aswariko do sạṅgiń khon tạpisteko hijukʼa; ar onko do jojom lạgitʼ pajhạṛ lekako ạphir hijukʼkana.

Sakariạ 6:1

Iń do arhõń beṅgetʼketʼ khan ponea rãt gạḍiń ńelkeda. Onako do barea buru tala khon oḍok hijukʼkan tahẽkana. Ar ona burukin do tama reakʼ tahẽkana.

Mathae 24:30

Unre Manwa Hopon reakʼ cinhạ do sermare ńelokʼa. Ar dhạrtiren sanam gusṭirenko do dukte koṛamko ceṭagokʼa. Onko do Manwa Hopon daṛe ar ṭhonokante rimilte hijukʼkanko ńelea.

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.

Johan sodor 1:7

Ńelpe, uni do rimilteye hijukʼkana. Ar mitʼke mitʼ mẽtʼ do uniko ńelea; ar okoeko sobokʼ bhugạkʼlede onko hõ uniko ńelea ar dhạrtiren sanam jạtrenko do uni iạte koṛamko ceṭagokʼa. Ar onage hoyokʼ ma baṛe, Amen.