Jirimiạ 39:8 - সান্তালী বাইবেল

⁸ Babelrenko do rajakʼ oṛakʼre ar hoṛkoakʼ oṛakʼkore seṅgelko jeretʼada ar Jerusalem reakʼ pạcriko rạputʼkeda.

Jirimiạ 39:8 Iomraidhean Croise

2 Rapajko 25:8

Babelren raj Nebukadnesar rajokʼ gel areyakʼ bochor reakʼ mõṛẽakʼ cando reakʼ eaeyakʼ dinre rajren rurukhiyạ dolren subedar Nebusaradan do Jerusalemteye hecʼena.

2 Bõsbudạ 36:19

Uniren hoṛko do Isorakʼ oṛakʼko jeretʼada ar Jerusalem reakʼ pạcriko rạputʼkeda. Onko do onḍenakʼ lạṭu lạṭu joto oṛakʼko jeretʼada ar sanam damanakʼ jinisko nosṭo giḍikada.

Nehemiạ 1:3

Onko doko lạiyadińa, “Bondi dosa khon okoe do disạmteko ruạṛ senakan onko do maraṅ harkhet ar henostare menakʼkoa. Jerusalem reakʼ pạcri do rạputʼ akana ar ona reakʼ phaṭok duạrko hõ seṅgelteko jeretʼ akawada.”

Sereńko 79:7

ente onkoge Jakobren bõs doko caba akatʼkoa ar uniyakʼ tahen ṭhạ̃i hõko marao akada.

Jesaea 5:9

Ińakʼ luturte phạdkoren Probhu Isorakʼ niạ kathań ańjomakada, “Sạrige maraṅ maraṅ oṛakʼko do marao utạrokʼa, ar napae napae dolanre do celege bako tahena.

Jirimiạ 17:27

Menkhan ińakʼ katha bape ańjom ar jirạukʼmãhã iń ńutumte bape begar dohoy ar Jerusalem phaṭok duạrte enhilokʼ bojhakope ader, enḍekhan Jerusalem reakʼ sanam phaṭok duạrkore seṅgeliń lagaoa ar ona do Jerusalem reakʼ dolankoe joma. Ona seṅgel do okoehõ bako ĩṛicʼ daṛeakʼa.’ ”

Jirimiạ 21:10

Iń do niạ nagraharen bhalạiyicʼ doń baṅkana menkhan loksan lạgitʼge monreń goṭa dohoakada. Babelren rajakʼ tire noa do emogokʼa, uni do seṅgelteye ḍahao maraoa.’

Jirimiạ 32:29

Babelrenko do nagrahate bolokate onare seṅgelko junḍiyakʼa. Ar okako oṛakʼ reakʼ chat cetanre hoṛko do Bakʼal debota ńutumte dhupko jeretʼetʼ tahẽkan ar eṭakʼ debotako ńutumte coḍorkate ińko khĩs ocoyedeń tahẽkan onko do ona oṛakʼ-duạr sudhạ nagrahako jeretʼ giḍikakʼa.

Jirimiạ 34:22

Iń do onkoń hukumakoa ar niạ nagrahategeń ruạṛ ạgukoa. Onko do noa nagraha upạrteko lạṛhạiya arko hatjona ar onako jeretʼ giḍikakʼa. Iń do Jihudạ nagrahakoń marao ar ujạṛakʼ iń hoeocoya.”

Jirimiạ 37:10

Okoe Babelren lạṛhại phạdko apeko akromonetʼpe onko jodi sanamkope bhagaoko ar onkoren eken hạ̃n akan hoṛko tạmbureko tahen, enḍekhan onkoge oḍok hecʼkate niạ nagraha do seṅgelteko ḍahao maraoa.

Jirimiạ 38:18

Menkhan Babel rajren subedar ṭhen bhagao ocokʼ reakʼ bam aṅgoc enḍekhan noa nagraha do Babelrenkoakʼ tire soprotokʼa ar onko do seṅgelte noako ḍahao maraoa; ar amhõ onkoakʼ ti khon rukhiyạ do bam ńama.’ ”

Jirimiạ 5:10

“Ape do Jerusalem reakʼ darkha bagwan talate sen paromokʼpe ar onako maraope menkhan purạte do alope nosṭo caba utạra. Ona reakʼ dạṛko hese giḍikakʼpe, ente noko do Probhu Isorren doko baṅkana.

Jirimiạ 7:20

Ona iạte Probhu Isor doe meneda, “Ińakʼ edre ar raṅgao do niạ ṭhạ̃i cetanre, manwa ar janwarko cetanre, ṭạnḍi reakʼ dare nạ̃ṛĩko cetanre ar jumi reakʼ phosolko cetanreń paṛao ocoya, ar ona edre do jolokʼtege tahena, baṅge ĩṛĩjokʼa.”

Rak̕joṅ 1:10

Uniren bạiriko do uniyakʼ damanakʼ jinisko joṭetʼ akatʼtaea; boṅgan hoṛ jạtrenko hõ acʼakʼ sonot ṭhạ̃ite bolokʼe ńelakatʼkoa. Noko doko onko hoṛ kangea okoe do amakʼ somajte bolokʼem baronletʼko.

Rak̕joṅ 2:2

Jakobakʼ tahen joto ṭhạ̃ige Probhu Isor doe mohor meṭao akada, uni do cetʼge bae mãyã akawadea. Jihudạ hoponerawakʼ aotan gaṛ hõ acʼakʼ kurkurạukʼ edreteye rạputʼ akada, ar onako do otreye milạu akada. Uniyakʼ rajosṭi ar mukhiyạko doe besonot ocoakatʼkoa.

Rak̕joṅ 2:7

Probhu Isor do uniyakʼ pinḍe nihạ̃t giḍi akada, ar uniyakʼ sonot ṭhạ̃iye dea giḍi akatʼtaea. Uniyakʼ aotan gaṛ reakʼ pạcriko do bạirikoakʼ tireye soprot akada. Porob reakʼ dinko leka bạiriko do Probhu Isorakʼ oṛakʼreko andoṛetʼa.

Jeheskel 16:41

Onko do amakʼ oṛakʼ-duạrko jeredtama ar ḍher maejiuko samaṅre amiń sạjạimea. Nonkate iń do amakʼ laṭghaṭiń mokoń ocoytama; ar amren dulạṛiạko do ṭaka poesa ar bam emakoa.

Jeheskel 23:47

Onko hoṛ do dhiriteko tińkinạ ar tarwaṛeteko makʼ khanḍa khunḍikinạ. Onko do unkinren hoponko ar hoponerako gocʼkoa ar onkoakʼ oṛakʼ-duạrko jeretʼ giḍikatakoa.

Jeheskel 33:21

Bondi dosa reakʼ gelbar bochor reakʼ gelakʼ cando reakʼ mõṛẽakʼ dinre mitʼṭen hoṛ do Jerusalem khone ńir paskaoente iń ṭhen hecʼenteye menkeda, “Bạiriko do nagrahako dokhol akada.”

Amos 2:5

Ar onatege iń do Jihudạ cetanre seṅgeliń kola; ona do Jerusalem reakʼ gaṛkoe joma.”

Mikạ 3:12

Onatege Sion do ape iạte khet baṛge lekae cas ocokʼa, ar Jerusalem do dhaṅ dhaserakʼ ḍhipi leka hoyokʼa, ar koejoṅ oṛakʼ reakʼ buru do jhạuạkote dapal esedokʼa.