Jirimiạ 39:5 - সান্তালী বাইবেল

⁵ Menkhan Babelren lạṛhại phạdko do onkoko khudạu idiketʼkote Jerikho reakʼ bilạn ṭạnḍire Sedekiạko sapʼ tiyokʼkedea. Arko sapʼkede khan Hamat disạm reakʼ Riblare Babelren raj Nebukadnesar ṭhenko idikedea. Ar Nebukadnesar raj do uni sạjạiye reakʼe hukumkeda.

Jirimiạ 39:5 Iomraidhean Croise

2 Samuel 8:9

Ar Hamatren raj Toi doe ańjomkeda, Dạud do Hadadeserren goṭa lạṛhại phạdkoe bhagao akatʼkoa.

2 Rapajko 17:24

Asurren raj do Israel hoṛkoakʼ jaega purun lạgitʼ Babel, Kuth, Awa, Hamat ar Sepharwayim khon hoṛko ạgukate Samariạ nagraha ar atokoreye dohoketʼkoa. Ar onko do onako jaegare girobasokʼko ehopʼena.

2 Rapajko 23:33

Pharao Neko do pon ṭon rupạ ar pegel are keji sona khajna lekate Jihudạ disạm cetanreye ladeatʼkoa.

2 Rapajko 25:6

Onko do uniko bondikedea ar Riblate Babelren raj ṭhenko idikedea. Onḍe uni upạrte sạjại reakʼ hukum hoyena.

2 Bõsbudạ 33:11

Onate Probhu Isor do onko upạrte Ạsur rajren subedarkoe ạguketʼkoa. Onko do Manaseko bondikedea ar hoṛmore ạṅkusko lagaoadete pitạl reakʼ sikṛikoteko hạṛi paṭakateko idikedea.

Jesaea 22:3

Amren mukhiyạko do jotoge mitʼ domteko dạṛ pạnḍucʼ akada; ar akʼ begortege onko doko sapʼ ocoakana. Ar amre okoeko sapʼ ocolen, onko do sạṅgińteko dạṛletʼre hõ jotoge mitʼ domteko bondi idi ocoakana.

Jirimiạ 21:7

Ona tayom iń do mahamạri, lạṛhại ar akal khon bańcao tahen Jihudạren Sedekiạ raj, uniren rajkạmiyạko ar niạ nagraharen sanam hoṛ do Babelren raj Nebukadnesar rajakʼ tire ar okoe onkoakʼ gujukʼko khojkan onko bạirikoakʼ tireń soprotkoa. Nebukadnesar do onkoe gocʼkoa; uni do jãhãn daya ar mãyãge onkore bae dohoya. Iń Probhu Isorge noa katha doń meneda.’ ”

Jirimiạ 24:8

“Menkhan noa bạṛicʼ loa, okaṭakʼ do ạḍi bạṛicʼge, one oka baṅ jomogokʼ, onako leka Jihudạren raj Sedekiạ, uniren kạmiyạko ar Jerusalemren okoeko hoṛ do disạmre menakʼko ar Misorre okoeko tahenkan onko sãote do bạṛicʼ iń beohara.

Jirimiạ 38:18

Menkhan Babel rajren subedar ṭhen bhagao ocokʼ reakʼ bam aṅgoc enḍekhan noa nagraha do Babelrenkoakʼ tire soprotokʼa ar onko do seṅgelte noako ḍahao maraoa; ar amhõ onkoakʼ ti khon rukhiyạ do bam ńama.’ ”

Jirimiạ 38:23

Amren sanam bạhuko ar hoponko ar hoponerako do Babelrenko ṭhenko idi ocokʼa. Ar amhõ onkoakʼ ti khon rukhiyạ do bam ńama bickom Babel rajakʼ tirem sapʼ ocokʼa, ar noa nagraha do seṅgelte ḍahao maraokʼa.”

Jirimiạ 4:12

Ińakʼ hukumgete hijukʼkana ar ona hoe reakʼ daṛe do ḍhergea. Ar iń do nonkage onko upạrte ińakʼ bicạr iń jạhira.”

Jirimiạ 44:30

Jihudạren raj Sedekiạ do okoeṭakʼ bạiri goje reakʼe kurumuṭuletʼ uni Babelren raj Nebukadnesarakʼ tire cetʼ lekań soprotlede, ṭhik onkage Misorren Pharao raj Hopra hõ uniren bạirikoakʼ tireń soprotea one okoe do uniyakʼ jiwi hataotae lạgitʼko kurumuṭuyetʼkan.’ ”

Jirimiạ 49:23

Damesek babotre Probhu Isore meneda, “Hamat ar Arpad dokin andmandao akana, ente unkin do bạṛicʼ khoborkin ańjomakada. Unkin dokin as chuṭạu akana, ar haḍak ḍabakokʼkan doreão lekakin hoyakana.

Rak̕joṅ 1:3

Kosṭo ar kajak khaṭaokʼ tayom Jihudạ do sạṅgińteye bondi idi ocoakana. Uni do eṭakʼ jạtrenko talareye girobasokʼ kana; ar okarehõ jirạu do bae ńam akada. Okoe uniko khudạulede onko do uniyakʼ dạrun dukko talatege uniko sapʼ tiyokʼ akadea.

Rak̕joṅ 4:20

Aboakʼ mũ reakʼ sahẽtʼ Probhuren ojokʼicʼ do, onkoakʼ khạnreye sapʼ ocolena; menkhan abo dobon hudisokʼkan tahẽkana uniyakʼ umulre jạt jạtrenko talare bon girobasokʼa.

Jeheskel 23:24

Onko do utạr khon khanḍa bhanḍawante, rãt gạḍikote, sagaṛ gạḍikote ar mitʼ maraṅ phạdante am upạrteko hijukʼa. Onko do maran ar huḍiń ḍhalante bohokʼ aḍokʼ reakʼ ṭupri horokʼkate amko gherao esetʼmea. Ar iń do onkoakʼ tireń soprotmea ar akoakʼ niạm lekako sạjạimea.

Habakkuk 1:7

Onko ńelte hoṛ do ạḍiko botorokʼa. Onko do akotege akoakʼ ạn-ạriko benaojoṅa ar okoe tabere hõ tahen do bako aṅgoca.

Numeri 13:21

Unre onko do senkate Sin hahaṅkar khon ehopʼkate Hamat secʼ Rehob hạbicʼ disạmko ńelkeda.

Josuạ 13:5

Giblikoakʼ elaka, purub secʼ Hermon buru latar Bakʼal-Gad khon Hamat hạbicʼ goṭa Lebanon ar Lebanon khon Misrephot-Mayim hạbicʼ buru elaka, metakʼme Sidonkoakʼ goṭa disạm. Iń apnarge Israelko samaṅ khon onko jotogeń laga ńirkoa. Ar cetʼ lekań hukum akatʼ onkage niạ disạm do sompotti lekate Israelkom emakoa.

Josuạ 4:13

Lạṛhại lạgitʼ pongel hajar hoṛ do khanḍa bhanḍawante Probhu Isor samaṅre lạṛhại lạgitʼ gaḍa paromkate Jerikho reakʼ ṭạnḍireko senena.

Josuạ 5:10

Israelko do ona cando reakʼ gelponakʼ din reakʼ ạyupʼ jokhecʼ Jerikho ṭạnḍi reakʼ Gilgolre bańcaokʼ porobko porobena.

Bikʼcạrko 3:3

Onko jạtrenko doko hoyokʼ kana, Philisṭiko ar onkoren mõṛẽ goṭen raj, Kananrenko ar Sidonrenko ar Hiwiko. Bakʼal-hermon buru khon ehopʼkate Homat hạbicʼ Lebanon reakʼ oka buru ṭoṭhako menakʼ onakorege Hiwiko doko tahenkan tahẽkana.