Jirimiạ 38:6 - সান্তালী বাইবেল

⁶ Unre onko do Jirimiạko sapʼkedea ar rajren hopon Malkiạwakʼ kuńreko bhoraokedea. Noa kuń do pahradarkoakʼ raca talarege tahẽkana. Ar Jirimiạ do baberte tolkate ona kuńreko pheḍkadea. Ona kuńre dakʼ do baṅ, menkhan eken losotʼge tahẽkana; ar Jirimiạ do ona losotʼreye unumokʼkan tahẽkana.

Jirimiạ 38:6 Iomraidhean Croise

Genesis 37:24

Ar ona tayom do kuńreko bhoraokadea. Ona kuń do rohoṛge tahẽkana.

Sereńko 109:5

Onko do bhạlại bodolte bạṛicʼakʼko ladewạń kana, ar dulạṛ bodolteko kurudạń kana.

Sereńko 40:2

Uni doe rakapʼ ạgukedińa sasette perecʼ khạnduṛuṅ khon dalahe losotʼ reakʼ ghaḍlakʼ khonge. Uni do dhiri cetanreye teṅgokedińa ar keṭecʼ hasa cetanreye taṛam ocokedińa.

Sereńko 69:2

Iń do khạndri gheorareń unumokʼ kana, onḍe do ińakʼ teṅgokʼ reakʼ ṭhạ̃ige bạnukʼa. Iń do khạndri dakʼreń paṛao akana; ar ḍubạ dakʼ do iń cetante ạtukʼ kana.

Jirimiạ 32:2

Unre Babel rajren lạṛhại phạdko do Jerusalemko gherao esetʼ akatʼ tahẽkana ar Jirimiạ do raj oṛakʼ reakʼ pahradarkoakʼ racareko bondi akade tahẽkana. Uni do onḍegeye tahẽkana,

Jirimiạ 36:26

Ona bodolte uni do olokʼicʼ Baruk ar Jirimiạ nạbi tạkin sapʼ ạgukin lạgitʼ raj hopon Jirohomel, Asrayelren hopon Sorae ar Abdiyelren hopon Selimi takoye hukumatʼkoa. Menkhan Probhu Isor do unkine oko dohokatʼkinạ.

Jirimiạ 37:16

Ona hajot khana reakʼ ot latar reakʼ mitʼṭecʼ kandhare Jirimiạko dohokadea. Ar uni do onḍe aema dine tahẽyena;

Jirimiạ 37:21

Unre Sedekiạwakʼ hukum iạte Jirimiạ do pahradarkoakʼ racareko dohokadea, ar goṭa nagrahare piṭhạ ạuri cabakʼ hạbicʼ din hilokʼ piṭhạ bekʼnaoko do kulhi khon mitʼṭecʼkate piṭhạko emaekan tahẽkana. Ar nonkate Jirimiạ do pahradarkoakʼ racaregeye tahẽyena.

Jirimiạ 38:13

Unre onko do baberte kuń khon uniko or rakapʼkedea. Inạ tayom Jirimiạ do pahradarkoakʼ racaregeye tahẽyena.

Jirimiạ 38:22

Jihudạ rajakʼ oṛakʼren sarecʼ maejiuko do Babel rajren subedar ṭhenko idi ocokʼa. Onko maejiuko do amko metama, ‘amren gateko do bạṛicʼ horteko idiakatʼmea, ar amko bhagao ocoakatʼmea. Losotʼre jaṅga do thạli akantama; ar amren gateko do amko bạgi akatʼmea.’

Daniel 6:16

Sesre raj doe hukumkeda ar hoṛ do senkate Danielko sapʼkedea ar dhạcri kulakʼ khandṛaṅreko khadlekedea. Unre raj do Daniele metadea, “Jaoge amren okoeṭakʼ Isorem sewawae kan unige am doe rukhiyạmema.”

Sakariạ 9:11

E Jerusalem, am lạgitʼ ińakʼ bondobos bạisạu reakʼ mãyãm iạte amren bondi akanko do ona rohoṛ khorloṅ khoniń chaḍaokoa.

Aposkạmi 16:24

Ar daroga do noa hukume ńamketʼ khan hajot reakʼ bhitri kandhareye idiketʼkinạ ar hạṛi paṭate jaṅgae tolkatʼ tạkina.

Ibriko 10:36

Ape do sombhuri reakʼ jạruṛ menakʼtapea, jemon Isorakʼ sana leka kạmi purạukate okae gokʼ akawatʼpe ona jemonpe ńam;