Jirimiạ 38:2 - সান্তালী বাইবেল

² Jirimiạ doe menetʼ tahẽkana, “Probhu Isor do noa kathae meneda, ‘jãhãege noa nagrahareye tahen uni do lạṛhại talate ar baṅkhan akalte ar baṅkhan mahamạriteye gujukʼa, menkhan okoe Babelrenko ṭhene calakʼ uni do bae gujukʼa. Uni do jãhãlekate acʼakʼ jiwiye rukhiyạitaea.

Jirimiạ 38:2 Iomraidhean Croise

Jirimiạ 21:4

Israelren Probhu Isor do niạ kathae meneda, ‘Babelren raj ar okoe Babelrenko do pạcri bahreteko gherao esetʼ akatʼme onko upạrte lạṛhại lạgitʼ amakʼ tire okako khanḍa bhanḍa menakʼ onako doń ạcur ruạṛtapea ar nagraha talareń samṭao jarwaea.

Jirimiạ 24:8

“Menkhan noa bạṛicʼ loa, okaṭakʼ do ạḍi bạṛicʼge, one oka baṅ jomogokʼ, onako leka Jihudạren raj Sedekiạ, uniren kạmiyạko ar Jerusalemren okoeko hoṛ do disạmre menakʼko ar Misorre okoeko tahenkan onko sãote do bạṛicʼ iń beohara.

Jirimiạ 27:11

Menkhan jãhãe jạtrenko jodi Babel rajakʼ arãṛko gog ar uniren gutiko hoyokʼ enḍekhan onko jạtrenko do akoakʼ disạmreń tahẽ ocoakoa jemon onḍeko casbas daṛeakʼa. Iń Probhu Isorge noa katha doń meneda.”

Jirimiạ 27:13

Okoe jạtrenko do Babel rajren golam bako hoyokʼ onko upạrte Probhu Isor okae menetʼkan ona leka am ar amren hoṛko do lạṛhại, akal ar mahamạrite cedakʼpe gujukʼa?

Jirimiạ 29:16

Menkhan Dạudakʼ siṅghạsonre duṛupʼ raj reaṅ ar niạ nagraharen sarecʼ sanam hoṛko reaṅ, metakʼme apeakʼ disạmren hoṛko okoe do ape sãote bako bondi ocolen onko sanamko reaṅ Probhu Isor doe meneda,

Jirimiạ 29:18

Iń do lạṛhại, akal ar mahamạrite onkoń khudạu baṛakoa ar dhạrtiren sanam rajosṭirenko ṭhen do botoranko lekań hoyocokoa. Ar okoe jạtrenko talareń laga ńirko onko ṭhen do landa-dhutʼan ar hirkhạwankogeń hoyocokoa. Onko ńelte hoṛko doko ṭhak utạrokʼa ar onkoakʼ ńutum do sarapanakʼ hoyokʼtakoa.

Jirimiạ 34:17

“Ona iạtegeń meneda, ape do bape bataoletʼtińạ, ente aperen jạt bhạiko lạgitʼ ape do chaḍao reakʼ bape lại jạhirleda. Ona iạte ńitokʼ iń do ape lạgitʼ chaḍaokʼ reakʼ iń lại sodoreda; ona chaḍaokʼ do hoyokʼ kana lạṛhại, akal ar mahamạrige. Iń do nonka dosań hoyocoe tapea ona ńelte dhạrtiren sanam rajosṭiren hoṛ do botorteko thar tharaokʼa.

Jirimiạ 39:18

Iń do khạṭige amiń rukhiyạmea; ar bam gocʼ ocokʼa, bickom jãhãlekatege amakʼ jiwim rukhiyạitama, ente am do ińrem bhorsa akana. Iń Probhu Isorge noa katha doń meneda.’ ”

Jirimiạ 42:17

Noa katha do sạrikana, okoe Misorte senkate girobasokʼ lạgitʼpe goṭa akatʼ onḍe ape do jotoge lạṛhạite, akalte, mahamạritepe gujukʼa; ar oka muhin onko cetanreń paṛao ocoy ona khon onkoren mitʼṭen hoṛ hõ jiwetʼ do bako tahena ar bako paskao daṛeakʼa.’

Jirimiạ 42:22

Onate ńitokʼ baḍaekakʼpe, okaṭakʼ ṭhạ̃ite senkate girobasokʼpe menetʼkan onḍe do lạṛhạite, akalte ar mahamaritepe gujukʼa.”

Jirimiạ 44:13

Iń do cetʼleka Jerusalem iń sạjại akadea, ar okoe Misorreko girobasokʼ kan onko hõ onkage lạṛhại, akal ar mahamạriteń sạjạikoa.

Jirimiạ 45:5

Enḍekhan cekate apnar lạgitʼ maraṅ maraṅakʼko dom asokʼ kana? Ona do alom asokʼa. Disạime, sanam hoṛko cetanre iń do muhin iń ạguiya, menkhan jãhãtegem calakʼ iń do amakʼ jiwiń rukhiyạitama. Iń Probhu Isorge niạ katha doń meneda.’ ”

Jeheskel 14:21

“Ńitokʼ iń Probhu Isorgeń menetʼ kana, iń do tinre Jerusalemren manwa ar janwarko gocʼko lạgitʼ uni upạrte lạṛhại, akal, bir janwarko ar mahamạri noa ponea botoranakʼ sạjạiyiń kola unre tinạkʼ artetʼ bạṛicʼ hoyokʼa!

Jeheskel 6:11

Ona tayom Probhu Isor do ińe metadińạ, “Am do ti thayoeme ar jaṅga do dhap dhapme ar menme, hae hae, Israel jạtrenkoakʼ sanam bạṛicʼakʼ ar hirkhạwakʼko ńutumte, ente onko do lạṛhạite, akalte ar mahamạriteko gujukʼa.

Jeheskel 7:15

“Nagraha bahrere do lạṛhại ar bhitrire do mahamạri ar akal menakʼa; ar okoe bahrereko tahen onko do lạṛhạiteko gujukʼa, ar okoe nagraha bhitrireko tahen onko do akal ar mahamạriteko jom ocokʼa.