Jirimiạ 36:3 - সান্তালী বাইবেল

³ Jihudạren hoṛko cetanre okako muhin paṛao ocoy reakʼ kathań ṭhik dohoakatʼ onko do onako muhin reakʼ katha ańjomkate pasere pase bạṛicʼ hor khonko ruạṛ botejokʼ; ar jemon onkoakʼ ghạṭ ar kạiyiń ikạ daṛeatako.”

Jirimiạ 36:3 Iomraidhean Croise

Nehemiạ 1:9

menkhan iń ṭhenpe ruạṛ hijukʼ ar ińakʼ hukumkope dohoy ar ona lekape kạmi, enḍekhan aperen bondi akan hoṛko dhạrti reakʼ mitʼ mucạtʼreko tahenre hõ iń do onḍe khoniń hạr samṭaokoa ar tahen lạgitʼ okaṭakʼ ṭhạ̃iyiń bachao akawan onḍeń idikoa.’

Sereńko 139:24

Ar ńelme amiń duk ocome nonkan ińakʼ monre menakʼa se baṅa; am do jaejug reakʼ horre ạyurińme.

Jesaea 6:10

Ona tayom uni do arhõe metadińa, “Noko hoṛkoakʼ ontorem ạuṛiyakʼ ocoytakoa, onkoakʼ luturem ṭosa ocoytakoa, ar onkoakʼ mẽtʼ dom kãṛã ocoytakoa. Ar baṅ khan onko do mẽtʼteko ńeńela, luturteko ańjoma, ar ontorreko bujhạua ar kại khon mon ạcurkateko boge ocokʼa.”

Jirimiạ 18:11

“Ona iạte am do Jihudạ ar Jerusalemren hoṛkom metakoa, Probhu Isore meneda, ‘ńelpe, ape lạgitʼ muhin reakʼ iń hudis akada ar ape upạrte mitʼṭecʼ iń goṭa akada. Onate ape do apeakʼ bạṛicʼ hor khon ruạṛokʼte bhageakʼ colonpe ar bhageakʼko kạmipe.’

Jirimiạ 23:14

Ona chaḍa Jerusalemren nạbiko talare do noa botoranakʼ jinisgeń ńelakada, onko do laṭghaṭ ar eṛeyakʼre jionko khemaokana. Onko do sasantaokoakʼ tiko keṭecʼetʼtakoa jemon dusṭạmi khon okoe hõ aloko ruạṛ daṛeakʼ. Onko sanamkoge iń ṭhen do Sodom ar Gomoraren hoṛ lekako hoyakana.

Jirimiạ 24:7

Ar iń do noa baḍae lạgitʼ moniń emakoa je, ińkangeạń Probhu Isor do. Onko do ińren hoṛko hoyokʼa ar iń do onkoren Isorgeń hoyokʼa, ente goṭa ontortege iń ṭhenko ruạṛ hijukʼa.

Jirimiạ 26:3

Hoedaṛeakʼa onko do onako ańjoma ar akoakʼ bạṛicʼ hor khonko ruạṛ hijukʼa. Ar onkoakʼ behokakʼ iạte onko cetanre okaṭakʼ muhin ạgui lạgitʼ iń goṭa akatʼ ona do ar bạń paṛao ocoya.

Jirimiạ 35:15

Iń do ińren sanam gutiko, metakʼme nạbiko aema dhao ape ṭheniń kolletʼkoa. Onkoko metatʼpe tahẽkana, ‘bạṛicʼ hor khon ruạṛpe ar colonko bhageytape; ar debotako sewawako lạgitʼ do alope pańjakoa. Enḍekhan okaṭakʼ disạm do ape ar aperen hapṛamkoń em akatʼpe onḍepe thamgạḍi akanpe tahena.’ Menkhan ape do ińakʼ katha bape moneyada ar ańjom hõ bape ańjomleda.

Jirimiạ 36:7

Pasecʼ onko do Probhu Isor ṭhenko koejoṅa ar akoakʼ bạṛicʼ hor khonko ruạṛ hijukʼa, ente noko hoṛko birudrege Probhu Isor do edre ar khĩs reakʼ kathae roṛakada.”

Jeheskel 12:3

“Onatege E manwa hopon, am do sạṅgińtem bondi idi ocokʼkana ar onkage amakʼ jinisko hõ samṭaotam ar onkoakʼ mẽtʼãhã samaṅte siń marsalrege oḍokokʼme; ar okare menam onḍe khon eṭakʼ jaegate calakʼme. Pasecʼ onko do mitʼṭen huhulkan jạtren hoṛ kanako menteko bujhạu daṛeakʼa.

Jeheskel 18:23

Dusṭạmi hoṛakʼ gujukʼ iạte cetʼ iń doń kusikʼ kana? Bickom tinre uni do acʼakʼ bạṛicʼakʼ hor khon ruạṛkateye bańcaokʼa unrege iń doń kusikʼa.

Sephaniạ 2:3

E disạmren sanam mạ̃hir hoṛko, ape okoe do Probhu Isorakʼ hukum lekape kạmikan, ape do uniyakʼ sanaleka dhoromte ar mạ̃hirte calakʼpe; enḍekhan Probhu Isorakʼ edre reakʼ dinre ape do hoedaṛeakʼa asraype ńama.

Mathae 13:15

Noko hoṛkoakʼ ontor do goṛdho akana ar lutur hõ tepetʼakan takoa, onko do mẽtʼ doko jạpitʼ akatʼtakoa, jemon mẽtʼte aloko ńeńel, luturte aloko ańjom ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Mark 4:12

sonot sostor reakʼ katha leka, ‘ńeńel doko ńeńelgea menkhan bako oroma, ańjom doko ańjomgea, menkhan bako bujhạua. Jemon aloko ạcurokʼ ar alo ikạkʼtako.’”

Luk 20:13

“Unre darkha bagwanren kisạ̃ṛe menkeda, ‘cetʼ iń cekaea? Iń do ińren sadher hopongeń kolea. Hoedaṛeakʼa onko do uniko manotea.’

Aposkạmi 26:20

Damesekre okoe menakʼko pạhilre onko ṭhen, ar ona tayom do Jerusalemrenko ar goṭa Jihudirenko ar boṅgan hoṛ jạtrenko ṭhen hõń porcar akada je, onko do kại khon mon ạcurkate Isor secʼ ruạṛokʼ lek takoa, ar nonkan kạmi lek takoa one okaṭakʼte sạbudokʼ baṅma onko do monko ạcur akada mente.

Aposkạmi 28:27

Noko hoṛakʼ ontor do goṛdho akana, ar lutur hõ tepetʼakan takoa, ar mẽtʼ doko jạpitʼ akada, jemon mẽtʼte aloko ńeńel, luturte aloko ańjom, ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Aposkạmi 3:19

Onate kại khon mon ạcurtape ar Isor secʼ ruạṛokʼpe jemon apeakʼ kạiko meṭaokʼtape;

Dosar Biboron 30:2

Ar onako dinre ape ar aperen hopon ar hoponerako tinre Probhu Isor ṭhenpe ruạṛ hijukʼa ar teheń okako hukumiń emapekan onape dohoyte mon ar ontorte uniyakʼ sana lekape taṛama,

Dosar Biboron 30:8

Unre ape do arhõ Probhu Isorakʼpe bataotaea ar uniyakʼ okako hukum teheń iń emapekan onape manaoa.

Dosar Biboron 5:29

Ińko botorạń ar ińakʼ sanam hukumko dohoy lạgitʼ jaejug onkoakʼ mon baṛe nonkage tahentakoma. Onate onko ar onkoren hoponko do jaejug hạbicʼ bhạlại hoyokʼtakoa.

2 Patras 3:9

Adom hoṛko hudiseda Probhu Isor do acʼakʼ gokʼakʼ purạu lạgitʼe bilomeda, menkhan ona do baṅ. Asokaete uni do ape lạgitʼe soboriyeda, ente jãhãegeye nosṭokʼ do bae khojkana, bickom sanamkoge jemon kại khon monko ạcurtako onageye khojkana.

1 Samuel 7:3

Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”