Jirimiạ 32:8 - সান্তালী বাইবেল

⁸ Unre Probhu Isorakʼ katha leka iń kakaren hopon Hanamel do pahradarkoakʼ racare iń ṭhen hecʼkateye metadińạ, ‘Benjamin ṭoṭhako reakʼ Anathotre ińakʼ oka jumi menakʼ ona do amge hataome. Ona chaḍao ar dokhol reakʼ hok ạidạri do amakʼ kangea onate amge ona do kirińme.’ “Ińiń baḍaekan tahẽkana noa do Probhu Isorakʼ katha kana:

Jirimiạ 32:8 Iomraidhean Croise

1 Rapajko 2:26

Ona tayom raj do Abiạthare metadea, “Am do amakʼ jaega Anatholte ruạṛ calakʼme. Am do gocʼ ocokʼ lek kanam, menkhan ńitokʼ do bạń gocʼmea, ente ińren ạpuń Dạud oktere Probhu Isorakʼ sindukem gokʼ ạguleda ar iń ạpuńakʼ sanamakʼ duk ar kosṭoren bhạgiyạdarem hoylena.”

1 Rapajko 22:25

Mikại roṛ ruạṛkeda, “Am do enhilokʼgem baḍae daṛeakʼa one oka hilokʼ okokʼ lạgitʼ bhitri oṛakʼtem bolokʼa.”

1 Bõsbudạ 6:60

Benjạmin gusṭiren jaegako khon doko emocoyena Geba, Alemet, Onathot ar onako beṛhaeteakʼ janwar ạtiń ṭạnḍiko. Jotote gelpe nagraha ar ato do Kohat bõsrenko talareko hạṭińatʼkoa.

Jirimiạ 1:1

Niạko katha do Hilkiạren hopon Jirimiạwakʼ katha kana. Uni do Benjạmin ṭoṭharen Anathrot atoren naekeko modren mitʼ hoṛe tahẽkana.

Jirimiạ 32:2

Unre Babel rajren lạṛhại phạdko do Jerusalemko gherao esetʼ akatʼ tahẽkana ar Jirimiạ do raj oṛakʼ reakʼ pahradarkoakʼ racareko bondi akade tahẽkana. Uni do onḍegeye tahẽkana,

Jirimiạ 32:25

menkhan E Probhu Isor, Babelrenkoakʼ tire nagraha hatlenre hõ am dom metadiń tahẽkana, iń do jemon rupạte jumiyiń kiriń ar onaren gohakoń dohoko.’ ”

Jirimiạ 32:7

iń kaka Salumren hopon Hanamel do iń ṭhen hecʼkateye mena, ‘Anathotre ińakʼ okaṭakʼ jumi menakʼ ona kirińme, ente sor peṛa lekate ona kiriń reakʼ ạidạri do amakʼge menakʼa.”

Jirimiạ 33:1

Jirimiạ do unhõ pahradarkoakʼ racare bondi akane tahẽkana ar nonkan oktere Probhu Isorakʼ katha do dosar dhao uni ṭhen sodorena,

Jeheskel 12:7

Iń okań hukum ocoyen ona lekage iń doń kạmikeda. Sạṅgińte bondi idi ocokʼ leka ińakʼ jinisko do siń marsalregeń oḍok ạgukeda. Ona tayom ạyupʼ jokhecʼ tite pạcri bhitiń la bhugạkʼkeda. Ar onkoakʼ mẽtʼãhã samaṅrege ińakʼ jinisko do tarenre ladekateń mohnḍayena.

Sakariạ 11:11

Ar enhilokʼge ona do bạtilena, onatege palren dukhiko okoe do ińko tuṅkhi arko talas baṛayediń tahẽkan onkoko baḍaekeda, noako talatege Probhu Isor do kathae roṛetʼkana.

Johan 4:53

Ar inạtege gidrạren apattetʼe doe bujhạukeda, ṭhik ona okterege Jisu doe metade tahẽkana, “Amren gidrạ doe bogeyena.” Unre acʼ ar acʼakʼ gharońjren sanamko do Jisureko pạtiạuena.