Jirimiạ 32:7 - সান্তালী বাইবেল

⁷ iń kaka Salumren hopon Hanamel do iń ṭhen hecʼkateye mena, ‘Anathotre ińakʼ okaṭakʼ jumi menakʼ ona kirińme, ente sor peṛa lekate ona kiriń reakʼ ạidạri do amakʼge menakʼa.”

Jirimiạ 32:7 Iomraidhean Croise

1 Rapajko 14:5

Menkhan Probhu Isor do Ạhiyại metade tahẽkana, “Jerobiamren bạhu do acʼren hopontetʼ reaṅ kulime lạgitʼ am ṭhene hijukʼ kana. Uniren hopontetʼ doe ruạ kạhil akana. Ar am do niạkom roṛ ruạṛaea. Uni do nonḍe hecʼkate eṭakʼ mitʼṭen maejiu menkateye udugokʼa.”

Jirimiạ 1:1

Niạko katha do Hilkiạren hopon Jirimiạwakʼ katha kana. Uni do Benjạmin ṭoṭharen Anathrot atoren naekeko modren mitʼ hoṛe tahẽkana.

Jirimiạ 11:21

Ona iạte Probhu Isor do Anathotren hoṛko reaṅe meneda, “Okoe amakʼ jiwiko sendra baṛayetʼ arko menetʼ, ‘Probhu Isor ńutumte nạbi lekate katha do alope mena, arpe roṛle khan aleakʼ tirepe gujukʼa.’

Jirimiạ 32:6

Unre Jirimiại menleda, “Probhu Isor do iń metadińạ,

Jirimiạ 32:8

Unre Probhu Isorakʼ katha leka iń kakaren hopon Hanamel do pahradarkoakʼ racare iń ṭhen hecʼkateye metadińạ, ‘Benjamin ṭoṭhako reakʼ Anathotre ińakʼ oka jumi menakʼ ona do amge hataome. Ona chaḍao ar dokhol reakʼ hok ạidạri do amakʼ kangea onate amge ona do kirińme.’ “Ińiń baḍaekan tahẽkana noa do Probhu Isorakʼ katha kana:

Levitikus 25:23

“Jaejug lạgitʼ okoeyakʼ jumi hõ baṅ ạkhrińokʼa, ente joto jumi do ińakʼ kana ar iń samaṅre ape do porjạtrenko lekape girobasokʼa.

Levitikus 25:24

Ape mimitʼkoakʼ kiriń akatʼ jumi jemon arhõpe chaḍao ruạṛ daṛeakʼ ona reakʼ bebostape dohokakʼa.

Levitikus 25:25

Aperen jãhãe Israel boeha reṅgecʼ iạte acʼakʼ gharońj reakʼ jumi khon thoṛa hĩse ạkhriń enḍekhan uniren joto khon sorren peṛa hecʼkate ona jumiye chaḍaokataema.

Levitikus 25:34

Menkhan onkoakʼ ato ar nagraha reakʼ janwar ạtiń ṭạnḍiko do bako ạkhriń daṛeakʼa; ona do onkoakʼ jaejug reakʼ sompotti kana.

Levitikus 25:49

Ona chaḍa hoponba se maraṅba se kaka goṅgo boeha se bõsren nonkan jãhãege uni sãote uniyakʼ mãyãm reakʼ ṭan menakʼtae unihõ uniye chaḍao daṛeaea. Ar acʼteye kulạu juṛạu daṛeakʼ khan uni do apnarte hõe chaḍao daṛeakʼa.