Jirimiạ 32:44 - সান্তালী বাইবেল

⁴⁴ Benjạmin ṭoṭhare, Jerusalem beṛhaeteakʼ ṭoṭhare, Jihudạ ar Negeb reakʼ sanam ato ar nagrahakore ar usul-copotʼ buru ṭoṭha reakʼ sanam ato ar nagraha reakʼ jumiko kirińokʼa, dolelre suhikʼa ar mohor chapakʼ hoyokʼa ar gohakoko dohokʼa, ente iń do onkoakʼ lahateakʼ dosań ạgu ruạṛtakoa. Iń Probhu Isorge noa katha doń meneda.”

Jirimiạ 32:44 Iomraidhean Croise

Jesaea 44:26

Menkhan iń do ińren gutikoakʼ kathań jo baha ocoya ar ińren goḍetkoakʼ kathań purạua. Iń do Jerusalem reaṅ doń mena, ‘onḍe do hoṛko girobasokʼa,’ ar Jihudạ nagrahako reaṅ doń mena, ‘onako do arhõ teṅgo ruạṛokʼa.’ Ar disạm reakʼ maraokʼ akanakʼko do arhõń teṅgo ruạṛa.

Jirimiạ 13:19

Negeb reakʼ nagrahakote bolokʼ reakʼ hor do bondokʼa ar onḍe do okoehõ bako bolo daṛeakʼa. Jihudạren sanam hoṛ do bondikateko idi ocokʼa, ar sanamgeko idi ocokʼa.’ ”

Jirimiạ 17:26

Jihudạ reakʼ nagrahako ar Jerusalem beṛhaeteakʼ atoko khon Benjạmin reakʼ ṭoṭha khon ar usul copotʼ buru ṭoṭhako khon ar Negeb khon hoṛko hijukʼa ar Probhu Isorakʼ oṛakʼre jeredokʼ samaṅokʼakʼ, janwar samaṅokʼakʼ, anaj samaṅokʼakʼ, dhudhup ar suluk samaṅokʼakʼ reakʼ jinisko ạguiya.

Jirimiạ 30:18

Probhu Isore meneda, “Jakobakʼ bõsren hoṛkoakʼ dosa doń ruạṛtakoa ar onko cetanre dayań uduga. Nagraha do ona dhaṅdhaser cetanre arhõ benao ruạṛokʼa ar raj oṛakʼ do lahateakʼ ṭhạ̃ire teṅgo akae tahena.

Jirimiạ 30:3

ente nonkan dinko hijukʼkana tinre iń do ińren hoṛ Israel ar Jihudạ reakʼ dosań ạgu ruạṛa ar okaṭakʼ disạm do onkoren hapṛamkoń ematʼko tahẽkan ona disạmre iń do onkoń ruạṛ ạgukoa, ar ona do onkoakʼ dokholre tahena.”

Jirimiạ 31:23

Israelren Isor phạdkoren Probhui meneda, “Bondi dosa khon tinre hoṛkoń ruạṛ ạgukoa unre Jihudạ disạm ar ona nagraharen hoṛ do arhõko mena, ‘E dhoromte perecʼ tahen ṭhạ̃i, E sonot buru, Probhu Isor do ame bhoramma.’

Jirimiạ 32:10

Iń do dolelreń suhiyada, ariń mohor chapada ar gohako hõń dohoketʼkoa ar tulạte ona rupạń soṅadea.

Jirimiạ 32:37

ińakʼ khĩs ar jolokʼkan edre iạte okako disạmre onkoń sạṅgiń giḍiletʼko onḍe khon khạṭigeń jarwakoa. Ar noa ṭhạ̃iteń ruạṛ ạgukoa ar khạtirjomań girobas ocokoa.

Jirimiạ 33:13

Usul ar copotʼ buru ṭoṭha reakʼ sanam ato ar nagrahakore, Benjạmin ṭoṭhakore, Jerusalem beṛhaete ar Jihudạ ar Negeb reakʼ sanam ato ar nagrahakore bhiḍi gukʼpiko do akoren bhiḍiko lekha lekhateko chaṛ sạ̃itạukoa. Iń Probhu Isorge noa katha doń meneda.”

Jirimiạ 33:26

enḍekhan Jakob ar ińren guti Dạud bõsrenko hõń nihạ̃t giḍikakoa ar Abraham, Isạhak ar Jakobakʼ bõsrenko cetanre rajokʼ lạgitʼ Dạud bõsrenko khon mitʼ hoṛ hõ bạń bachaojoṅa. Iń do khạṭige onkoakʼ bhage dosań ruạṛkatakoa ariń mãyãwakoa.”

Jirimiạ 33:7

Iń do Jihudạ ar Israelren hoṛko bondi dosa khoniń ruạṛ ạgukoa ar onkoakʼ disạm do arhõ lahate lekań benao ruạṛa.

Obodiạ 1:19

Negebre tahenkan Israelrenko do Esaoakʼ buruko dokhol joṅa ar latar buru ṭoṭharen hoṛ do Philisṭikoakʼ disạmko ạidạri joṅa. Onko do Ephrayim ar Samariạ reakʼ ṭhạ̃iko dokhol joṅa ar Benjạmin Gilead ṭoṭhako ạidạri joṅa.

Obodiạ 1:20

Bondi dosare tahen Israelko do hecʼkate Sarephat hạbicʼ Kananikoakʼ disạmko ạidạri joṅa; ar bondi dosare tahẽkan Jerusalemren hoṛ okoe do Sepharatre menakʼko onko do hecʼkate Negeb reakʼ atoko ạidạri joṅa.

Sephaniạ 2:7

Onako ṭoṭha do Jihudi bõsren sarecʼkoakʼ ạidạrire tahena; onḍe onko do ạtiń reakʼ ṭhạ̃iko ńama. Ar ạyupʼ jokhecʼ do Askelonakʼ oṛakʼreko giticʼa. Onkoren Probhu Isor do onkoe ńel todarotkoa; ar lahate lekae ruạṛkatakoa.

Sakariạ 7:7

Jerusalem ar ona beṛhaeteakʼ nagrahakore tinre hoṛko girobasokʼ kan tahẽkana ar tinre ona reakʼ dosa bhage tahẽkana ar Negeb ar pạchim reakʼ latar buru ṭoṭhakore hoṛko tahẽkana unrehõ Probhu Isorakʼ noako katha do lahaten nạbiko hoteteye roṛlena.’ ”