Jirimiạ 32:41 - সান্তালী বাইবেল

⁴¹ Iń do kusi monte onkoń bhạlạikoa ar ińakʼ goṭa mon ar ontorte niạ disạmre khạṭige onko do cara lekań rohoekoa.

Jirimiạ 32:41 Iomraidhean Croise

Sereńko 80:8

Am do mitʼṭen darkha nạ̃ṛĩ leka Misor disạm khonem uṭhạu ạguakatʼlea; ar am do eṭakʼ jạtrenkom laga ńirketʼkote onḍem rohoeketʼlea.

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 62:4

Onko do “Bạgi akadeyicʼ ” ardo bako metama se amakʼ disạm reakʼ ńutum “Ujạṛakʼ do” bako metakʼa, bickom am do “Ińren dulạṛiạ” mentem hoho ocokʼa, ar amakʼ disạm do “Baplayicʼe” ńum ocokʼa, ente Probhu Isor do am iạteye kusikʼa ar amakʼ disạm reakʼ do bapla hoyokʼa.

Jesaea 62:5

Cetʼleka mitʼṭen juạn koṛa do mitʼṭen kũạri kuṛiye baplaye onkage amren hoṛ do amko baplamea; ar cetʼleka jãwãe koṛa do bạhu kuṛi iạteye rạskạkʼ onkage Isor hõ am iạteye rạskạkʼa.

Jesaea 65:19

Iń do Jerusalem iạteń rạskạkʼa ar ińren hoṛko iạteń kusikʼa; ona talare ar jãhãn rakʼjoṅ do baṅ ańjomokʼa.

Jirimiạ 18:9

Ar jãhãtis jãhã jạtrenko se jãhã rajosṭiń benao ruạṛ ar rohoe reakʼ kathań lại jạhir lekhan ar onko jạtrenko do ińakʼ mẽtʼre bạṛicʼakʼko kạmi ar ińakʼ kathako bako ańjom, enḍekhan onko oka bhạlạiko reakʼ iń hudisletʼ ona bhạlại iạteń kastaokʼa.’

Jirimiạ 24:6

Iń do bhạlạiko lạgitʼge onkoń ńel todarotkoa ar noa disạmteń ạgu ruạṛkoa. Onko doń benao rakapʼkoa, ar bạń dhaṅdhaserkoa; onko doń rohoekoa, ar bạń or totʼ giḍikoa.

Jirimiạ 31:28

Cetʼleka onkoń or totʼko, ariń rạputʼ giḍiko ariń lebda giḍikako ar onko cetanre ḍahao marao ar muhin ạgui reakʼ nońjoriń doholetʼ onkage onko benao rakapʼko ar cara leka rohoe aroko secʼhõ nońjoriń dohoyeda.

Jeheskel 36:36

Unre ape beṛhaete jiwetʼ tahen jạt jạtrenko baḍae daṛeakʼa, iń Probhu Isorge dhaṅ dhaserakʼko arhõń benao aro akada ar ujạṛakʼ ṭhạ̃ikore arhõ darekoń rohoe akada. Iń Probhu Isorge noa katha doń menakada ar ińge onań onkaea.’ ”

Hosea 14:5

Israel ṭhen do sisir dakʼ lekageń hoyokʼa; uni do Kiyạ baha lekae bahakʼa. Lebanon reakʼ debdạru dare leka uni do acʼakʼ rehetʼko latar secʼe pheḍtaea.

Amos 9:15

Israelko do akoakʼ disạmre dare lekań rohoekoa; okaṭakʼ disạmiń em akawatʼko onḍe khon onko do ar tishõ bako or totʼ giḍi ocokʼa.” Noa katha do aperen Probhu Isorgeye meneda.

Mikạ 7:18

Am lekan Isor do ar celehõ bạnuiya okoe do jiwetʼ tahen hoṛkoakʼ kại ar behokakʼe ikạyetʼtako. Am do jaejug edre bam sapʼ dohoya bickom amakʼ asambheṛ dulạṛem udugte rạskạm bujhạueda.

Sephaniạ 3:17

Amren Probhu Isor do amrege menaea, ar rurukhiyạme lạgitʼ daṛe menakʼgetaea. Uni do am reaṅ ạḍiye rạskạkʼa ar uniyakʼ khạndri dulạṛ reakʼ tirpitokʼte uni doe thir hapekʼa. Ar am reaṅ rạskạteye sereńa.”

Dosar Biboron 28:63

Ar okaṭakʼ rạskạte Probhu Isore bhạlại akatʼpe ar aperen hoṛkoakʼ lekhae saṅge ocoakatʼtape ona reakʼ rạskạtege uni doe marao caba utạrpea. Ar okaṭakʼ disạmpe dokhol lạgidokʼkan ona disạm khon rehetʼ sudhạpe totʼ giḍi ocokʼa.

Dosar Biboron 30:9

“Unre aperen Probhu Isor do sanamakʼteye bhạlạiypea. Uni do kạmikoreye bhorapea ar aperen hopon ar hoponerakoe saṅgekoa, mĩhũ-meromkoe bạḍ ocokoa ar jumi reakʼ phosole ḍher ocoytapea. Aperen hapṛamko cetanre uniyakʼ oka rạskạ tahẽkan ape cetanre hõ ona rạskạ iạtegeye bhạlạiypea.