Jirimiạ 32:2 - সান্তালী বাইবেল

² Unre Babel rajren lạṛhại phạdko do Jerusalemko gherao esetʼ akatʼ tahẽkana ar Jirimiạ do raj oṛakʼ reakʼ pahradarkoakʼ racareko bondi akade tahẽkana. Uni do onḍegeye tahẽkana,

Jirimiạ 32:2 Iomraidhean Croise

2 Rapajko 25:1

Sedekiạwakʼ rajokʼ areyakʼ bochor reakʼ gelakʼ cando reakʼ gelakʼ dinre Babelren raj Nebukadnesar do acʼren sanam lạṛhại phạdkoante Jerusalem upạrte lạṛhại lạgitʼe mohnḍayena. Uni do nagraha bahrereye ḍerayena ar nagraha beṛhaete pinḍhạkoe benao ạcurkeda.

Nehemiạ 3:25

Usạiren hopon Palal do konac reakʼ eṭakʼ aṛeye jut arokeda. Noa hĩs do pahradarkoakʼ bakher raca ṭhenakʼ raj oṛakʼ khon oḍok hecʼ akan usul buruńj samaṅ reakʼ tahẽkana. Ona tayom reakʼ hĩs do Parosren hopon Pedaye jut arokeda ar mundil oṛakʼ reakʼ sapʼ sosorko okoeko do Ophelreko girobasokʼ kan tahẽkan onko do purub secʼ reakʼ dakʼ duạr ar sate oḍokʼ akan buruńj hạbicʼko jut arokeda.

Sereńko 88:8

Ar am do ińren hoṛko iń ṭhen khonem idiakatʼkoa; ar onko ṭhen do hirkhạwạnicʼem hoyoco akadińạ. Iń doń esetʼ akana, ar bạń oḍok hecʼ daṛeakʼ kana;

Jirimiạ 32:3

ente Jihudạ raj Sedekiạ do noa katha menteye bondi ocoledea, “Am do noa katham nạbi akada, Probhu Isore meneda, ‘noa nagraha do Babel rajakʼ tireń soprota ar uni do noae hata.

Jirimiạ 32:8

Unre Probhu Isorakʼ katha leka iń kakaren hopon Hanamel do pahradarkoakʼ racare iń ṭhen hecʼkateye metadińạ, ‘Benjamin ṭoṭhako reakʼ Anathotre ińakʼ oka jumi menakʼ ona do amge hataome. Ona chaḍao ar dokhol reakʼ hok ạidạri do amakʼ kangea onate amge ona do kirińme.’ “Ińiń baḍaekan tahẽkana noa do Probhu Isorakʼ katha kana:

Jirimiạ 33:1

Jirimiạ do unhõ pahradarkoakʼ racare bondi akane tahẽkana ar nonkan oktere Probhu Isorakʼ katha do dosar dhao uni ṭhen sodorena,

Jirimiạ 34:1

Babelren raj Nebukadnesar, ar uniren sanam lạṛhại phạdko ar uni tabe reakʼ sanam rajosṭiko ar jạtrenko tinre Jerusalem ar ona beṛhaeteakʼ nagrahako upạrteko lạṛhạikan tahẽkana unre Israelren Probhu Isor do Jirimiại metadea uni do jemon Jihudạren Sedekiạ raj ṭhen senkateye metae, “Iń Probhu Isorge noa katha doń meneda, noa nagraha do Babel raj ṭheniń soprota ar uni do seṅgelteye ḍahao maraoa.

Jirimiạ 36:5

Ona tayom Jirimiạ do Baruke metadea, “Iń do Probhu Isorakʼ oṛakʼte bolokʼ iń baron ocoakante onḍe do bạń bolo daṛeakʼa.

Jirimiạ 37:15

Ar onko rajkạmiyạko doko raṅgaoente Jirimiạko dalkedea, ar olokʼicʼ Jonathan oṛakʼre idikateko bondi dohokadea; onko do onage hajot khana lekako benao akatʼ tahẽkana.

Jirimiạ 37:21

Unre Sedekiạwakʼ hukum iạte Jirimiạ do pahradarkoakʼ racareko dohokadea, ar goṭa nagrahare piṭhạ ạuri cabakʼ hạbicʼ din hilokʼ piṭhạ bekʼnaoko do kulhi khon mitʼṭecʼkate piṭhạko emaekan tahẽkana. Ar nonkate Jirimiạ do pahradarkoakʼ racaregeye tahẽyena.

Jirimiạ 37:4

Onako oktere Jirimiạ do hoṛko talareye dãṛãnkan tahẽkana, ente unhõ uni do hajotre bae bond ocoakan tahẽkana.

Jirimiạ 38:13

Unre onko do baberte kuń khon uniko or rakapʼkedea. Inạ tayom Jirimiạ do pahradarkoakʼ racaregeye tahẽyena.

Jirimiạ 38:6

Unre onko do Jirimiạko sapʼkedea ar rajren hopon Malkiạwakʼ kuńreko bhoraokedea. Noa kuń do pahradarkoakʼ raca talarege tahẽkana. Ar Jirimiạ do baberte tolkate ona kuńreko pheḍkadea. Ona kuńre dakʼ do baṅ, menkhan eken losotʼge tahẽkana; ar Jirimiạ do ona losotʼreye unumokʼkan tahẽkana.

Mathae 5:12

Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.