Jirimiạ 30:8 - সান্তালী বাইবেল

⁸ “Iń phạdkoren Probhu Isorgeń meneda, enhilokʼ iń do onkoakʼ taren khon arãṛiń rạputʼ giḍikatakoa ar onkoakʼ tolkoń topakʼ giḍikakʼa; bidisiạko ar do golam menkate bako dohokoa.

Jirimiạ 30:8 Iomraidhean Croise

Sereńko 107:14

Ńut, ar kaṛaṅ ńut khon uni doe oḍokketʼkoa; uni do onkoakʼ sikṛiye rạputʼgiḍikatʼtakoa.

Jesaea 10:27

Enhilokʼ onkoakʼ bojha ar arãṛ do apeakʼ taren khon ocogokʼa; arpe moṭa akante ona arãṛ do rạpudokʼtakoa.

Jesaea 14:1

Probhu Isor do Jakobe mãyãwaea; uni do arhõ Israele bachaoea ar onkoakʼ disạmreye duṛubea. Bidisiạ hoṛko do onko sãoteko seledokʼa ar onko do Jakobakʼ bõsrenko tulucʼko midokʼa.

Jesaea 14:25

Ińakʼ disạm talare Ạsurren raj doń rạputʼ gejerea ar ińakʼ buru cetanreń lebetʼ gasmanḍaoea. Unre ińren hoṛko ṭhen khon uniyakʼ arãṛ do sạṅgińokʼa ar onkoakʼ taren khon bojha hõ ocogokʼa.”

Jesaea 14:3

E Israel, oka hilokʼ Probhu Isor do amakʼ harkhet saset khon, amakʼ jala, hamal kạmi ar golam khone rukhiyạmea enhilokʼ am do Babelren raj upạrte nonkage ṭiṭkạri katham roṛa, “Ńelpe, sasantaoicʼ do cetʼlekae cabayena! Uniyakʼ sasantao edre do mucạtʼentaea.

Jesaea 9:4

Midiạnakʼ bhagaokʼ dinre okam cekaletʼ, onkage am dom rạputʼ kaca kucạya ona hamal arãṛ do, one okako gokʼ akatʼ, ar ona ṭheṅgage, one oka doe daletʼko, ar onko jạtrenkoge, okoe do onkoko santaoetʼko.

Jirimiạ 2:20

“Ḍher din laharege am do amakʼ arãṛem rạputʼ giḍi akada ar amakʼ tonolem topakʼ akada; arem meneda, ‘am do bạń sapʼ sorama.’ Am do mimitʼ usul buru ar hạṛiạṛ dare buṭạkore kusumbi leka ombakʼkatem laṭghaṭetʼ kana.

Jirimiạ 25:14

Babelrenko do aema jạtrenko ar maraṅ maraṅ rajkoren golamko hoyokʼa; onkoakʼ kạmiko lekatege iń do kuṛạiyiń emakoa.’ ”

Jirimiạ 27:2

Probhu Isor do uniye metadea, “Am do harta reakʼ phitạ ar kaṭ reakʼ mitʼṭecʼ arãṛ benaokate amakʼ tarenre gogme.

Jirimiạ 27:7

Tinạkʼ din uniyakʼ disạm reakʼ okte baṅ hijukʼ unạkʼ din sanam jạtrenko do uniren hoponko ar uniren goṛomtetʼkoren golamko hoyokʼa; ona tayom aema jạtrenko ar maraṅ maraṅ rapajko do unige akoren golamko benaoea.

Jirimiạ 28:10

Inạ tayom Hananiạ nạbi do Jirimiwakʼ taren reakʼ arãṛe rạputʼkeda.

Jirimiạ 28:13

“Am do senkate Hananiạ metaeme, Probhu Isore meneda, ‘am do kaṭ reakʼ arãṛem rạputʼ giḍiakada menkhan iń do mẽṛhẽtʼ reakʼ arãṛ iń benaoa.

Jirimiạ 28:4

Ona chaḍa iń do Jehoyakim hopon Jihudạren raj Jekoniạ ar Jihudạren eṭakʼ bondiko okoe do Babelteko senakan onko hõ niạ jaegateń ruạṛ ạgukoa, ente Babelren rajakʼ arãṛ doń rạputʼ giḍiytaea. Iń Probhu Isorge niạ katha doń meneda.’ ”

Jeheskel 30:18

Iń do tinre Misor reakʼ arãṛiń rạputʼ giḍikakʼa unre Tahpanhesre siń do ńutokʼa; onḍe uniyakʼ daṛe reakʼ bạḍạitetʼ hõ cabakʼtaea. Uni do rimilteye danaṅ esedokʼa ar uniyakʼ atoren hoṛko do bondikateko idi ocokʼa.

Jeheskel 34:27

Ona do ṭạnḍi reakʼ darekore joye sapʼ ocoya ar ot do phosole emokʼa; ar onko do apan ạpin jumireko girobasokʼa. Ar onkoakʼ arãṛ tinreń rạputʼ giḍikakʼa ar okoe do golamko benaoletʼko onkoakʼ ti khoniń chaḍao ạgukoa, ar unreko baḍae daṛeakʼa, ińkangeạń Probhu Isor do.

Nạhum 1:13

Ńitokʼ do amakʼ taren khon onkoakʼ arãṛiń rạputʼ giḍikakʼa ar amakʼ tol koń topakʼ giḍikakʼa.”