Jirimiạ 3:9 - সান্তালী বাইবেল

⁹ Uni do loṭghuṭi reakʼ kạmi jãhãnakʼ bae metatʼte dhiriren ar kaṭren debotako sãoteye laṭghaṭketʼte disạme bhonḍkeda.

Jirimiạ 3:9 Iomraidhean Croise

Jesaea 57:3

Probhu Isore meneda, “E gunidar ạimạiren hoponko, laṭghaṭicʼ ar kusumbiren hoponko, dela nonḍe hijukʼpe.

Jesaea 57:6

“E Israel, am do buru nala reakʼ cĩkạ̃ṛ dhirikom sewawakʼ kana; ar onakoge, hẽ onakoge amakʼ sompottikana. Am do onako ṭhengem coḍoreda ar anajkom samaṅeda. Iń do cetʼ niạko ńelte hape akangeń tahena?

Jirimiạ 10:8

Onko jotoge lelha ar bebujan kanako. Onkoren boṅga do kaṭteko benao akana, onko do cetʼ jãhãn sikhnạtko em daṛeakʼa?

Jirimiạ 16:18

Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

Jirimiạ 2:27

Onko do kaṭko metakʼa, ‘amgem ińren ạpuń kana,’ ‘ar amgem ińren eṅgạń kana.’ Onko do iń secʼ khon deako ạcur akatʼtakoa mẽtʼãhã do baṅa; enhõ muhinre doko mena, ‘dela hijukʼme, ale bańcaoleme.”

Jirimiạ 2:7

“Iń do mitʼṭecʼ asecʼ tasecʼ hoyokʼ disạmtegeń ạguletʼpea jemon onḍenakʼ jo ar bhage bhage jiniskope jom daṛeakʼ; menkhan ape do hecʼkate ińakʼ disạmpe bhonḍ akada, ar ińakʼ ạidạriyakʼko do kurudanakʼ jinisgepe hoyocoakada.

Jirimiạ 3:2

“Ceḍe ḍuṅgriko secʼ beṅgetʼ rakapʼkate ńelme. Nonkan jãhãn ṭhạ̃i menakʼa one onḍe bam laṭghaṭ akatʼ? Okoeko tulucʼem laṭghaṭ akatʼ onko lạgitʼ am do hor aṛerem duṛupʼkokʼ kan tahẽkana, hahaṅkarre mitʼṭen Arabi hoṛ lekam tãṛãkʼkokʼ kan tahẽkana. Amakʼ hirkhạwakʼ ar loṭghuṭikote disạm dom bhonḍ akada.

Jeheskel 16:17

Ińakʼ sona-rupạte benaoakʼ gohnako, okaṭakʼ iń ematʼme tahẽkan, ona napae okocʼ gohnakote am lạgitʼ herel boṅga muṭhạnem benaoana ar onako sãotem loṭghuṭiyetʼ tahẽkana.

Jeheskel 23:10

Onko do uniko uluṅkedete uniren koṛa hopon ar kuṛi hoponko recʼkedea ar tarwaṛeteko makʼ gocʼkedea. Ar maejiuko talare uni do mitʼṭecʼ kạhtukgeye hoyena, ente unire bicạrko do purạuena.

Jeheskel 23:21

“E Oholiba, amakʼ juạn oktere Misorren hoṛko do amakʼ bạ̃sko sipotʼetʼ tahẽkana ar amakʼ juạn nunu cuńciko locayetʼ tahẽkana. Onko do amakʼ kũạritetʼko nosṭoketʼtama; ar ńitokʼ am do arhõ onko tulucʼge loṭghuṭi reakʼem khojkana.

Jeheskel 23:3

Huḍiń umer khon unkin do Misor disạmre kusumbi kin tahẽkana. Ona disạmrege hoṛko do unkinakʼ bạ̃sko sapʼetʼ tạkin tahẽkana ar kũạri cuńciko locayetʼ tạkin tahẽkana.

Hosea 2:2

“Aperen gogo nehõraepe, unige ruhedepe, ente ińren bạhu doe baṅkana ar ińhõ uniren jãwãe doń baṅkana. Uni do acʼakʼ mẽtʼãhã khon laloce ocokʼ giḍikakʼma ar acʼakʼ ontor khon laṭghaṭ hõe sạṅgiń giḍikakʼma.

Hosea 4:12

Onko do kaṭren boṅgako ṭhen sopolhako hataoeda ar kaṭ reakʼ ṭheṅga do onkoe hukumakoa, ente loṭghuṭi reakʼ mon do bạṛicʼ horteye idi akatʼkoa; onko do akoren Isor ṭhen bepạtiạranko hoyakana.

Joel 1:19

E Probhu Isor, iń do amgeń hohoam kana, ente ạtiń ṭạnḍiko do seṅgele jomakada ar seṅgel reakʼ lepʼ do ṭạnḍi reakʼ sanam darekoe lo roṅgo akada.

Habakkuk 2:19

Jạt jạtrenko doko mena, ‘Hae uni hoṛ do, one okoe kaṭ do jiwetʼakʼe metakʼkan se jiwi bạnukʼ dhiri do beredokʼe metaekan.’ Onako do cetʼ uni sikhnạte em daṛeaea? Onako ma eken sona ar rupạte muṛạu esetʼ akan; onakore do cetʼ sahẽtʼge bạnukʼa.

Mathae 5:32

Menkhan ińiń metapekana, jãhãe hoṛ laṭghaṭ chaḍa eṭakʼ karonte bạhuttetʼe bạgiye uni doe loṭghuṭi ocoyea, ar jãhãege uni bạgi ocoyicʼ maejiue baplaye, uni hõe loṭghuṭiya.