Jirimiạ 3:6 - সান্তালী বাইবেল

⁶ Josiạ rajakʼ rajokʼ oktere Probhu Isor do ińe metadińạ, “Bạṛicʼakʼ horteye sen akan Israel okae cekakan ona do cetʼem ńel akatʼgea? Uni do sanam usul buruko cetanre ar hạṛiạr dare buṭạkore senkateye laṭghaṭ akada.

Jirimiạ 3:6 Iomraidhean Croise

1 Rapajko 14:23

Ona chaḍa onko do ako lạgitʼ mitʼke mitʼ usul burure ar mitʼke mitʼ dare buṭạkore than boṭkocʼko benaokeda ar sonot dhiri ar Asera muṭhạnko benao joṅana.

2 Bõsbudạ 34:1

Josiạ do irạl bochor umerre raje hoylena ar pe gel mitʼ bochor Jerusalemre raje calaokeda.

Sereńko 106:39

Ar nonkate onko doko bhoṅḍena; akoakʼ kạmiko iạte Probhu Isor ṭhen bepạtiạrkoko hoyena.

Jesaea 57:3

Probhu Isore meneda, “E gunidar ạimạiren hoponko, laṭghaṭicʼ ar kusumbiren hoponko, dela nonḍe hijukʼpe.

Jesaea 57:7

Am do usul buru cetanre amakʼ aṭetʼem beleda, ar amakʼ samaṅokʼ reakʼ porob lạgitʼ onḍegem rakapʼ akana.

Jirimiạ 1:2

Jihudạren raj Amonren hopon Josiạwakʼ rajokʼ gelpe bochor oktere Probhu Isorakʼ katha do Jirimiạ ṭhen sodorena.

Jirimiạ 11:10

Onko do onkoren hapṛamkoakʼ kại secʼgeko ruạṛ akana one okoe do ińakʼ katha ańjom bako rebenlen. Onko do debotako sewawako lạgitʼ onkoko pańjaketʼkoa. Onkoren hapṛamko lạgitʼ oka bondobosiń doholetʼ ona do Israel ar Jihudạren hoṛko bako manaoleda.

Jirimiạ 17:2

Aperen hopon ar hoponerako do mimitʼ hạṛiạṛ dare buṭạkore ar usul buruko reakʼ than boṭkocʼko ar Asera khunṭiko disạyetʼkana.

Jirimiạ 3:8

Bạṛicʼ horte senakan Israel do bapag doleliń emade tahẽkana ar sanam lekan laṭghaṭ iạte uniń sạṅgiń giḍiledea. Menkhan iń doń ńelkeda uniren bepạtiạricʼ boeha kuṛi Jihudạ hõ jãhãn botorge bạnukʼtaea; uni hõ senkateye loṭghoṭikeda.

Jirimiạ 31:22

E bạṛicʼ horte senakan kuṛi, ar tinạkʼ din am dom dãṛãbaṛaea? Iń Probhu Isor do dhạrtire mitʼṭecʼ nãwãnakʼ iń hoyocoakada, ona do hoyokʼ kana, maejiu do herel hoṛe aḍ bańcaoea.”

Jirimiạ 5:11

Israel ar Jihudạren hoṛko do ińre ạḍitetʼ bepạtiạranko hoyakana. Iń Probhu Isorge noa katha doń meneda.”

Jirimiạ 7:24

Menkhan onko do ona bako ańjomleda ar mone hõ bako moneyada; ona bodolte akoakʼ kusi leka, akoakʼ bạṛicʼ mon reakʼ kạṭhuạtetʼ lekako taṛamkeda. Onko doko pạc ruạṛena, ar bako lahalena.

Jeheskel 16:31

Am do kulhi mucạtʼ dobạṭiạkore than ghuṭukom benao joṅkana ar loṭghuṭi kạmikate hõ amakʼ kuṛại dom nihạ̃t giḍikakʼ kana.

Jeheskel 16:35

E laṭghaṭicʼ maejiu, Probhu Isorakʼ katha ańjomme.

Jeheskel 20:28

Okaṭakʼ disạm emako reakʼ iń kiriạlen onḍe idiko tayom onko do jãhãrege usul buru ar hạriạṛ dare buṭạko ńelketʼ onḍege janwarko samaṅketʼkoa. Onko do samaṅokʼ reakʼ porobkote ińko khĩs ocokedińạ.

Jeheskel 23:11

“Uniren boeha kuṛi Oholiba do noakoe ńelkeda, enhõ uni do acʼakʼ gagojokʼre ar laṭghaṭre acʼren boeha kuṛi khon hõ bạ̃ṛtiye kharapena.

Jeheskel 23:4

Unkin modre maraṅicʼakʼ ńutum do Ohola ar bokot kuṛiyakʼ ńutum do Oholiba. Unkin do ińrenkin hoyena ar koṛa hopon ar kuṛi hoponkin janamketʼkoa. Ohola do Samariại hoyena ar Oholiba do Jerusalemge.

Hosea 11:7

Ińren hoṛko do iń ṭhen khon ruạṛ calakʼko niṭ akada. Ona iạte onko do maraṅ Isor, metakʼme ińko hohowạńre hõ bạń goṛowakoa.

Hosea 4:13

Buru reakʼ cuṛạkore onko do janwar dãṛẽko samaṅetʼkoa ar buru cetan reakʼ Elon, Libni ar Ela dare buṭạko reakʼ umulre dhupko jeretʼeda. Ona iạte aperen hoponerako do kusumbiko hoyokʼtapea ar hoponkoren bạhuko doko loṭghuṭiya.

Bikʼcạrko 2:17

Menkhan enhõ Israel hoponko do disạm cakʼlaokoakʼ katha bako luturakʼkan tahẽkana. Probhu Isor cetanre pạtiạu doho baṅkate debotako cetanre apnarko ṭehãḍokʼkan tahẽkana arko sewawako kan tahẽkana. Onkoren hapṛamko Probhu Isorakʼ oka horteko taṛametʼ tahẽkan ona hor khon thoṛa ghạṛicʼ khangeko ghańjeṛokʼ kan tahẽkana.