Jirimiạ 3:5 - সান্তালী বাইবেল

⁵ am do cetʼ jao oktege edre akanem tahena? Amakʼ edre do cetʼ jaejug hạbicʼ tahentama?’ Am do onkagem men akada, menkhan daṛeakʼ bhor bạṛicʼakʼgem kạmi akada.”

Jirimiạ 3:5 Iomraidhean Croise

2 Bõsbudạ 29:10

Iń do ńitokʼ Israelren Probhu Isor sãote mitʼṭecʼ bondobos reakʼ iń khojkana jemon uniyakʼ botoranakʼ edre abo cetanre alo paṛaokʼ.

Sereńko 85:5

Jaejugge cetʼ ale cetanre am do edre akanem tahena? Piṛhike piṛhi am do cetʼ alere bekusi akangem tahena?

Sereńko 85:6

Amren hoṛko am iạte jemonko rạskạ daṛeakʼ onate cetʼ onko do bam jiwetʼ ruạṛkoa?

Jesaea 57:16

Iń do jaejug hạbicʼ manwa do bạń dusiyea se ińakʼ edre unre bạń dohoya. Ente iń khonge jiu do oḍokokʼ kana ar ińge jiu reakʼ sahẽtʼ doń benao akada.

Jesaea 64:9

E Probhu Isor, alom edre sạṅgińokʼa; ar aleakʼ ghạṭko jaejug hạbicʼ alom disạ dohoytalea. Alele nehõram kana, ale secʼ baṛe beṅgedme, ente ale sanamkoge amren hoṛ kanale.

Jirimiạ 3:12

Am do senkate utạr secʼ samaṅkate noako sombat lại jạhirme: ‘iń Probhu Isorgeń meneda, E bạṛicʼ horte ghańjeṛ akan Israel, dela ruạṛ hijukʼme. Kurkunḍucʼkate am secʼ beṅgetʼ akae do bạń tahena; ente iń doń dayawạnicʼ kana, onate jaejug hạbicʼ edre akan do bạń tahena.

Jirimiạ 8:5

Menkhan Jerusalemren hoṛ do bạṛicʼ horte senkate cedakʼ bako ruạṛ hijukʼkana? Onko do eṛeyakʼko sapʼ kajak akawana; ar ruạṛ hijukʼ do bako rebenkana.

Jirimiạ 8:6

Iń do mone lagaokateń ańjomakada, onko do ṭhikakʼ katha bako roṛeda. Bạṛicʼakʼko khon mon ạcurkate okoehõ bako meneda, ‘hae, cetʼ iń cekakeda!” Sadom cetʼ leka lạṛhạireye ńir bolokʼkan onkage onko do apan ạpin horteko calakʼkana.

Jeheskel 22:6

“‘Ńelme, amre menakʼko Israelren cakʼlaoko do akoakʼ daṛe leka mãyãm joro ocoy lạgitʼko mone muruk akada

Mikạ 2:1

Hae onko do, one okoe do behok lạgitʼko goṭayetʼkan, one okoe do apnarakʼ aṭetʼre bạṛicʼakʼ reakʼ phundiko aṭaoetʼkan. Ar setakʼlen khan do onka lekako kạmikana, ente ona onkae reakʼ daṛe do akoakʼ tire menakʼa.

Mikạ 7:3

Onkoakʼ banar ti do behokakʼ kạmi lạgitʼ gạkhuṛgetakoa. Mukhiyạko do sandesko khojkana, bikʼcạrko do ghusko jomeda, ar kisạ̃ṛko okako khojkan onako baḍae ocokana; ar onko jotoge mitʼ domte phundiko aṭaoetʼkana.