Jirimiạ 3:3 - সান্তালী বাইবেল

³ Ona iạte achaṛ dakʼko akoṭokʼ kana ar niron din reakʼ dakʼ hõ baṅ hijukʼkana. Am do kusumbi ạimại lekagem ńelokʼkana; ar lajao hõ bam lajaokʼ kana.

Jirimiạ 3:3 Iomraidhean Croise

Genesis 19:34

Dosar hilokʼ maraṅicʼ do huḍińicʼ kuṛiye metadea, “Ńelme, hola ńindạ do baba tulucʼ iń giticʼmitʼena. Dela, teheń ńindạ hõ onka gelaṅ bul ocoyea, ar ona tayom do uni tulucʼ am giticʼmidokʼme. Enḍekhan baba hotete alaṅ do alaṅakʼ bõs laṅ rukhiyạ daṛeakʼa.”

Nehemiạ 9:17

Onko do am tabere tahen do bako aṅgocleda, ar okako hahaṛa kạmi onko talarem kạmiletʼ ona hõ bako disạ doholeda. Onko do hoṭokʼko keṭecʼketʼtakoa ar golam leka Misorte arhõ ruạṛ calakʼ lạgitʼ mitʼṭen mukhiyạko bahalkedea. Menkhan am do ikạyicʼ Isor kanam, am do daya ar mãyãtem perecʼgea; am do thoṛategem tirpitokʼ kana ar amakʼ dulạṛ do asambheṛgea. Onate onko do bam bạgi giḍiakatʼkoa.

Kạhtukko 21:29

Bedhorom hoṛkoakʼ mẽtʼãhãre jãhãn lajao do baṅ ńelokʼa, menkhan dhorom hoṛ do acʼakʼ jion horre taṛam lạgitʼe khạṭigea.

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Jirimiạ 14:1

Akal reaṅ Probhu Isor do Jirimiại metadea,

Jirimiạ 14:22

Jạt jạtkoren ạuṛiyakʼren boṅga murhutʼko do cetʼ dakʼko ạgu daṛeakʼgea? Serma do cetʼ jạṛi dakʼe em daṛekea? E aleren Probhu Isor, eken amgem daṛeakʼa. Am cetanrege ale do asle dohoyeda, ente amge noakom kạmikana.

Jirimiạ 14:3

Lekman hoṛ do dakʼ lạgitʼ akoren gutikoko koletʼkoa; menkhan onko do dakʼ reakʼ ṭhạ̃ite hecʼkate dakʼ bako ńametʼkante eken kanḍawategeko ruạṛ calakʼ kana; onko do lajao arko as chuṭạu akante bohokʼko poṭom esetʼ akatʼtakoa.

Jirimiạ 14:4

Ot do paṛakʼ akana, ente disạmre dakʼge bae dakʼeda; cacasko hõko as chuṭạuente bohokʼre tiko capo akana.

Jirimiạ 36:2

“Am do guṛhạ akatʼ mitʼṭecʼ puthi hataome ar Josiạwakʼ rajokʼ okte khon ehopʼkate teheń hạbicʼ Israel, Jihudạ ar eṭakʼ eṭakʼ jạtrenko reaṅ okaṭakʼ kathań lạiyatʼme tahẽkan onako joto do onare olme.

Jirimiạ 5:24

Onko do mone monete hõ bako mena, ‘dela, aboren Probhu Isor bon botorae ma, ente uni do jao okte lolo ar rabaṅ dinreye dakʼ abon kana, ar phosol irokʼ jokhecʼ hõ jaogeye rukhiyạyetʼ bona.’

Jirimiạ 5:25

Apeakʼ bedhorom kạmi iạte noako do sạṅgińre dohoakana; apeakʼ ghạṭ iạte apeakʼ bhạlại do baṅ hoyoktapea.

Jirimiạ 5:3

E Probhu Isor, am do cetʼ sạriyakʼ bam beṅgetʼakʼ kana? Onkom hạ̃nletʼkore onko do cetʼ baṅ hasoletʼkoa; ar onkom sumạrletʼkore hõ onko do bako sudhrạulena. Onkoakʼ mẽtʼãhã do dhiri khon hõ bạ̃ṛtiko keṭecʼketʼtakote kastaokʼ hõ bako aṅgocleda.

Jirimiạ 6:15

Onko do akoakʼ ona baṛicʼ kạmi iạte cetʼko lajaokʼ kana? Baṅa, onko do cetʼ lajaoge bạnukʼtakoa; onko do lajaokʼge bako baḍaea. Ona iạte onko do gurokʼko sãoteko gurokʼa. Ar tinreń sạjạikoa unre onko doko tawakʼ ńurokʼa. Iń Probhu Isorge noa katha doń meneda.”

Jirimiạ 8:12

Onko do cetʼ akoakʼ ona bạṛicʼ kạmi iạteko lajaokʼkana? Baṅa, onko do cetʼ lajaoge bạnukʼtakoa; onko do lajaokʼge bako cetʼakada. Ona iạte onko do gurokʼko sãoteko gurokʼa. Ar tinre onkoń sạjạikoa unre onko doko tawakʼ ńur ocokʼa. Iń Probhu Isorge noa katha doń meneda.”

Jirimiạ 9:12

Jãhãe nonkan ạkilanicʼ menaea, okoe do onae bujhạu daṛeakʼ? Probhu Isor ṭhen khon ańjomkate okoe ona do eṭakʼkoe baḍae ocodaṛekekoa? Okaṭakʼ disạm do jarkhar iạte hahaṅkar leka roṅgo akan, ar onkate do celege bako paromokʼ kana?

Jeheskel 3:7

Menkhan Israelko do amakʼ katha bako ańjomtama, ente onko do ińakʼ katha ańjom lạgitʼ bako rebena; noa reakʼ karon do hoyokʼ kana, goṭa Israel jạtren hoṛ do kạṭhuạ ar keṭecʼ monan kanako.

Levitikus 26:19

Iń do apeakʼ daṛe reakʼ bạḍạigeń rạputʼ giḍitapea. Ar apeakʼ bohokʼ cetan reakʼ rimil do mẽṛhẽtʼ leka ar jaṅga latar reakʼ ot do pitạl lekań keṭecʼ ocoya.

Amos 4:7

Irokʼ din pe cando ạuri tiyogokʼrege iń do ape cetanre jạṛi dakʼ iń akoṭkeda. Mitʼṭecʼ atore jạṛi dakʼ kolkate eṭakʼ atore do bạń dakʼ ocowada. Mitʼṭecʼ khet do dakʼte lohotʼena, ar eṭakʼ khet do dakʼ begorte khaṅgoṭena.

Amos 4:8

Dakʼ lạgitʼ ape do ḍhoya ḍhape mitʼ ato khon eṭakʼ atope senlena menkhan tirpitokʼ leka dakʼ do bape ńamleda; enhõ ape do iń ṭhen bape ruạṛ hecʼlena.

Sephaniạ 2:1

E bin lajaokʼ jạtrenko, ape do midokʼpe ar mitʼ sãote jarwakʼpe.

Sephaniạ 3:5

Unireye tahenkan Probhu Isor doe dhoromgea; uni do bae behoka; uni do setakʼre acʼakʼ dhorom bicạre udukʼeda; oka hilokʼ hõ bae gạphileda. Menkhan bedhorom kạmikoakʼ lajao do bạnukʼtakoa.

Hagae 1:11

Khet baṛge, buru-ḍuṅgri, phosolko, nãwã darkha rasa, sunum ar otre okako omonokʼ ona cetanre ar manwa, janwar ar apeakʼ tite kạmiyakʼ sanamakʼko cetanre dakʼ alo emokʼ lạgitʼ iń hukumleda.”

Dosar Biboron 28:23

Amakʼ bohokʼ cetan reakʼ serma do tamba leka ar latar ot do mẽṛhẽtʼ leka keṭecʼ hoyokʼa.

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.