Jirimiạ 3:10 - সান্তালী বাইবেল

¹⁰ Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”

Jirimiạ 3:10 Iomraidhean Croise

2 Bõsbudạ 34:33

Josiạ do Israelko tabereko tahẽkan sanam disạm khon Hirkhạwan joto lekan boṅga murtikoe sạṅgiń giḍiketʼkoa ar Israelre jarwa akan sanamko salakʼ uni do Probhu Isore sewawadea. Uni tinạkʼ din jiwetʼe tahẽkan unạkʼ din hoṛko do onkoren hapṛamkoren Probhu Isorakʼ horteko calakʼkan tahẽkana.

Sereńko 18:44

Onko do ińakʼ katha ańjom torageko bataotińạ; ar bidisiạ hoṛ doko luhum suhumań kana.

Sereńko 66:3

Isor metaepe, “Amakʼ kạmi ńelte monre botor ar bhokti do rakabokʼ kana. Amakʼ maraṅ daṛe samaṅre amren bạiriko do tumbutʼ hape reakʼko bhankakʼa.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jesaea 29:13

Probhu Isore meneda, “Noko do mocategeko ganaoedeńkana ar luṭitegeko manotedeńkana, menkhan onkoakʼ ontor do iń khon sạṅgińgetakoa. Onko do manwa cecetʼakʼ niạmkote ińko sewawạń kana.

Jesaea 31:6

E Israelrenko, okoe upạrte nunạkʼpe hulletʼkan uni ṭhen ruạṛ hijukʼpe,

Jirimiạ 11:10

Onko do onkoren hapṛamkoakʼ kại secʼgeko ruạṛ akana one okoe do ińakʼ katha ańjom bako rebenlen. Onko do debotako sewawako lạgitʼ onkoko pańjaketʼkoa. Onkoren hapṛamko lạgitʼ oka bondobosiń doholetʼ ona do Israel ar Jihudạren hoṛko bako manaoleda.

Jirimiạ 12:2

Onko do amgem rohoey akatʼkoa arko rehetʼ akana; onko doko harakʼkana arko jo bahakʼkana. Onko do mocate jao okte amakʼ kathako roṛa menkhan onkoakʼ ontor do am khon ḍher sạṅgińgetakoa.

Jirimiạ 9:1

Hae, ińakʼ bohokʼ do dakʼge hoylen khan, ar ińakʼ mẽtʼ do jharna dakʼge hoylentiń khan! Enḍekhan iń jạtren okoeko hoṛko gocʼ ocoakan onko lạgitʼ siń ar ńindạń rakʼkea.

Hosea 7:14

Onko do akoakʼ aṭetʼreko homor halaṅeda, menkhan ontor khon iń ṭhen do bako rakʼeda. Anaj ar nãwã darkha rasa ńam lạgitʼko jarwakʼkana ar iń upạrteko hulletʼkana.

Amos 4:9

Ạḍi dhao apeakʼ bagwan ar darkha bagwanko jhãoraokʼteń ńẽtʼketʼa ariń ujạṛketʼtapea. Apeakʼ loa dare ar jạitun dareko do pohoko jomkeda; enhõ ape do iń ṭhen bape ruạṛ hecʼlena.

Malaki 2:11

Jihudạ doe phạsiạragea. Israel ar Jerusalemre do bạṛicʼakʼ kạmiko hoyakana. Jihudạren hoṛ do boṅgan hoṛkoren hoponerako baplaletʼko iạte Probhu Isore dulạṛetʼko hoṛko besapha ocoakatʼkoa.