Jirimiạ 3:1 - সান্তালী বাইবেল

¹ Probhu Isore meneda, “Jãhãe hoṛ acʼren bạhui bạgiye ar uni maejiu do uni ṭhen khon senkate eṭakʼ hoṛ tulucʼe baplakʼ, enḍekhan uni herel hoṛ do cetʼ arhõ uni maejiu ṭhene ruạṛ calakʼa? Uniye ruạṛ calaolen khan ona disạm do cetʼ baṅ bhonḍokʼa. Menkhan am do ḍherko sãote tahẽkate kusumbiko lekam laṭghaṭ akada; ar ńit do cekate arhõ iń ṭhenem ruạṛ hijukʼa?

Jirimiạ 3:1 Iomraidhean Croise

Sereńko 106:38

Onko do bedhoromko, metatʼme akoren gidrạkoakʼ mãyãmko joro ocokeda. Onko do Kananren murhutʼko ńutumteko dãṛẽketʼkoa, onate goṭa disạmge mãyãmte bhoṅḍena.

Jesaea 24:5

Dhạrti do uniren hoṛko besonot akada. Onko do ạn-ạriko bemanot akada; ạnko rạputʼ akada ar Probhu Isorakʼ bondobos leka do bako taṛam akada.

Jirimiạ 2:20

“Ḍher din laharege am do amakʼ arãṛem rạputʼ giḍi akada ar amakʼ tonolem topakʼ akada; arem meneda, ‘am do bạń sapʼ sorama.’ Am do mimitʼ usul buru ar hạṛiạṛ dare buṭạkore kusumbi leka ombakʼkatem laṭghaṭetʼ kana.

Jirimiạ 2:23

Ar cekatem meneda, iń do bạń bhõnḍ akana, am do cetʼ Bakʼal debota tayomte bam ńir sen akana? Buru nalakore amakʼ horko beṅgetʼatam; ar am okam ceka akatʼ ona hõ hudisokʼme. Am do mecka mecki baṛaekan phẽṭaṛ ũṭ leka hante natem piḍgạu baṛaekana.

Jirimiạ 2:7

“Iń do mitʼṭecʼ asecʼ tasecʼ hoyokʼ disạmtegeń ạguletʼpea jemon onḍenakʼ jo ar bhage bhage jiniskope jom daṛeakʼ; menkhan ape do hecʼkate ińakʼ disạmpe bhonḍ akada, ar ińakʼ ạidạriyakʼko do kurudanakʼ jinisgepe hoyocoakada.

Jirimiạ 22:20

Probhu Isore meneda, “E Jerusalem, am do Lebanonte senkate hohoeme, ar Basonre amakʼ aṛaṅ ańjom ocoytam. Am do Abarim khon kikiạume, ente amren dulạṛiạko doko chirchạtur akana.

Jirimiạ 3:22

Probhu Isore meneda, “E bạṛicʼ horte sen akan hoponko, dela ruạṛ hijukʼpe; apeakʼ peṛta horte ghańjeṛ akan reakʼ ruạń cabaetapea.” Unre Israelkoko mena, “Hẽ, ale do am ṭhengele ruạṛ hijukʼa, ente am kangeam aleren Probhu Isor do.

Jirimiạ 3:9

Uni do loṭghuṭi reakʼ kạmi jãhãnakʼ bae metatʼte dhiriren ar kaṭren debotako sãoteye laṭghaṭketʼte disạme bhonḍkeda.

Jirimiạ 31:22

E bạṛicʼ horte senakan kuṛi, ar tinạkʼ din am dom dãṛãbaṛaea? Iń Probhu Isor do dhạrtire mitʼṭecʼ nãwãnakʼ iń hoyocoakada, ona do hoyokʼ kana, maejiu do herel hoṛe aḍ bańcaoea.”

Jirimiạ 4:1

Probhu Isore meneda, “E Israel, ruạṛ hijukʼem menetʼ khan iń ṭhenge ruạṛme. Ińakʼ mẽtʼãhã samaṅ khon amren hirkhạwan boṅga murhutʼkom sạṅgiń giḍikako ar bạṛicʼ horte bam senokʼ,

Jirimiạ 4:14

E Jerusalem, amakʼ ontor reakʼ bạṛicʼakʼko ạrupʼ saphaeme jemon bańcaoem ńam. Ar mon reakʼ bạṛicʼ hudisko hõ ar tinạkʼ dinem dohokakʼa?

Rak̕joṅ 1:2

Uni do ạyupʼ jokhecʼ ạḍiye rakʼetʼ kana, mẽtʼ dakʼte johakine lohotʼetʼtaea. Acʼren dulạṛiạko modren uniyakʼ jiwi raṛejtae lạgitʼ do okoehõ bạnukʼkoa. Uniren gateko do jotoge uniko eṛeakadea; onko jotoge uniren bạiriko hoyakana.

Jeheskel 16:26

Amren sor peṛa Misorrenko sãote hõm lạṭghaṭ akada ar amakʼ loṭghuṭi reakʼ kạmim ḍher idiyetʼte ińem khĩs ocoakadińạ.

Jeheskel 16:30

“ ‘Iń Probhu Isorgeń meneda, am dom nicạṛ monan kana, ente mitʼṭen besorom kusumbi ạimại lekage noakom kạmikana.

Jeheskel 16:35

E laṭghaṭicʼ maejiu, Probhu Isorakʼ katha ańjomme.

Jeheskel 33:11

Am do onkom metakoa, iń Probhu Isorge, iń ńutumte kiriạkateń meneda, bạṛicʼ hoṛkoakʼ gujukʼte jãhãn rạskạ do bạń ńameda, bickom bạṛicʼ hor khon ruạṛkate jemonko bańcaokʼ onate iń doń rạskạkʼa. E Israel jạtrenko, dela ruạṛpe, apeakʼ bạṛicʼ hor khon ruạṛ hijukʼpe. Ente cedakʼpe gujukʼa?

Hosea 1:2

Hosea hotete pạhil dhao katha roṛ jokhecʼ Probhu Isor do uniye metadea, “Am do senkate mitʼṭen kusumbi ayo baplayem. Ar laṭghaṭren hoponko omonjoṅme, ente disạmren hoṛko do ạḍitetʼko laṭghaṭeda Probhu Isorko bạgi akadete.”

Hosea 2:2

“Aperen gogo nehõraepe, unige ruhedepe, ente ińren bạhu doe baṅkana ar ińhõ uniren jãwãe doń baṅkana. Uni do acʼakʼ mẽtʼãhã khon laloce ocokʼ giḍikakʼma ar acʼakʼ ontor khon laṭghaṭ hõe sạṅgiń giḍikakʼma.

Mikạ 2:10

Ape do beredokʼte, calakʼpe, ona do apeakʼ jirạukʼ jaega do baṅkana; ente ape do disạmpe bhonḍakada, ona iạtege ona do marao utạrokʼa.

Sakariạ 1:3

Ona iạte am do hoṛkom metakoa, phạdkoren Probhu Isore meneda, ‘iń ṭhen ruạṛ hijukʼpe, enḍekhan iń hõ apeń beṅgetʼapea.

Mathae 5:31

“Arhõ roṛ akana, ‘Jãhãe hoṛ bạhuttetʼe bạgiye khan uni do bapag dolele emaema.’

Dosar Biboron 22:21

tobe kuṛi do acʼ apattetʼakʼ oṛakʼ reakʼ duạr ṭhen idiye hoyokʼa. Ar onḍe herel hoṛko do dhirite uniko tiń gojea. Kuṛi do apattetʼakʼ oṛakʼre tahen jokhecʼe laṭghaṭletʼ iạte Israelko talare mitʼṭecʼ hirkhạwakʼe kạmiakada. Ar ape tala khon nonkan bạṛicʼan hoṛ dope marao utạrkoa.

Bikʼcạrko 19:2

Uni chuṭki era do loṭghuṭi iạteye bạgi ocoyen khan acʼren apatakʼ oṛakʼ Bethlehemteye ruạṛ calaoena. Uni do onḍe pon candoe tahẽyen khan uniren jãwãetetʼ do ruạṛ ạguiye lạgitʼte senena. Ar uni sãote acʼren guti koṛa ar mitʼ joṛa gadha hõe idi toraketʼkinạ. Unre uni maejiu do acʼ apatakʼ oṛakʼteye idiketʼkinạ. Ar uniren hońhartetʼ hõ uniye ńelkede khan ạḍiye kusiyena.