Jirimiạ 28:5 - সান্তালী বাইবেল

⁵ Unre Jirimiạ nạbi do naekeko ar sanam hoṛko okoe do Probhu Isorakʼ oṛakʼreko teṅgo akan tahẽkan onko samaṅre Hananiạ nạbiye roṛ ruạṛadea.

Jirimiạ 28:5 Iomraidhean Croise

1 Bõsbudạ 3:19

Podayren hopon dokin hoyokʼkana Serubabil ar Simiyi. Serubabilren hopon dokin hoyokʼkana Moslum ar Honaniạ. Ar unkinren miseratakʼ ńutum do tahẽkana Solomit.

Jirimiạ 19:14

Ona tayom Jirimiạ do Tophet khone ruạṛ hecʼena. Probhu Isorge acʼakʼ katha lại jạhir lạgitʼ onḍeye kolledea. Uni do Probhu Isorakʼ oṛakʼ reakʼ racare teṅgokate sanam hoṛkoe galmaraoatʼkoa,

Jirimiạ 26:2

“Iń Probhu Isorgeń meneda, am do senkate ińakʼ racare teṅgokʼme ar Jihudạ reakʼ nagrahako khon okoeko hoṛ do koejoṅ lạgitʼ ińakʼ oṛakʼteko hijukʼ onko sanamko ṭhen okaṭakʼ katha galmaraoakoń hukum akatʼme ona reakʼ mitʼke mitʼ katham lạiyakoa, mitʼṭecʼ hõ alom bad oṭokakʼa.

Jirimiạ 28:1

Inạ bochorge, Jihudạren raj Sedekiạwakʼ rajokʼ pạhil secʼ, metakʼme ponakʼ bochor reakʼ mõṛẽakʼ candore Gibeon nagraharen Asur hopon Hananiạ nạbi do Probhu Isorakʼ oṛakʼre naekeko ar sanam hoṛko samaṅre Jirimiạ noa kathae metadea,