Jirimiạ 27:6 - সান্তালী বাইবেল

⁶ Ńitokʼ iń do apeakʼ goṭa disạmge ińren golam Babelren raj Nebukadnesarakʼ tireń soprota; ar bir janwarko hõ uni tabereń dohokoa.

Jirimiạ 27:6 Iomraidhean Croise

2 Rapajko 25:28

Uni do Jehoyakin sãote mońjteye galmaraokeda ar Babelre uni sãote okoe rajko tahẽkan onko khon hõ ḍher manotakʼ ṭhạ̃ireye duṛupʼkedea.

2 Bõsbudạ 36:23

“Parasren raj Kores do niạ kathae meneda, ‘sermaren Probhu Isor do dhạrti reakʼ sanam rajosṭi ińe em akawạdińa ar Jihudạ reakʼ Jerusalemre acʼ lạgitʼ mitʼṭecʼ oṛakʼ benao lạgitʼe bachao akadińạ. Uniren hoṛko modre, metakʼme ape talare okoeye khojkan uni do onḍeye calakʼma ar uniren Probhu Isor do uni sãoreye tahenma.’ ”

Jesaea 44:28

Ar Kores reaṅ doń mena, ‘uni do ińren gupiyicʼ kanae; ar iń okań kusiyakʼ ona sanamakʼe kạmiya. Uni do Jerusalem reaṅe mena, ‘arhõ teṅgo ruạṛokʼma,’ ar koejoṅ oṛakʼ reaṅ doe mena, ‘ona reakʼ rehetʼ do bạisạukʼma.”

Jirimiạ 21:7

Ona tayom iń do mahamạri, lạṛhại ar akal khon bańcao tahen Jihudạren Sedekiạ raj, uniren rajkạmiyạko ar niạ nagraharen sanam hoṛ do Babelren raj Nebukadnesar rajakʼ tire ar okoe onkoakʼ gujukʼko khojkan onko bạirikoakʼ tireń soprotkoa. Nebukadnesar do onkoe gocʼkoa; uni do jãhãn daya ar mãyãge onkore bae dohoya. Iń Probhu Isorge noa katha doń meneda.’ ”

Jirimiạ 22:25

Okoe amakʼ jiwi hataoko menetʼ, ar okoeyem botoraekan uni Babel raj Nebukadneser ar kạldikoakʼ tireń soprotmea.

Jirimiạ 24:1

Babelren raj Nebukadnesar do Jehoyakim hopon Jekoniạ Jihudạren raj, Jihudạren mukhiyạko, kạrigolko ar kamarko do Jerusalem khon Babelteko bondi idi ocoyen tayom Probhu Isor do acʼakʼ oṛakʼ samaṅre dohoakan bar khạclạkʼ loa joe ńel ocokedińa.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 28:14

Iń Israelren phạdkoren Probhu Isorgeń meneda, noko jạtrenko jemon Babelren raj Nebukadnesarren golamko hoyokʼ onate onkoakʼ tarenre mẽṛhẽtʼ reakʼ arãṛ iń ladeakoa, ar onko do uniko sapʼsoraea. Ar uni do bir janwarko cetanre hõ ektiạriń emaea.’ ”

Jirimiạ 43:10

Ona tayom onkom metakoa, Israelren phạdkoren Probhu Isore meneda, ‘ińren guti Babelren raj Nebukadnesar iń hoho ạguiyea ar okaṭakʼ dhiri nonḍeń oko dohoakatʼ ona cetanre uniyakʼ siṅghạsoniń bạisạua; ar ona cetanre uni do acʼakʼ raj tạmbui pasnaotaea.

Jirimiạ 49:30

Probhu Isore meneda, “E Hasorren hoṛko, usạrate dạṛpe. Ar danaṅ ṭhạ̃ire senkate tahenpe. Babelren raj Nebukadnesar do ape upạrteye soṛojontro kana, ape upạrte mitʼṭecʼe goṭa ṭhik akada.

Jeheskel 29:12

Jarkhar akan disạmko modre Misor disạm reakʼ dosa do artetʼ kharapiń hoeocoya; ar dhaṅdhaser akan nagrahako modre uniyakʼ nagrahako do pongel bochor hạbicʼ artetʼge bạṛicʼ hoyokʼa. Ar Misorrenko do jạt jạtrenko ar disạmko talareń chirchạturkoa.

Jeheskel 30:24

Iń do Babel rajakʼ tire daṛeń ema ar ińakʼ tarwaṛe do uniń calaea, menkhan Pharaoakʼ ti doń rạpudtaea. Onate Pharao do Babel raj samaṅre ghạl akan hoṛ lekae geraṅa.

Daniel 4:12

Ona reakʼ sakamko do ạḍi napae tahẽkana ar jo hõ ạḍi ḍher tahẽkana ar ona khon sanamkoge jomakʼko ńametʼ tahẽkana. Ona latarre do ṭạnḍiren janwarko ḍerakʼkan tahẽkana ar coṭren cẽṛẽko hõ ona reakʼ ḍạrkoreko tukạyetʼ tahẽkana; ar sanam jiwiyankoge ona khon jomakʼko ńametʼ tahẽkana.

Daniel 4:22

E maharaj, am kangeam ona dare do. Am do maraṅ ar daṛeanem hoyakana; amakʼ daṛe do ḍher akante serma hạbicʼem tiyokʼ akada ar amakʼ rajosṭi do dhạrti reakʼ ses simạna hạbicʼ seṭer akana.